शब्दयात्रा प्रकाशनले स्थापना भएयताको १२ वर्षभित्र (२०६८ जेठ १५ देखि २०८० वैशाख १५ सम्म) गरेका कार्यहरू — (१) दानबाट बनेपामा जग्गा प्राप्ति । (२) बनेपामा षडानन्द अधिकारी, देवीप्रसाद सापकोटा, कृष्णलाल अधिकारी, नरबहादुर भारती र मेलवादेवी गुरुङको सालिक स्थापना । (३) धुलिखेलमा बेलप्रसाद श्रेष्ठको सालिक स्थापना । (४) पुस्तकालयको स्थापना, हाल करिब बाह्र हजार पुस्तक–पत्रिका रहेका । (५) शब्दयात्रा प्रकाशनको आफ्नै भवन र सभाकक्ष निर्माण । (६) सरस्वती र राधाकृष्णको मन्दिर निर्माण । (७) दुई सय एघाह्रवटा पुस्तक प्रकाशन । (८) साहित्यिक पत्रिकाको प्रकाशन । (९) साप्ताहिक पत्रिकाको प्रकाशन । (१०) साप्ताहिक रेडियो कार्यक्रम सञ्चालन । (११) अनुसन्धान केन्द्रको सञ्चालन । (१२) एक सय छयान्नब्बेजनालाई सम्मान । (१३) चौधजनालाई पुरस्कार । (१४) छजनालाई छात्रवृत्ति । (१५) तीसजनालाई कदरपत्र । (१६) एक सय आठ शिवलिङ्ग स्थापनामा सहकार्य ।

शब्दयात्रा प्रकाशनले २०८० सालको प्रथम चरणमा समर्पण गर्ने विभिन्न ७ विधाको सम्मानका लागि उपयुक्त व्यक्तित्वको चयन गर्न महिला साहित्यिक स्रष्टाहरू रहेको ३ सदस्यीय सम्मान्य व्यक्तित्व चयन समिति बनाएको छ । समितिको संयोजकमा शारदा घिमिरे भैल तथा सदस्यमा गीता अधिकारी र कालिका त्रिपाठी पन्त रहनुभएको छ । यस समितिलाई शब्दयात्रा प्रकाशनमा प्राप्त भएका नाउँ र योगदानको विवरण उपलब्ध गराइनेछ । तीमध्येबाट यस समितिले सम्मान्य व्यक्तित्वको चयन गर्नेछ । यस समितिले चयन गरेका व्यक्तित्वहरूलाई नै शब्दयात्रा प्रकाशनले सम्मान समर्पण गर्नेछ ।

साहित्यकार वेदकुमारी न्यौपानेद्वारा लिखित नौवटा पुस्तकलाई यही २०८० साल वैशाख ९ गते शनिबार बनेपामा अवस्थित शब्दयात्रा प्रकाशनको सभाकक्षमा आयोजित विशेष कार्यक्रममा सार्वजनिक गरियो । कार्यक्रम कवयित्री, नाटककार तथा आध्यात्मिक अभियन्ता लीला श्रेष्ठको सभापतित्वमा सम्पन्न भएको थियो । प्रमुख अतिथिका रूपमा नेपालको पहिलो महिला महाप्रबन्धक, हालको समाज कल्याण परिषद् र महिला मन्त्रालयको अवधारणा ल्याउने विदुषी, शान्ति आश्रम र महिला सुरक्षा दबाब समूह जस्ता थुप्रै संस्थाको स्थापना गर्ने समाजसेवी तथा एक दर्जन कृतिका स्रष्टा सावित्री थापा उपस्थित हुनुहुन्थ्यो ।
कार्यक्रमको पहिलो चरणमा ‘पूर्णिमाको जून’ (कवितासङ्ग्रह)’, ‘शब्द’ (कवितासङ्ग्रह), ‘हराएको किनारा’ (गीतसङ्ग्रह) र ‘कहिले घाम कहिले छाया’ (मुक्तकसङ्ग्रह) नामक चार पुस्तकलाई लेखक तथा सम्पादक लक्ष्मी पोखरेल, लेखक तथा सम्पादक गीता अधिकारी, गायिका सरस्वती सापकोटा र कवयित्री अम्बिका धितालले सार्वजनिक गर्नुभएको थियो भने ती पुस्तकहरूमाथि कवयित्री मीरा चापागाईंले परिचयात्मक टिप्पणी गर्नुभएको थियो । दोस्रो चरणमा ‘प्रायोजित’ (रेडियो–नाटकसङ्ग्रह), ‘प्लास्टिक सर्जरी’ (लघुएकाङ्कीसङ्ग्रह) र ‘कुल्चिएका फूलहरू’ (एकाङ्कीसङ्ग्रह) नामक तीन पुस्तकलाई शिक्षासेवी डा. मीना सिंह खड्का, पत्रकार भगवती तिमल्सिना र चलचित्र निर्देशन गर्ने प्रथम महिला सुचित्रा श्रेष्ठले सार्वजनिक गर्नुभएको थियो भने ती पुस्तकहरूमाथि कवयित्री तथा नाटककार भवानी पाण्डेले परिचयात्मक टिप्पणी गर्नुभएको थियो । तेस्रो चरणमा ‘एक दिन’ (बालनाटक) र ‘साथीको माया’ (बालएकाङ्कीसङ्ग्रह) नामक दुई पुस्तकको सार्वजनिकीकरण समीक्षक तथा लेखिका डा. सीता सुवेदी र छात्रा सिमोन बस्नेतले गर्नुभएको थियो भने ती पुस्तकहरूमाथि कवयित्री तथा बालशिक्षासेवी शारदा घिमिरे भैलले परिचयात्मक टिप्पणी गर्नुभएको थियो । कार्यक्रममा कृतिकार वेदकुमारी न्यौपानेले आफ्नो साहित्ययात्राको उत्प्रेरक गाथा प्रस्तुत गर्नुभएको थियो भने प्रमुख अतिथि सावित्री थापा र सभापति लीला श्रेष्ठले कार्यक्रमको विशेषताका बारेमा बोल्नुभएको थियो ।
कार्यक्रमको सञ्चालन संस्थापक अध्यक्ष हरि मञ्जुश्रीले गर्नुभएको थियो भने स्वागत भाषण सञ्चालक सदस्य कृष्णमणि कुइकेलले, कृतिकारको चिनारी कवयित्री कालिका त्रिपाठी पन्तले र कार्यक्रमको समीक्षासहित सभाविसर्जन अतिथि कवि तथा अन्वेषक लालबहादुर भुजेलले गर्नुभएको थियो । यसै गरी रुद्राक्षको माला अर्पण शिक्षासेवी शिव बन्जाराले, कार्यक्रमको छायाङ्कन तथा स्वराङ्कन सफ्टवेयर इन्जिनियर रोशन अधिकारीले, आवश्यक सामग्रीको व्यवस्थापन कार्यालय व्यवस्थापक सङ्गीता केसीले, उपस्थिति पुस्तिकामा हस्ताक्षर गराउने कार्य व्यवसायी वेदप्रसाद गौतमले तथा प्रमुख अतिथि र अतिथिहरूलाई शब्दयात्रा प्रकाशनका तर्फबाट उपहार समर्पण लेखक दामोदर घिमिरेले गर्नुभएको थियो । उपस्थित सबैमा सबै पुस्तक निःशुल्क वितरण गरिएको थियो ।
कार्यक्रममा नौवटा पुस्तक नौजना महिला स्रष्टाबाट नौ गते सार्वजनिक गरिनु र कृतिकार, सभापति, प्रमुख अतिथि र टिप्पणीकार पनि महिला स्रष्टा नै हुनु यस कार्यक्रमको मुख्य विशेषता थियो ।
लेखकहरू केदारनाथ तिमल्सिना, चूडाप्रसाद चौलागाई, जीवनाथ अधिकारी, विष्णु ओली आदिसहित एक सयभन्दा बढी सङ्ख्याको उपस्थिति रहेको उक्त कार्यक्रममा शब्दयात्रा प्रकाशन पुस्तकालयलाई लक्ष्मी पोखरेल, डा. मीना सिंह खड्का, अम्बिका धिताल, खुमादेवी पाण्डे र मुरहरि रायमाझीले पुस्तकहरू उपहार दिनुभएको थियो ।

शब्दयात्रा प्रकाशनले २०८० सालको ‘शब्दयात्रा बेलप्रसाद श्रेष्ठ दानशीलता सम्मान’ एघाह्रजना जग्गादातालाई संयुक्त रूपमा समर्पण गर्ने भएको छ । शब्दयात्रा प्रकाशनले सरस्वतीको मन्दिर निर्माण गरेको, नीलकण्ठेश्वर धाम संरक्षण समितिसँगको सहकार्यमा १०८ शिवलिङ्गको स्थापना गर्दै गरेको र वाङ्मयका विभिन्न क्षेत्रमा विशिष्ट योगदान गर्ने व्यक्तिहरूको सालिक राख्न लागिएको नीलकण्ठेश्वर धाम परिसरको जग्गा दान गर्ने दाताहरूलाई उक्त सम्मान समर्पण गर्न लागिएको हो । जग्गादाताहरू कृष्णमणि कुइकेल, ईश्वरीप्रसाद कुइकेल, ठाकुरप्रसाद कुइकेल, शम्भुप्रसाद कुइकेल, देवकी कुइकेल, रामहरि कुइकेल, राममणि कुइकेल, गायत्रीदेवी कुइकेल, राजेन्द्रप्रसाद कुइकेल, नवराज पराजुली र हरिप्रसाद कुइकेल हुनुहुन्छ ।

शब्दयात्रा प्रकाशनबाट २०७९ सालभरिमा प्रकाशित पुस्तकको सङ्ख्या ३६ पुगेको छ — आध्यात्मिक १, जीवनी १, बालकवितासङ्ग्रह १, चिन्तनसङ्ग्रह १, हास्यव्यङ्ग्यसङ्ग्रह १, कथा र कविताको संयुक्त सङ्ग्रह १, खण्डकाव्य १, कथासङ्ग्रह १, अभिनन्दनग्रन्थ १, गजलसङ्ग्रह १, गोत्रावली १, गीतसङ्ग्रह १, मुक्तकसङ्ग्रह १, समीक्षा–समालोचना २, लेखसङ्ग्रह ३, नाटक ४, कवितासङ्ग्रह ७, महाकाव्य ७ । प्रकाशन गरिएको समयका आधारमा पुस्तकको नाउँ, विधा र लेखकको विवरण यस्तो छ — (१) श्रीकृष्ण रहस्य (आध्यात्मिक चिन्तन) — प्रेमदास घिमिरे, (२) कथा र कविता (कथा र कविताको सङ्ग्रह) — माधवप्रसाद चापागाईं, (३) सङ्घर्ष र जीवन (चिन्तनसङ्ग्रह) — माधवप्रसाद चापागाईं, (४) गाईजात्रा (हास्यव्यङ्ग्यसङ्ग्रह) — गायत्रीकुमार चापागाईं, (५) अठोट (नाटक) — लीलादेवी श्रेष्ठ, (६) जिन्दगीका डोबहरू (कवितासङ्ग्रह) — लीलादेवी श्रेष्ठ, (७) जून मामा (बालकवितासङ्ग्रह) — हरि कोर्काली, (८) धृतराष्ट्रको शुभकामना (व्यङ्ग्यकवितासङ्ग्रह) — हरि कोर्काली, (९) मनमा नअटेका कुरा (कवितासङ्ग्रह) — लोकमान मास्के, (१०) राधाचरणामृत (महाकाव्य) — यज्ञप्रसाद उपाध्याय त्रिपाठी, (११) समयको अन्तराल (कवितासङ्ग्रह) — नरनारायण वत्स, (१२) अमरज्योति (खण्डकाव्य) — डा. गोपाल पौड्याल ‘मन्डने’, (१३) भ्mउचभककष्यलक बलम भ्हउचभककष्यलक ९ब् अयििभअतष्यल या भककबथक० ( एचया। क्गदबक प्ऋ, (१४) कन्याकुमारी (महाकाव्य) — यज्ञप्रसाद उपाध्याय त्रिपाठी, (१५) आत्मबोध (कथासङ्ग्रह) — ढुण्डिराज पोखरेल, (१६) आत्मानुभूति (कवितासङ्ग्रह) — ढुण्डिराज पोखरेल, (१७) भगवतीचरणामृत (महाकाव्य) — यज्ञप्रसाद उपाध्याय त्रिपाठी, (१८) माच (लेखसङ्ग्रह) — लोकेन्द्र ढकाल, (१९) महाकवि देवकोटाका काव्यको अध्ययन (समालोचना) — टीकादत्त बराल, (२०) आदर्श शिक्षक रामप्रसाद अधिकारी (अभिनन्दनग्रन्थ) — सं. हरि मञ्जुश्री, (२१) शिरोवर्ती भरत जङ्गम (समीक्षासङ्ग्रह) — प्रजापति तिमिल्सिना, (२२) हिरण्य भोजपुरे साहित्य र सङ्गीतका महारथी (जीवनी) — द्रोणप्रसाद श्रेष्ठ ‘मुन्डाघरे’, (२३) जीवनधारा (काव्य) — सावित्री जङ्गम थापा, (२४) श्रीकृष्णचरणामृत (महाकाव्य) — यज्ञप्रसाद उपाध्याय त्रिपाठी, (२५) कृपालुचरणामृत (महाकाव्य) — यज्ञप्रसाद उपाध्याय त्रिपाठी, (२६) अल्झिएका सपना (गजलसङ्ग्रह) — छवीन्द्र चेम्जोङ, (२७) माण्डवी (महाकाव्य) — खेमराज शर्मा, (२८) गोत्रदर्पण (प्रवरसहितको गोत्रावली) — केदारनाथ तिमल्सिना (२९) विगतमाथि आलेख (लेखसङ्ग्रह) — मोहनमणि दाहाल (३०) हराएको किनारा (गीतसङ्ग्रह) — वेदकुमारी न्यौपाने, (३१) प्लास्टिक सर्जरी (लघुएकाङ्कीसङ्ग्रह) — वेदकुमारी न्यौपाने, (३२) अङ्कुरित सृजना (कवितासङ्ग्रह) — सिर्जना खनाल, (३३) शब्द (कवितासङ्ग्रह) — वेदकुमारी न्यौपाने, (३४) कुल्चिएका फूलहरू (एकाङ्कीसङ्ग्रह) — वेदकुमारी न्यौपाने, (३५) कहिले घाम कहिले छाया (मुक्तकसङ्ग्रह) — वेदकुमारी न्यौपाने (३६) प्रायोजित (रेडियो–नाटकसङ्ग्रह) — वेदकुमारी न्यौपाने । यी सबै पुस्तकहरूका विशेषताका बारेमा शब्दयात्रा प्रकाशनको वेबसाइट कथउगदष्अिबतष्यल।अयm।लउ बाट जानकारी लिन सकिन्छ ।