शब्दयात्रा प्रकाशनले २०८० सालको प्रथम चरणमा समर्पण गर्ने विभिन्न ७ विधाको सम्मानका लागि उपयुक्त व्यक्तित्वको चयन गर्न महिला साहित्यिक स्रष्टाहरू रहेको ३ सदस्यीय सम्मान्य व्यक्तित्व चयन समिति बनाएको छ । समितिको संयोजकमा शारदा घिमिरे भैल तथा सदस्यमा गीता अधिकारी र कालिका त्रिपाठी पन्त रहनुभएको छ । यस समितिलाई शब्दयात्रा प्रकाशनमा प्राप्त भएका नाउँ र योगदानको विवरण उपलब्ध गराइनेछ । तीमध्येबाट यस समितिले सम्मान्य व्यक्तित्वको चयन गर्नेछ । यस समितिले चयन गरेका व्यक्तित्वहरूलाई नै शब्दयात्रा प्रकाशनले सम्मान समर्पण गर्नेछ ।