Shabdayatra Prakashan

शब्दयात्रा प्रकाशनको साप्ताहिक प्रवचन कार्यक्रम ‘कर्मयोद्धासँग शब्दसंवाद’ को दोस्रो चरण प्रारम्भ हुने भएको छ । आगामी साउनको पहिलो शुक्रबारदेखि उक्त कार्यक्रम प्रारम्भ हुने भएको हो । कार्यक्रम साविकझैँ हरेक शुक्रबार दिउँसो ३ बजे शब्दयात्रा प्रकाशनको सभाकक्षमा हुनेछ ।
प्रथम चरणमा ५० जना कर्मयोद्धाहरू कार्यक्रममा प्रस्तुत हुनुभएको थियो । त्यस चरणका वक्ता र वक्तृताका विषयमा पूर्वघोषणाअनुसार ‘कर्मयोद्धासँग शब्दसंवाद’ नामक पुस्तक प्रकाशन भई सार्वजनिक पनि भइसकेको छ ।

शब्दयात्रा प्रकाशनका कार्यक्रमहरू देखेर म अत्यन्त प्रभावित बनेको छु । यस संस्थाका कार्यक्रमहरू धेरै छन् । अधिकांश कार्यक्रममा मेरो पनि सहभागिता रहने गरेको छ । यस संस्थाले सुभाष स्मृति प्रतिष्ठानका कार्यक्रमहरूलाई पनि सघाइरहेको छ । २०७५ सालको सामाजिक जागरण सम्मान सुभाष स्मृति प्रतिष्ठानलाई प्रदान गरेकोमा संस्थाको अध्यक्षका नाताले सबै पदाधिकारी र सदस्यहरूका तर्फबाट म शब्दयात्रा प्रकाशनलाई हार्दिक आभार व्यक्त गर्दछु ।
शब्दयात्रा प्रकाशनले अनेक प्रकारका कार्यक्रमहरू सञ्चालन गरिरहेको छ । पछि पनि थपिँदै जालान् । कुनै दिन हाम्रा दुवै संस्थाले संयुक्त रूपमा कार्यक्रम सञ्चालन गर्ने अवसर पनि आउन सक्ला । त्यस्ता खालका कुनै पनि कार्यक्रम गर्न ठाउँ चाहिन्छ । हामीसँग पनौती बजारको नजिकै एक रोपनी जग्गा छ र त्यसभित्र दुईतले घर पनि बनेको छ । त्यहाँ कार्यक्रम गर्नका लागि पर्याप्त ठाउँ पुग्छ । शब्दयात्रा प्रकाशनका लागि त्यो जग्गा र घर कुनै पनि कार्यक्रम सञ्चालन गर्न आवश्यक पर्छ भने हामी निःशुल्क उपलब्ध गराउन तयार छौँ । शब्दयात्रा प्रकाशनले त्यो घरजग्गा आवश्यक परेको समयसम्म निःशुल्क भोग गर्न सक्छ । त्यसैले शब्दयात्रा प्रकाशनले पनौतीबाट पनि कुनै कार्यक्रम सञ्चालन गर्न थालोस् भन्ने आग्रह गर्दछु । (२०७५ जेठ ३१ गते सम्पन्न शब्दयात्रा प्रकाशनको कायक्रममा अभिव्यक्त मन्तव्य)

शब्दयात्रा प्रकाशनको सौजन्यमा विपन्न महिला इन्दिरा भुर्तेल नेपाललाई आर्थिक सहयोग जुटाइएको छ । उहाँलाई शब्दयात्रा प्रकाशनको कार्यक्रमको अवसरमा आर्थिक सहयोग जुटाई १७ हजार २ सय रुपियाँ हस्तान्तरण गरिएको छ । द्रोणप्रसाद श्रेष्ठ, चन्द्रबहादुर खड्का र नरेन्द्रकुमार अधिकारीबाट उक्त रकम सङ्कलन गरिएको हो ।
काभ्रेको मन्डन घर भएकी इन्दिरा भुर्तेल नेपाल भूकम्पले घर ढलेपछि बेघर भई डेरामा बस्नुभएको, उहाँका श्रीमान् मानसिक रोगी र छोरा सुस्त मनस्थितिको भएका कारणले उहाँहरूको जीवन धान्न नै कठिनाइपूर्ण अवस्था भएको जानकारी प्राप्त भएपछि मानवीय सहयोगस्वरूप शब्दयात्रा प्रकाशनले त्यसरी आर्थिक सहयोग गर्ने चाँजोपाँजो मिलाएको हो ।

शब्दयात्रा प्रकाशनले स्थापना गर्न लागेको पाँच विधाका पाँच शीर्ष व्यक्तित्वको सालिकका लागि झापाको विर्तामोडनिवासी नरेन्द्रकुमार अधिकारीले ५ हजार १ सय रुपियाँ आर्थिक सहयोग गर्नुभएको छ ।
काभ्रेको बनेपामा नेपालका प्रथम शिक्षासेवी, प्रथम लोकतान्त्रिक पत्रकार, प्रथम गायिका, प्रथम साहित्यिक सहिद र प्रथम वैज्ञानिकको सालिक स्थापना हुने समाचार पाएपछि अत्यन्त उत्साहित भएर यथासम्भव आर्थिक सहयोग गरेको उहाँको भनाइ रहेको छ ।

शब्दयात्रा प्रकाशनद्वारा सञ्चालित अक्षरसेवी सहयोग कोषलाई साहित्यकार नरेन्द्रबहादुर श्रेष्ठले १० हजार रुपियाँ सहयोग गर्नुभएको छ । सरकारले गर्नुपर्ने यस्तो काम शब्दयात्रा प्रकाशनले गरेर सरकारलाई सघाएको भन्दै उहाँले यस्तो कोष अन्य साहित्यिक संस्थाले पनि खोल्नुपर्ने बताउनुभएको छ ।
विपत्तिपीडित लेखक–कलाकारहरूलाई आर्थिक सहयोग गर्न शब्दयात्रा प्रकाशनले अक्षरसेवी सहयोग कोषको स्थापना गरेको हो ।

१. कार्यक्रम सञ्चालन ः शारदाप्रसाद शर्मा (महाप्रबन्धक ः शब्दयात्रा प्रकाशन) । २. ब्याच अर्पण ः शब्दयात्रा पाठक समाजका सदस्य मनकुमारी दाहाल र शब्दयात्रा सम्मान व्यवस्थापक समाजका सदस्य सुदर्शन आचार्य । ३. माला अर्पण ः ‘कर्मयोद्धासँग शब्दसंवाद’ कृतिका सम्पादक दामोदर घिमिरे र शब्दयात्रा पाठक समाजका सदस्य गीता कुँवर ।
४. आसनग्रहण ः (क) सभापति ः शब्दयात्रा प्रकाशनका अध्यक्ष हरि मञ्जुश्री । (ख) प्रमुख अतिथि ः पूर्वीय वाङ्मयकी विदुषी तथा पूर्वमन्त्री श्रीमती कान्ता भट्टराई । (ग) विशेष अतिथि ः भ्रष्टविरोधी शास्त्रका प्रणेता तथा आख्यानकार भरत जङ्गम । (घ) सम्मानित व्यक्तित्व ः पहिलो महिला महाप्रबन्धक सावित्री जङ्गम थापा (उर्मिला श्रेष्ठ भोजपुरेद्वारा व्यवस्थापित शब्दयात्रा प्रशासनिक महिला प्रतिभा सम्मान पाउने) । (ङ) सम्मानित व्यक्तित्व ः जराकलाकार नरेन्द्रबहादुर श्रेष्ठ (कृष्णहरि मैनालीद्वारा व्यवस्थापित शब्दयात्रा राष्ट्रझङ्कार सम्मान पाउने) । (च) सम्मानित व्यक्तित्व ः ‘केही दृष्टि केही दृष्टिकोण’ कृतिका कृतिकार द्रोणप्रसाद श्रेष्ठ (कल्याण लम्सालद्वारा व्यवस्थापित शब्दयात्रा सिर्जना सम्मान पाउने) । (छ) सम्मानित व्यक्तित्व ः शोधकर्ता नरेन्द्रकुमार अधिकारी (गीता मञ्जुश्रीद्वारा व्यवस्थापित शब्दयात्रा नन्दिकेश्वर अधिकारी शोध सम्मान पाउने) । (ज) सम्मानित संस्था ः सुभाष स्मृति प्रतिष्ठानका तर्फबाट अध्यक्ष चन्द्रबहादुर खड्का (आनन्दराज श्रेष्ठद्वारा व्यवस्थापित शब्दयात्रा सामाजिक जागरण सम्मान पाउने) । (झ) सम्मानित व्यक्तित्व ः शिक्षासेवी रामप्रसाद अधिकारी (निर्मलाकुमारी यगोल श्रेष्ठद्वारा व्यवस्थापित शब्दयात्रा शिक्षक सम्मान पाउने) । (ञ) अतिथि ः डा. नन्दीश अधिकारी (ट) ‘परेली’ कृतिका कृतिकार ः सरस्वती शर्मा सुवेदी । (ठ) ‘अक्षरहरूको बिस्कुन’ कृतिका कृतिकार ः डा. हेमराज काफ्ले । (ड) सम्मानित व्यक्तित्व चयन समितिका संयोजक ः डा. रजनी शाक्य । (ढ) सम्मानित व्यक्तित्व चयन समितिका सदस्य ः इ. लक्ष्मण खड्का । (ण) सम्मानित व्यक्तित्व चयन समितिका सदस्य ः देवराज अधिकारी
५. ‘नेपालभूमि साप्ताहिक’ को विशेषाङ्क वितरण । ६. पानसमा दीपप्रज्ज्वलन गरी कार्यक्रमको शुभारम्भ । ७. निजी क्षेत्रबाट खुलेको पहिलो सामुदायिक विद्यालयका प्रथम प्राचार्य कवि नन्दिकेश्वर अधिकारीको तस्बिरमा पुष्पार्पण । ८. स्वागत मन्तव्य ः शब्दयात्रा प्रकाशन सञ्चालक समितिका सदस्य हरिगोपाल प्रधान । ९. संस्थागत गानको प्रस्तुति । १०. उपस्थित विशिष्ट व्यक्तित्वको परिचय गराउँदै कार्यक्रम प्रारम्भ गर्न सभापतिबाट अनुमति
११. पुस्तकको सार्वजनिकीकरण (क) कर्मयोद्धासँग शब्दसंवाद ः भरत जङ्गमबाट । (ख) परेली ः कान्ता भट्टराईबाट । (ग) अक्षरहरूको बिस्कुन ः डा. नन्दीश अधिकारीबाट । १२. सार्वजनिक गरिएका कृतिहरूको परिचयात्मक विवरण ः दण्डपाणि अधिकारी
१३. सम्मानित व्यक्तित्वहरूको चयनसम्बन्धी जानकारी ः चयन समितिका संयोजक डा. रजनी शाक्य । १४. सम्मान समर्पण ः सावित्री जङ्गम थापालाई रकम सम्मान व्यवस्थापक उर्मिला श्रेष्ठका तर्फबाट दक्षप्रसाद श्रेष्ठ, उपहार चयन समितिका संयोजक डा. रजनी शाक्य, रुद्राक्षको माला अतिथि डा. नन्दीश अधिकारी, किरीट विशेष अतिथि भरत जङ्गम, अभिवन्दनापत्र प्रमुख अतिथि कान्ता भट्टराईबाट । नरेन्द्रबहादुर श्रेष्ठलाई रकम सम्मान व्यवस्थापक कृष्णहरि मैनाली, उपहार चयन समितिका संयोजक डा. रजनी शाक्य, रुद्राक्षको माला अतिथि डा. नन्दीश अधिकारी, किरीट विशेष अतिथि भरत जङ्गम, अभिवन्दनापत्र प्रमुख अतिथि कान्ता भट्टराईबाट । द्रोणप्रसाद श्रेष्ठलाई रकम सम्मान व्यवस्थापक कल्याण लम्साल, उपहार चयन समितिका सदस्य इ. लक्ष्मण खड्का, रुद्राक्षको माला अतिथि डा. नन्दीश अधिकारी, किरीट विशेष अतिथि भरत जङ्गम, अभिवन्दनापत्र प्रमुख अतिथि कान्ता भट्टराईबाट । सुभाष स्मृति प्रतिष्ठानका तर्फबाट चन्द्रबहादुर खड्कालाई रकम सम्मान व्यवस्थापक आनन्दराज श्रेष्ठका तर्फबाट सकुल थापा, उपहार चयन समितिका सदस्य इ. लक्ष्मण खड्का, रुद्राक्षको माला अतिथि डा. नन्दीश अधिकारी, किरीट विशेष अतिथि भरत जङ्गम, अभिवन्दनापत्र प्रमुख अतिथि कान्ता भट्टराईबाट । नरेन्द्रकुमार अधिकारीलाई रकम सम्मान व्यवस्थापक गीता मञ्जुश्री अधिकारी, उपहार चयन समितिका सदस्य देवराज अधिकारी, रुद्राक्षको माला अतिथि डा. नन्दीश अधिकारी, किरीट विशेष अतिथि भरत जङ्गम, अभिवन्दनापत्र प्रमुख अतिथि कान्ता भट्टराईबाट । रामप्रसाद अधिकारीलाई रकम सम्मान व्यवस्थापक निर्मलाकुमारी यगोल श्रेष्ठ, उपहार चयन समितिका सदस्य देवराज अधिकारी, रुद्राक्षको माला अतिथि डा. नन्दीश अधिकारी, किरीट विशेष अतिथि भरत जङ्गम, अभिवन्दनापत्र प्रमुख अतिथि कान्ता भट्टराईबाट ।
१५. कृतिकारका तर्फबाट मन्तव्य ः डा. हेमराज काफ्ले । १६. शब्दयात्रा प्रकाशनका लागि सम्मानित व्यक्तित्वबाट आशीर्वचन ः रामप्रसाद अधिकारीबाट शिव बन्जारालाई, चन्द्रबहादुर खड्काबाट सुदर्शन आचार्यलाई, नरेन्द्रकुमार अधिकारीबाट हरिगोपाल प्रधानलाई, द्रोणप्रसाद श्रेष्ठबाट इन्दिरा नेपाललाई, नरेन्द्रबहादुर श्रेष्ठबाट दीपक तिमल्सिनालाई, सावित्री जङ्गम थापाबाट पदमनाथ ढुङ्गानालाई
१७. चयन समितिका मित्रहरूलाई उपहार समर्पण लोकगायक मच्छेश्वर सापकोटाबाट । १८. प्रमुख अतिथि कान्ता भट्टराईलाई शब्दयात्रा प्रकाशनका तर्फबाट उपहार समर्पण निर्मला तिमल्सिनाबाट । १९. मन्तव्य ः प्रमुख अतिथि श्रीमती कान्ता भट्टराई
२०. विशेष अतिथि भरत जङ्गमलाई शब्दयात्रा प्रकाशनका तर्फबाट उपहार समर्पण फणीन्द्रराज अधिकारीबाट । २१. कार्यक्रमको समीक्षासहित सभाविसर्जन ः भरत जङ्गम
२२. उपस्थित सबैलाई ‘गरिबका गीतहरू’ र ‘हाम्री हजुरआमा मर्दा जो रोए’ दुई पुस्तिका वितरण ः अनु थापा । २३. जलपान ग्रहण तथा प्रस्थान

आज सार्वजनिक गरिएका पुस्तकहरूका बारेमा चिनारी गराइदिन मलाई आग्रह गरिएको छ । त्यसैले म त्यही विषयमा केन्द्रित हुन चाहन्छु ।
आज सार्वजनिक गरिएको पहिलो पुस्तक ‘कर्मयोद्धासँग शब्दसंवाद’ हो । यो पुस्तक शब्दयात्रा प्रकाशनबाट प्रकाशित १०१ औँ पुस्तक हो । शब्दयात्रा प्रकाशनले गत वर्ष सञ्चालन गरेको ‘कर्मयोद्धासँग शब्दसंवाद’ नामक कार्यक्रममा विभिन्न कर्मयोद्धाहरूले व्यक्त गरेका विचारहरू लेखका रूपमा यसमा समेटिएका छन् । यी लेखहरू पदमनाथ ढुङ्गानाले लेखेर ‘नेपालभूमि राष्ट्रिय साप्ताहिक’ मा प्रकाशन गराउनुभएको थियो । तिनै लेखहरूलाई गीता मञ्जुश्री र दामोदर घिमिरेले सङ्कलन र सम्पादन गरी यो पुस्तक तयार पार्नुभएको हो । जम्मा २ सय ३२ पृष्ठको यस पुस्तकमा ५० जना कर्मयोद्धाहरूको चिनारी, चिन्तन र तस्बिर राखिएको छ । यस कृतिका लागि लेखक र सम्पादकहरूलाई बधाई छ ।
आज सार्वजनिक गरिएको दोस्रो पुस्तक ‘परेली’ नामक कथासङ्ग्रह हो । यो पुस्तक शब्दयात्रा प्रकाशनबाट प्रकाशित १०२ औँ पुस्तक हो । यसका कथाकार सरस्वती शर्मा सुवेदी हुनुहुन्छ । शब्दयात्रा प्रकाशनले यसअघि उहाँको कवितासङ्ग्रह ‘पानी मनकी रानी’ नामक कवितासङ्ग्रह पनि प्रकाशित गरिदिएको थियो । उहाँको यो दोस्रो साहित्यिक कृति हो । जम्मा ९६ पृष्ठको यस पुस्तकमा १६ वटा पारिवारिक कथा रहेका छन् । यस कृतिका लागि कृतिकारलाई बधाई छ ।
आज सार्वजनिक गरिएको तेस्रो पुस्तक ‘अक्षरहरूको बिस्कुन’ नामक कवितासङ्ग्रह हो । यो पुस्तक शब्दयात्रा प्रकाशनबाट प्रकाशित १०३ औँ पुस्तक हो । यसका कृतिकार डा. हेमराज काफ्ले हुनुहुन्छ । उहाँ नेपाली र अङ्ग्रेजी दुवै भाषामा सिर्जना गर्नुहुन्छ । यसअघि अङ्ग्रेजी भाषामा उहाँका दुईवटा कृति प्रकाशित भइसकेका छन् । यो उहाँको तेस्रो र नेपाली भाषामा प्रकाशित पहिलो कृति हो । जम्मा ९६ पृष्ठको यस सङ्ग्रहमा ६७ वटा कविता रहेका छन् । यस कृतिका लागि कृतिकारलाई बधाई छ ।
अन्त्यमा, आज सार्वजनिक गरिएका तीनैवटा कृतिले नेपाली भाषा–साहित्यमा विशेष स्थान राख्नेछन् भन्ने विश्वास व्यक्त गर्दै कृतिहरूको परिचय गराइदिन मलाई गरिएको आग्रहका लागि शब्दयात्रा प्रकाशनप्रति हार्दिक आभार व्यक्त गर्दछु ।
(कार्यक्रममा अभिव्यक्त परिचयात्मक टिप्पणी)

शब्दयात्रा प्रकाशनले हरेक वर्षको जेठ महिनामा समर्पण गर्ने गरेको प्रशासनिक महिला प्रतिभा सम्मान, राष्ट्रझङ्कार सम्मान, सिर्जना सम्मान, नन्दिकेश्वर अधिकारी शोध सम्मान, सामाजिक जागरण सम्मान र शिक्षक सम्मानका लागि उपयुक्त व्यक्ति अथवा संस्थाको नाउँ प्रस्ताव गरी पठाउन सार्वजनिक आह्वान गरेको रहेछ । त्यसपछि संस्थाका सदस्यहरू र संस्थाबाहिरका व्यक्तिहरूले पनि केही नाउँहरू शब्दयात्रा प्रकाशनलाई उपलब्ध गराउनुभएको रहेछ ।
त्यसपछि शब्दयात्रा प्रकाशनले मेरो संयोजकत्वमा इ. लक्ष्मण खड्का र देवराज अधिकारी सदस्य रहेको सम्मानित व्यक्तित्व चयन समिति बनायो । हामी काठमाडौँ विश्वविद्यालयसँग आबद्ध छौँ । चयन समितिमा मनोनयन गरेकोमा शब्दयात्रा प्रकाशनलाई हामी धन्यवाद दिन चाहन्छौँ ।
शब्दयात्रा प्रकाशनमा उपलब्ध भएका सम्बन्धित विधाका प्रतिभा र संस्थाहरूको नाउँ र योगदानको विवरण शब्दयात्रा प्रकाशनले हामीलाई उपलब्ध गराएको थियो । हामीलाई प्राप्त भएका नाउँहरूमध्येबाट हामीले सम्बन्धित विधा र उद्देश्यअनुसार सम्मान समर्पण गर्न योग्य व्यक्ति अथवा संस्थाका रूपमा पूर्वप्रशासक तथा समाजसेवी सावित्री जङ्गम थापा, जराकलाकार नरेन्द्रबहादुर श्रेष्ठ, लेखक द्रोणप्रसाद श्रेष्ठ, वंशावलीका सङ्कलक नरेन्द्रकुमार अधिकारी, सामाजिक संस्था सुभाष स्मृति प्रतिष्ठान र शिक्षासेवी रामप्रसाद अधिकारीको नाउँ चयन ग¥यौँ । त्यसपछि संस्थाले उहाँहरूलाई सम्मान गर्ने घोषणा ग¥यो । हाम्रो निर्णयअनुसार नै सम्मान ग्रहण गर्न स्वीकृति दिनुभएकोमा उहाँहरूप्रति आभार व्यक्त गर्दै उहाँहरू सबैलाई हामी हार्दिक बधाई अर्पण गर्दछौँ ।
आज सम्मानित हुने महानुभावहरूको चिनारी र योगदानको विवरण गत मङ्गलबार प्रकाशित ‘नेपालभूमि साप्ताहिक’ मा उल्लेख गरिएकाले र त्यो पत्रिका आजको कार्यक्रममा वितरण भइसकेकाले उहाँहरूका विषयमा विशेष जानकारी त्यसै पत्रिकाबाट लिन अनुरोध गर्दछौँ ।
आजैको कार्यक्रममा पदमनाथ ढुङ्गानाद्वारा लिखित तथा गीता मञ्जुश्री र दामोदर घिमिरेद्वारा सम्पादित लेखसङ्ग्रह ‘कर्मयोद्धासँग शब्दसंवाद’, सरस्वती शर्मा सुवेदीको कथासङ्ग्रह ‘परेली’ र डा. हेमराज काफ्लेको कवितासङ्ग्रह ‘अक्षरहरूको बिस्कुन’ सार्वजनिक हुन लागेको हुनाले उहाँहरूलाई पनि हार्दिक बधाई ज्ञापन गर्दछौँ ।
(कार्यक्रममा चयन समितिका तर्फबाट अभिव्यक्त मन्तव्य)