Shabdayatra Prakashan

शब्दयात्रा प्रकाशन (मुनाफा वितरण नगर्ने कम्पनी) को सञ्चालक समितिको मिति २०७६ मङ्सिर २१ गते शनिबार बसेको बैठकको निर्णयबमोजिम यस प्रकाशनको छैटौँ वार्षिक साधारण सभा निम्नलिखित विषयहरूमा छलफल र निर्णय गर्न देहायबमोजिमको मिति, समय र स्थानमा बस्ने भएको हुँदा कम्पनी ऐन २०६३ को दफा ६७ (२) अनुसार साधारण सभाका सदस्य महानुभावहरूको जानकारी तथा उपस्थितिका लागि यो सूचना प्रकाशित गरिएको छ ।

छैटौं वार्षिक साधारण सभा हुने मिति, समय र स्थान :

मिति : २०७६ साल पुस २४ गते बिहीबार तदनुसार ९ जनवरी २०२०
समय : दिउँसो १ बजे
स्थान : शब्दयात्रा प्रकाशनको सभाकक्ष, नीलकण्ठेश्वर परिसर, बनेपा — ६, काभ्रे
छलफलका विषयहरू :
१. सञ्चालक समितिको वार्षिक प्रतिवेदनउपर छलफल गरी पारित गर्ने ।
२. लेखापरीक्षकको प्रतिवेदनसहितको २०७६ साल असार मसान्तसम्मको वासलात तथा आ. व. २०७५–७६ को नाफा–नोक्सान हिसाब र सोही अवधिको नगद प्रवाह विवरण र सोका अनुसूचीहरूउपर छलफल गरी पारित गर्ने ।
३. आ. व. २०७६–७७ का लागि लेखापरीक्षकको नियुक्ति र निजको पारिश्रमिक निर्धारण गर्ने ।
४. आ. व. २०७६–७७ को वार्षिक कार्यक्रम तथा अनुमानित आय–व्यय विवरणमाथि छलफल गरी पारित गर्ने ।
५. विविध ।
यस प्रकाशनको वार्षिक प्रतिवेदनसहितको विवरण साधारण सभाका सबै सदस्य महानुभावहरूको ठेगानामा साधारण सभाको सूचनाका साथ संलग्न गरी पठाइएको छ । सो प्रतिवेदन प्राप्त नभएका सदस्य महानुभावहरूले प्रकाशनको बनेपास्थित कार्यालयमा सम्पर्क राखी लिनुहुन हार्दिक अनुरोध गरिन्छ ।

सञ्चालक समितिको आज्ञाले
शारदाप्रसाद शर्मा
महाप्रबन्धक
शब्दयात्रा प्रकाशन

शब्दयात्रा प्रकाशनले २०७६ सालको तेस्रो चरणको सम्मान कार्यक्रमअन्तर्गत आगामी माघ महिनामा निम्नलिखित विधामा सम्मान समर्पण गर्ने भएकाले उपयुक्त व्यक्ति वा संस्थाको नाउँ र योगदानको विवरण आगामी पुस २५ गतेभित्र आइपुग्ने गरी पठाइदिनका लागि इच्छुक सबैलाई अनुरोध गर्दछौं —

१. कविताकाव्य सम्मान (गत वर्ष कालिप्रसाद रिजाल सम्मानित), २. बालसाहित्य सम्मान (गत वर्ष विश्वम्भर चञ्चल सम्मानित), ३. समालोचना सम्मान (गत वर्ष डा. वासुदेव त्रिपाठी सम्मानित), ४. अनुसन्धान सम्मान (गत वर्ष डा. राजेश गौतम सम्मानित), ५. महिला प्रतिभा सम्मान (गत वर्ष सावित्री जङ्गम थापा सम्मानित), ६. विज्ञान–प्रविधि सम्मान (गत वर्ष प्रा. सुरेशराज चालिसे सम्मानित)

शब्दयात्रा प्रकाशन
अक्षरधाम, नीलकण्ठेश्वर, बनेपा — ६, काभ्रे
दूरभाषाङ्क ः ०११–४१५२१५

२०६८ सालमा :
(१) थोपाथोपामा समुद्र (कवितासङ्ग्रह : असार) — योगेन्द्र खत्री, रु. ७५।– (२) हाम्री हजुरआमा मर्दा जो रोए (विविधसङ्ग्रह : भदौ) — रश्मि मञ्जुश्री र रोशन मञ्जुश्री, रु. २०।– (३) नीति र रीति (नीतिसङ्ग्रह : मङ्सिर) — ओतबहादुर खड्का, रु. ३०।– (४) केही शब्द केही मर्म (निबन्धसङ्ग्रह : मङ्सिर), — श्रीराम पौडेल उदासी, रु. १००।– (५) चिरन्तन चिन्तन (लेखसङ्ग्रह : माघ) — मुकुन्दप्रसाद उपाध्याय, नि:शुल्क (६) प्रार्थनावली (स्तुतिसङ्ग्रह : फागुन) — यागेन्द्र केशव, रु. ५०।– (जम्मा ६ वटा)
२०६९ सालमा :
७. इतिहासका पानाबाट (विविधसङ्ग्रह : वैशाख) — मोहनकुमार प्याथ, रु. ५०।– (८) काभ्रे जिल्लाका दमाईं जाति विगत र वर्तमान (अनुसन्धान : असार) — डा. विष्णु सापकोटा, रु. १५०।– (९) पुर्खाका पाइलाहरू (वंशविवरण : कार्तिक) — भरतराज महत, रु. १५०।– (१०) जनजागरण (निबन्धसङ्ग्रह : पुस) — गणेशबहादुर खत्री, रु. ५०।– (११) ए बाउ, घर छोडी जाऊ (गीतसङ्ग्रह : पुस) — गणेशबहादुर खत्री, रु. ५०।– (१२) रोगको घर (बालकथासङ्ग्रह : पुस) — गणेशबहादुर खत्री, रु. ५०।– (१३) बारुलो र माहुरी (बालकथासङ्ग्रह : पुस) — गणेशबहादुर खत्री, रु ५०।– (१४) आध्यात्मिक क्षितिजमा टहल्दा (लेखसङ्ग्रह : पुस) — मुकुन्दप्रसाद उपाध्याय, रु. १५०।– (१५) गीता–माली (अनुवाद : फागुन) — मुक्ति शर्मा, रु. १००।– (१६) बन्दकोठाको यौवन (गीतगजलसङ्ग्रह : फागुन) — डा. श्याम भट्टराई, रु. १००।– (१७) क क स स (बिरौँलासङ्ग्रह : चैत्र) — दण्डपाणि उपाध्याय, रु. ५०।– (जम्मा ११ वटा)
२०७० सालमा :
(१८) सोइनम (नियात्रासङ्ग्रह : वैशाख) — बिकु लामा, रु. २५०।– (१९) उग्रताराको तारा (परिचय–पुस्तिका : जेठ) — त्रिरत्न रन्जितकार, रु. ७५।– (२०) हिन्दूधर्मका केही आयाम (लेखसङ्ग्रह : असार) — उद्ववप्रसाद नेपाल, रु. १७५।– (२१) मेरा पद्यात्मक पाइलाहरू (कवितासङ्ग्रह : साउन) — मोहनप्रसाद खनाल, रु. १५०।– (२२) सावित्री सुगीता (भावानुवाद : साउन) — दामोदर अर्याल ‘हितकर’, रु. ७५।– (२३) घाउ नसम्झाऊ (गीतगजलसङ्ग्रह : भदौ) — रुक्मिणी सिग्देल, रु. १००।– (२४) स्वतन्त्रतासेनानी सुब्बा देवीप्रसाद सापकोटा (जीवनी : भदौ) — सुनील सापकोटा, रु. १००।– (२५) कपिलवस्तुमा भगवान् (नाटक : भदौ) — ज्ञानकाजी मानन्धर, रु. ७५।– (२६) नेपाली पत्रकारितामा निर्भीक (अभिनन्दनग्रन्थ : माघ) — हरि मञ्जुश्री, रु. १०००।– (जम्मा ९ वटा)
२०७१ सालमा :
(२७) धुलिखेलका रूपान्तरक (अभिनन्दनग्रन्थ : असार) — हरि मञ्जुश्री, रु. ३००।– (२८) बेलप्रसाद (नव्यकाव्य : असार) — कविप्रसाद प्याकु¥याल, रु. २००।– (२९) कल्याण कविता (कवितासङ्ग्रह : भदौ) — कल्याण लम्साल, रु. १५०।– (३०) तिमीलाई नमोनम: (कवितासङ्ग्रह : भदौ) — कविप्रसाद प्याकु¥याल, रु. १५०।– (३१) मेरो देश मेरो गौरव (कवितासङ्ग्रह : भदौ) — निर्मलाकुमारी यगोल, रु. २००।– (३२) प्रकृति नै गुरु (बालकवितासङ्ग्रह : भदौ) — भवानी पाण्डे, रु. ५०।– (३३) हराएको भाले (कथासङ्ग्रह : असोज) — टेकलाल भारती ‘आदर्श’, रु. ८०।– (३४) प्रयास (उपन्यास : असोज) — कृष्णप्रसाद पौडेल, रु. २००।– (३५) स्मृतिमा दुर्गाप्रसाद शास्त्री (स्मृतिग्रन्थ : कार्तिक) — हरि मञ्जुश्री, रु. २२५।– (३६) नीतिशास्त्रका अमृतवचन (सूक्तिसङ्ग्रह : कार्तिक) — रामप्रसाद शर्मा तिमल्सिना, रु. ७५।– (३७) विश्वेश्वर (महाकाव्य : फागुन) — अनन्त कोइराला, रु. ४००।– (३८) अपरोक्ष अनुभूति (भावानुवाद : फागुन) — कविप्रसाद प्याकु¥याल, रु. ५०।– (३९) सावित्री चरित्र (लघुकाव्य : फागुन) — सुब्बा देवीप्रसाद सापकोटा, रु. ७५।– (४०) सोमालिया चिन्तन (टिप्पणी : फागुन) — श्यामकृष्ण लम्साल, रु. ७५।– (४१) रुँदै नेपालभूमि (प्रबन्धसङ्ग्रह : फागुन) — विकासराज खरेल ‘तराइन’, रु. १००।– (४२) झण्डा झक्नु हँुदैन (गजलसङ्ग्रह : चैत) — मुरहरि रायमाझी, रु. १००।– (जम्मा १६ वटा)
२०७२ सालमा :
(४३) विगततिर नियाल्दा (संस्मरणसङ्ग्रह : जेठ) — रामगोपाल वरुण, रु. २००।– (४४) माटो (नियात्रासङ्ग्रह : जेठ) — पोष चापागाई, रु. २५०।– (४५) वन्दे नेपाल मातरम् (महाकाव्य : भदौ) — श्रीधर प्याकु¥याल, रु. २५०।– (४६) कल्याणं भवन्तु (कवितासङ्ग्रह : भदौ) — कल्याण लम्साल, रु. १००।– (४७) सम्झनामा अनिल (स्मृतिग्रन्थ : भदौ) — हरि मञ्जुश्री, रु. २००।– (४८) मौन राजनीतिज्ञ (स्मृतिसङ्ग्रह : भदौ) — हरि मञ्जुश्री, रु. १००।– (४९) बीपी कोइराला र प्रजातान्त्रिक समाजवाद (लेखसङ्ग्रह : भदौ) — उद्धवप्रसाद नेपाल, रु. १२५।– (५०) मिहिनेतको रमझम (निबन्धसङ्ग्रह : असोज) — टेकलाल भारती ‘आदर्श’, रु. १००।– (५१) आँसु पुछेपछि (अनुभव : कार्तिक) — परीक्षा घिमिरे, रु. १००।– (५२) मधुत्रयी (यात्राकाव्य : कार्तिक) — श्रीधर प्याकु¥याल, रु. ८०।– (५३) स्वर्गमा पैदल (यात्रासंस्मरण : मङ्सिर) — डा. सुरेशराज शर्मा, रु. ५००।– (५४) जापानमा अलमलिँदा (संस्मरण : मङ्सिर) — रामचन्द्र हुमागाई, रु. १००।– (५५) मुरहरि रायमाझीका गजलहरू (गजलसङ्ग्रह : माघ) — मुरहरि रायमाझी, रु. २००।– (५६) नेपाल माहात्म्य (अनुवाद : माघ) — ओतबहादुर खड्का, रु. १५०।– (५७) नेपाल कम्पन (कवितासङ्ग्रह : माघ) — नवीना श्रेष्ठ, रु. १००।– (५८) सुशील कोइराला अरूको दृष्टिमा (लघु–स्मृतिग्रन्थ : फागुन) — हरि मञ्जुश्री, रु. १००।– (५९) खुलाल खत्रीको खोज (अनुसन्धान : फागुन) — गणेशबहादुर खत्री, रु. २००।– (६०) चिन्ताकुल (संस्मरण : चैत) — त्रिकालदर्शी भैल, रु. २००।– (जम्मा १८ वटा)
२०७३ सालमा :
६१. प्रशासनिक दाउपेच (संस्मरणसङ्ग्रह : वैशाख) — शिवभक्त शर्मा, रु. १५०।– (६२) भावनाका भुल्का (कवितासङ्ग्रह : वैशाख) — केदारनाथ तिमल्सिना, रु. १००।– (६३) सत्यनारायण व्रतकथा (काव्यानुवाद : वैशाख) — श्रीधर प्याकु¥याल, रु. ७०।– (६४) नोभेलिस्टिक आर्टिस्ट्री अफ लैनसिंह बाङ्देल (अनुसन्धान : जेठ) — डा. सुरेन्द्र पी श्रेष्ठ, अनुवादक डा. हेमराज काफ्ले, रु. ४००।– (६५) सबैतिर कम्पनको चोट (कवितासङ्ग्रह : जेठ) — रोजनाथ लुइँटेल, रु. १८०।– (६६) गणेशदास (जीवनी : साउन) — शिव बन्जारा, नि: शुल्क (६७) पानी मनकी रानी (कवितासङ्ग्रह : भदौ) — सरस्वती शर्मा सुवेदी, रु. १००।– (६८) द ट्य्राजिक स्टोरी (उपन्यास : भदौ) — भरतराज महत, अनुवादक डा. भास्कर हुमागाई, रु. २००।– (६९) डा. सुरेशराज शर्मा (जीवनीकाव्य : भदौ) — श्रीधर प्याकु¥याल, रु. ६०।– (७०) फालिकोटको फाली (स्मृतिसङ्ग्रह : भदौ) — ज्ञानेन्द्रराज भट्टराई, रु. २५०।– (७१) भग्नावशेष (उपन्यास : भदौ) — टेकलाल भारती ‘आदर्श’, रु. १२०।– (७२) मेरो दु:खी जीवन (आत्मकथा : भदौ) — कुलबहादुर बन्जारा, रु. १००।– (७३) हामी अब गर्छौ (लघुकाव्य : भदौ) — गणेशबहादुर खत्री, रु. १००।– (७४) अग्निजल (कवितासङ्ग्रह : कार्तिक) — मीरा पौड्याल, रु. २५०।– (७५) रचनापछिका विवेचना (मन्तव्यसङ्ग्रह : मङ्सिर) — द्रोणप्रसाद श्रेष्ठ ‘मुन्डाघरे’, रु. १५०।– (७६) जागनीबोध (लेखसङ्ग्रह : पुस) — हरि मञ्जुश्री, टहलदास शिवाकोटी ‘यात्री’, रु. ४००।– (७७) नागा बाबा रमेश गिरि (स्मृतिग्रन्थ : माघ) — हरि मञ्जुश्री, रु. ३००।– (७८) राजा वीरेन्द्र, बेलप्रसाद र धुलिखेल (लेख : माघ) — जयप्रकाश त्रिपाठी, रु. ३०।– (७९) शब्दयात्रा, शब्दकक्ष र शब्दध्वनि (लेखसङ्ग्रह : माघ) — तुतुकाजी प्रणामी श्रेष्ठ, रु. २५।– (८०) असल नेता कसरी बन्ने ? (लेखसङ्ग्रह : फागुन) — उद्धवप्रसाद नेपाल, रु. ५०।– (जम्मा २० वटा)
२०७४ सालमा :
(८१) काभ्रेली पूर्वप्रहरी कर्मचारी टेलिफोन कोश (कोश : वैशाख) — जगन्नाथ गिरी, रु. ५०।– (८२) सत्यनारायण कथामृत (काव्यानुवाद : साउन) — श्रीधर प्याकु¥याल, रु. २००।– (८३) परिवर्तित पाइला (नाटक : साउन) — गणेशबहादुर खत्री, रु. १००।– (८४) वेदान्तशिरोमणि एक संस्मरण (लेखसङ्ग्रह : साउन) — मुकुन्दप्रसाद उपाध्याय, नि:शुल्क (८५) मञ्जुश्री (ज्योतिषकाव्य : साउन) — श्रीधर प्याकु¥याल, रु. ७५।– (८६) अभियान (नाटक : भदौ) — टेकलाल भारती ‘आदर्श’, रु. १००।– (८७) हाम्रो बालक्लब (नाटक : भदौ) — भवानी पाण्डे, रु. ६०।– (८८) कल्याणं बु्रवन्तु (कवितासङ्ग्रह : भदौ) — कल्याण लम्साल, रु. ८०।– (८९) माधुरी आचार्य (उपन्यास : भदौ) — लेखन हरि मञ्जुश्री र आख्यान कृष्णमणि कुइँकेल, रु. ७५।– (९०) शब्दयात्रा प्रकाशनको छ वर्ष (सामाजिक परीक्षण : भदौ) — सं. पदमनाथ ढुङ्गाना र शारदाप्रसाद शर्मा, रु. १५०।– (९१) लक्ष्मीभक्तका कविता (कवितासङ्ग्रह : मङ्सिर) — ले. लक्ष्मीभक्त अधिकारी, सं. दुर्गाप्रसाद अधिकारी, रु. ४०।– (९२) केही दृष्टि केही दृष्टिकोण (निबन्धसङ्ग्रह : मङ्सिर) — द्रोणप्रसाद श्रेष्ठ ‘मुन्डाघरे’, रु. ३००।– (९३) शैक्षिक शिरोभूषण (लघुकाव्य : मङ्सिर) — कविप्रसाद प्याकु¥याल, रु. ७५।– (९४) सुब्बा देवीप्रसाद सापकोटा स्मृतिग्रन्थ (स्मृतिग्रन्थ : मङ्सिर) — सं. हरि मञ्जुश्री, रु. ३००।– (९५) नयाँ सोच (लघु–उपन्यास : पुस) — पूरा श्रेष्ठ, रु. ६०।– (९६) सङ्गम (अनुवाद : माघ) — हरीश अधिकारी, रु. ४००।– (९७) भर्तृहरि शतक (अनुवाद : फागुन) — श्रीधर प्याकु¥याल, रु. २००।– (९८) मी एन्ड माई धुलिखेल (संस्मरण : फागुन) — बेलप्रसाद श्रेष्ठ, रु. ३००।– (९९) शाहवंशका चर्तिकला (सङ्कलन : फागुन) — विष्णुहरि तिमल्सिना, रु १००।– (१००) पुनर्जन्म (कवितासङ्ग्रह : फागुन) — पूरा श्रेष्ठ, रु. ७०।– (जम्मा २० वटा)
२०७५ सालमा :
(१०१) कर्मयोद्धासँग शब्दसंवाद (परिचयपुस्तक : जेठ) — लेखक पदमनाथ ढुङ्गाना, सं. गीता मञ्जुश्री र दामोदर घिमिरे, रु. ४००।– (१०२) परेली (कथासङ्ग्रह : जेठ) — सरस्वती शर्मा सुवेदी, रु. १४०।– (१०३) अक्षरहरूको बिस्कुन (कवितासङ्ग्रह : जेठ) — डा. हेमराज काफ्ले, रु. १५०।– (१०४) पुष्प सौगात (सम्पादन : असोज) — दामोदर घिमिरे, रु. १००।– (१०५) मन (लेखसङ्ग्रह : असोज) — प्रकाश उज्ज्वल बनेपा, रु. ६०।– (१०६) सम्झना बुबाको (बिरौलासङ्ग्रह : असोज) — जगन्नाथ गिरी, रु. १००।– (१०७) पञ्चमाता (लेखसङ्ग्रह : असोज) — केदारनाथ तिमल्सिना, रु. १००।– (१०८) धनेश्वर भजनमाला (भजनसङ्ग्रह : असोज) — सहदीप पलान्चोके, रु. २००।– (१०९) स्वार्थी मान्छे (गजलसङ्ग्रह : असोज) — टेकलाल भारती, रु. १००।– (११०) प्रेम–प्रणाम (लघुकाव्य : कार्तिक), तुतुकाजी प्रणामी श्रेष्ठ, रु. १००।– (१११) व्यक्तित्व र कृतित्वको तेस्रो आयाम (लेखसङ्ग्रह : मङ्सिर) — डा. इन्दुल केसी (झा), रु. ४००।– (११२) चण्डेश्वरी भजन सफू (भजनसङ्ग्रह : पुस) —दिलबहादुर श्रेष्ठ, नि:शुल्क (११३) चाणक्यनीति दर्पण (काव्यानुवाद : माघ) — श्रीधर प्याकु¥याल, रु. १२०।– (११४) हनुमान चालीसा तथा बटुकभैरव स्तोत्र (स्तुतिसङ्ग्रह : माघ) — सहदीप पलान्चोके, नि:शुल्क (११५) समाजका कर्मवीर (लेखसङ्ग्रह : माघ) — दामोदर घिमिरे, रु. १५५।– (११६) नमारिएका सहिदहरू (कथासङ्ग्रह : माघ) — नवीना श्रेष्ठ, रु. १७५।– (११७) मेरो हराएको कविता (कवितासङ्ग्रह : माघ) — नवीना श्रेष्ठ, रु. १५०।–
२०७६ सालमा :
(११८) श्रीस्वस्थानी व्रतकथा (व्रतकथा : जेठ) — सं. सहदीप पलान्चोके, रु. ५००।– (११९) ढुङ्गेलका गोत्रपुरुष अगस्त्य ऋषि (परिचय पुस्तिका : जेठ) — मुकुन्दप्रसाद उपाध्याय, नि:शुल्क (१२०) बादलका तरेलीहरू (कवितासङ्ग्रह : जेठ) — पदम दाहाल, रु. २००।– (१२१) डा. इन्दुल केसीको चौथो आयाम (लेखसङ्ग्रह : जेठ) — सं. हरि मञ्जुश्री, रु. १५०।– (१२२) मान्छे, प्रकृति र भेगन (लेखसङ्ग्रह : जेठ) — साधुराम गिरी, रु १३०।– (१२३) बत्तीस कर्मयोद्धा (परिचयात्मक जीवनगाथा : जेठ) — गीता मञ्जुश्री र दामोदर घिमिरे, रु. २००।– (१२४) भोजप्रबन्ध (चम्पू : जेठ) — अनु. श्रीधर प्याकुरेल, रु. १५०।– (१२५) शब्द र चित्रमा द्रोणप्रसाद श्रेष्ठ (परिचयात्मक पुस्तिका : जेठ) — गीता मञ्जुश्री, नि:शुल्क (१२६) तारतमरस (काव्य : भदौ) — तुतुकाजी प्रणामी श्रेष्ठ, रु. ५००।– (१२७) वेद के भन्छ ? (सारसङ्ग्रह : असोज) — अनु. ओतबहादुर खड्का, रु. ६०।– (१२८) श्रीस्वस्थानी व्रतकथा (व्रतकथा : कार्तिक) — सं. नवीना श्रेष्ठ, रु. ५००।– (१२९) स्पेनको यात्रा (यात्रासंस्मरण : कार्तिक) — केदारनाथ तिमल्सिना, रु. १००।– (कार्तिकभित्र १२ वटा)

सार्वजनिक गरिएका पुस्तकहरूमध्ये तीनवटा पुस्तकका बारेमा चिनारी गराइदिन मलाई आग्रह गरिएको हुनाले म पुस्तककै विषयमा प्रवेश गर्न चाहन्छु ।
पहिलो पुस्तक आध्यात्मिक लेखक ओतबहादुर खड्काद्वारा अनूदित तथा सम्पादित ‘वेद के भन्छ ?’ नामक पुस्तिका हो । शब्दयात्रा प्रकाशनद्वारा प्रकाशित यो १ सय २७ औँ प्रकाशनपुष्प हो । प्रकाशकीय लेख्ता हरि मञ्जुश्रीले यस पुस्तिकाको अध्ययनबाट हजारौँ वर्षपहिलेका हाम्रा पूर्वजहरूको चिन्तन–मननको स्तर कति माथि रहेछ, विश्वकल्याणको उदात्त भावना कसरी जागरण भएको रहेछ, ईश्वरसँग साक्षात्कार र संवाद कसरी हुँदो रहेछ भन्ने कुरा थाहा पाउन सकिन्छ र हामीले आफूलाई भौतिक विधाका विभिन्न क्षेत्रमा विकसित बनेको मानेर उत्तरआधुनिक भइसकेको ठाने पनि हाम्रा पूर्वजहरूको चिन्तनको स्तरभन्दा हाम्रो चिन्तनको स्तर कति तल रहेछ भनेर पनि स्पष्ट बुझ्न सकिन्छ भनेर लेख्नुभएको छ । जम्मा ४८ पृष्ठको यस पुस्तकको मूल्य ६० रुपियाँ राखिएको छ ।
दोस्रो पुस्तक नवीना श्रेष्ठद्वारा नेपाल भाषाबाट अनूदित तथा सम्पादित ‘श्रीस्वस्थानी व्रतकथा’ हो । शब्दयात्रा प्रकाशनद्वारा प्रकाशित यो १ सय २८ औँ प्रकाशनपुष्प हो । ‘प्रकाशकीय’ मा हरि मञ्जुश्रीले लेखेअनुसार यो पुस्तक अहिलेसम्म नेपाली भाषामा प्रकाशन गरिएका ‘श्रीस्वस्थानी व्रतकथा’ भन्दा केही भिन्न देखिन्छ । ‘श्रीस्वस्थानी व्रतकथा’ का प्रायः पुस्तकहरू या त भारतको बनारसबाट छापिएर आएका हुन्थे या तिनै पुस्तकलाई केही परिमार्जित गरेर नेपालबाट छापिएका हुन्थे । यो नेपाल भाषामा प्राप्त ‘थ्यासफू’ का आधारमा साहित्यकार पशुपतिमान पःमाँले नेपाल भाषामा तयार पार्नुभएको ‘श्रीस्वस्थानी व्रतकथा’ र स्व. किलबहादुर भुजी श्रेष्ठले उतार गरी राखेको ‘श्रीस्वस्थानी व्रतकथा’ लाई नेपाली भाषामा अनुवाद गरी दुवै पुस्तकलाई समायोजन गरेर तयार पारिएको हो । त्यसैले यो पुस्तक पढ्दा पाशुपत क्षेत्रको कथा पढेजस्तो लाग्छ र नेपालको मौलिक ‘श्रीस्वस्थानी व्रतकथा’ यही हो भन्न सकिन्छ । जम्मा २ सय ४८ पृष्ठको यस पुस्तकको मूल्य ५०० रुपियाँ राखिएको छ ।
तेस्रो पुस्तक केदारनाथ तिमल्सिनाद्वारा लिखित ‘स्पेनको यात्रा नामक यात्रासंस्मरण हो । शब्दयात्रा प्रकाशनद्वारा प्रकाशित यो १ सय २९ औँ प्रकाशनपुष्प हो । युरोप महादेशमा पर्ने स्पेन देशका केही सहरहरूमा भ्रमण गर्ने मौका पाएका बेला देखेका, थाहा पाएका र अनुभव गरेका कुराहरूलाई लिपिबद्ध गरी केदारनाथ तिमल्सिनाले तयार पारेको पुस्तिका ‘स्पेनको यात्रा’ मा सरल शैलीमा रोचक घटनाहरू प्रस्तुत भएका छन् । छोटो भए पनि नयाँ जानकारीहरू दिन, थोरै कुरामा धेरै कुराहरू थाहा दिन, अनि स्पेनका केही स्थान, प्राकृतिकता, सामाजिकता, विकास–निर्माण, प्रचलन आदिका विषयमा रोचक ढङ्गमा प्रस्तुत गर्न यो पुस्तिका सफल रहेको छ भनेर ‘प्रकाशकीय’ मा हरि मञ्जुश्रीले लेख्नुभएको छ । जम्मा ४० पृष्ठको यस पुस्तिकाको मूल्य ६० रुपियाँ राखिएको छ ।
आज सार्वजनिक गरिएका यी तीनैवटा पुस्तकले नेपाली समाजमा सकारात्मक छाप छोड्नेछन् भन्ने आशा गर्दै तीनैजना अक्षरसेवीलाई हार्दिक बधाई ज्ञापन गर्दछु । (परिचयात्मक टिप्पणीकारका रूपमा अभिव्यक्त मन्तव्यको अंश)

शब्दयात्रा प्रकाशनले हरेक वर्षको दोस्रो चरणमा समर्पण गर्नुपर्ने शब्दयात्रा होम–तोत्र शिक्षा सम्मान, शब्दयात्रा देवीप्रसाद सापकोटा आमसञ्चार सम्मान, शब्दयात्रा नेपालभूमि स्तम्भकार सम्मान, शब्दयात्रा फोटो पत्रकारिता सम्मान, शब्दयात्रा आध्यात्मिक पत्रकारिता सम्मान र शब्दयात्रा साहित्यिक पत्रिका सम्मानका लागि उपयुक्त व्यक्ति अथवा संस्थाको नाउँ प्रस्ताव गरी पठाउन ‘नेपालभूमि राष्ट्रिय साप्ताहिक’ पत्रिकामार्फत सार्वजनिक रूपमा आह्वान गरेको थियो । त्यो आह्वानपछि संस्थाका सदस्यहरू र संस्थाबाहिरका व्यक्तिहरूले पनि केही नाउँहरू शब्दयात्रा प्रकाशनलाई उपलब्ध गराउनुभएको थियो ।
त्यसपछि शब्दयात्रा प्रकाशनले म पदम दाहाललाई संयोजक एवं पशुपतिमान पःमाँ र भवानी पाण्डेलाई सदस्य तोकेर सम्मान्य व्यक्तित्व चयन समिति बनायो । चयन समितिमा मनोनयन गरेकोमा हामी तीनैजना शब्दयात्रा प्रकाशनलाई धन्यवाद दिन चाहन्छौँ ।
सम्मानका लागि सिफारिस गरिएका नाउँहरूमध्ये सम्बन्धित विधाका प्रतिभाहरू र संस्थाहरूको नाउँ शब्दयात्रा प्रकाशनले हाम्रो समितिलाई उपलब्ध गराएको थियो । हामीलाई प्राप्त भएका नाउँहरूमध्येबाट समितिको बैठकले निर्धारण गरेको कार्यविधिअनुसार हामीले हरेक विधाका लागि एक–एकजनाको नाउँ चयन गरी सम्बन्धित सम्मान समर्पण गर्नका लागि सिफारिस ग¥यौँ । त्यसपछि संस्थाले उहाँहरूलाई सम्मान गर्ने घोषणा गरेको थियो । आज उहाँहरू सम्मानित हुन लाग्नुभएको छ । हाम्रो निर्णयअनुसार नै सम्मान ग्रहण गर्न स्वीकृति दिनुभएकोमा शिक्षाविद् डा. केदारनाथ श्रेष्ठ, अग्रज पत्रकार ध्रुवहरि अधिकारी, स्तम्भकार टीपी शर्मा तिमिल्सिना, फोटो पत्रकार राजेन्द्र चित्रकार, भक्तिदर्शन टेलिभिजन र ‘नवप्रज्ञापन’ साहित्यिक त्रैमासिक पत्रिकाप्रति चयन समिति आभार व्यक्त गर्दछ र सम्मानित हुन लाग्नुभएकोमा हार्दिक बधाई पनि अर्पण गर्दछ ।
सम्मानित हुने राष्ट्रका प्रसिद्ध व्यक्तित्वहरूका विषयमा विशेष जानकारी गत मङ्गलबार प्रकाशन भएको ‘नेपालभूमि राष्ट्रिय साप्ताहिक’ बाट लिन पनि अनुरोध छ ।
आजै सार्वजनिक हुन लागेका तीनवटा कृतिका कृतिकारहरू ओतबहादुर खड्का, नवीना श्रेष्ठ र केदारनाथ तिमल्सिनालाई पनि हाम्रो समिति हार्दिक बधाई ज्ञापन गर्दछ । (सम्मान्य व्यक्तित्व चयन समितिका तर्फबाट अभिव्यक्त मन्तव्यको अंश)

नेपालका विशिष्ट व्यक्तित्वहरूलाई सम्मान समर्पण गर्ने आजको गरिमामय समारोहमा शब्दयात्रा प्रकाशनले हामी ३ जना शब्दसाधकहरू ओतबहादुर खड्का, म नवीना श्रेष्ठ र केदारनाथ तिमल्सिनालाई पनि मञ्चमा उपस्थित गराएको छ । हामीमध्ये दुईजनाले अनुवाद तथा सम्पादन गरेका र एकजनाले लेखेका गरी जम्मा ३ वटा पुस्तकहरू शब्दयात्रा प्रकाशनले प्रकाशन गरिदिएको छ र आजको कार्यक्रममा सार्वजनिक पनि गराइदिएको छ । यसका लागि हामी शब्दयात्रा प्रकाशनप्रति हार्दिक आभार व्यक्त गर्दछौँ ।
शब्दयात्रा प्रकाशनले ९ वर्षभित्र १ सय २९ वटा पुस्तक प्रकाशन गरिसकेको, त्यति नै सङ्ख्याका राष्ट्रिय व्यक्तित्वहरूलाई सम्मान गरिसकेको, बनेपामा ५ आना जग्गा दानमा प्राप्त गरेको, नेपाली वाङ्मयका ५ जना शीर्ष व्यक्तित्वको सालिक स्थापना गरेको, १३ लाख रुपियाँको अक्षयकोष स्थापना गर्न सकेको, छात्रवृत्ति र पुुरस्कार दिने गरेको, साप्ताहिक पत्रिका नियमित चलाइरहेको, पुस्तकालय स्थापना गरेको जस्ता कुरा सुन्दा नै हामीलाई आश्चर्य लाग्छ । सरकारी निकायबाट अलिकति पनि आर्थिक सहयोग नलिईकन जनस्तरको सहयोगबाट मात्रै यति काम गर्न सक्नु ठूलो कुरा हो । एकलौटी ढङ्गले साहित्यिक संस्था नचलाई समुदायको विश्वास जितेर काम गर्ने हो भने साहित्यिक संस्थाले धेरै काम गर्न सक्छ भन्ने उदाहरण यस संस्थाले देखाउन सकेको छ । त्यसैले यस संस्थाप्रति साहित्यकार, पत्रकार, शिक्षासेवी, समाजसेवी सबैले आस्था र विश्वास राख्ने गरेका छन् । आजको समारोहमा भएको उपस्थितिले पनि यस कुरालाई पुष्टि गरेको छ । यस्तो सहयोग यस संस्थाले पाइरहोस्, मेरो शुभकामना छ ।
आजको समारोहमा सार्वजनिक गरिएका पुस्तकका लेखक तथा सम्पादकहरूका तर्फबाट मलाई केही बोल्ने मौका दिएकोमा हामी तीनैजना कृतिकारका तर्फबाट शब्दयात्रा प्रकाशनप्रति फेरि पनि आभार व्यक्त गर्दछु । (कृतिकारका तर्फबाट अभिव्यक्त मन्तव्यको अंश)

हाम्रो निमन्त्रणालाई स्वीकार गरेर यस समारोहमा उपस्थित हुनुभएका सबै महानुभावहरूमा शब्दयात्रा प्रकाशनका तर्फबाट र व्यक्तिगत रूपबाट पनि म हार्दिक स्वागत गर्न चाहन्छु ।
यस संस्थाबाट हरेक वर्षको जेठ, असोज र माघ महिनामा ६–६ विधाका दरले सम्मान समर्पण गरिन्छ । असोज महिनामा समर्पण गर्नुपर्ने विभिन्न ६ विधाका सम्मानहरू विभिन्न कठिनाइले गर्दा यस वर्ष असोज महिनामा समर्पण गर्न सकिएन र २०७६ सालका लागि ती सम्मानहरू आजको समारोहमा समर्पण गरिँदैछन् ।
तिनमा रमेश पौड्यालद्वारा व्यवस्थापित शब्दयात्रा होम–तोत्र शिक्षा सम्मान शिक्षाविद् डा. केदारनाथ श्रेष्ठलाई, सुनील सापकोटाद्वारा व्यवस्थापित शब्दयात्रा देवीप्रसाद सापकोटा आमसञ्चार सम्मान अग्रज पत्रकार ध्रुवहरि अधिकारीलाई, नेपालभूमि राष्ट्रिय साप्ताहिकद्वारा व्यवस्थापित शब्दयात्रा नेपालभूमि स्तम्भकार सम्मान स्तम्भकार टी. पी. शर्मा तिमिल्सिनालाई, हरिगोपाल प्रधानद्वारा व्यवस्थापित शब्दयात्रा फोटो पत्रकारिता सम्मान फोटो पत्रकार राजेन्द्र चित्रकारलाई, सुदर्शन आचार्यद्वारा व्यवस्थापित शब्दयात्रा आध्यात्मिक पत्रकारिता सम्मान भक्तिदर्शन टेलिभिजनलाई र योगेन्द्र खत्रीद्वारा व्यवस्थापित शब्दयात्रा साहित्यिक पत्रिका सम्मान साहित्यिक मासिक पत्रिका ‘नवप्रज्ञापन’ लाई समर्पण गरिँदैछ ।
ओतबहादुर खड्काद्वारा अनूदित ‘वेद के भन्छ ?’ सारसङ्ग्रह, नवीना श्रेष्ठद्वारा नेपाल भाषाबाट अनूदित तथा सम्पादित ‘श्रीस्वस्थानी व्रतकथा’ र केदारनाथ तिमल्सिनाद्वारा लिखित ‘स्पेनको सम्झना’ संस्मरणसङ्ग्रह गरी ३ वटा पुस्तकलाई आजै सार्वजनिक गरिँदैछ ।
यी सबै पुस्तकहरू शब्दयात्रा प्रकाशनबाट प्रकाशित भएका हुन् । यी पुस्तकसमेत गरी यस संस्थाले ९ वर्षभित्र १ सय २९ वटा पुस्तकको प्रकाशन गरेको पनि जानकारी गराउन चाहन्छु ।
आजको यस्तो महàवपूर्ण समारोहमा आफ्नो व्यस्त समयलाई व्यवस्थापन गरी यहाँ उपस्थित हुनुभएका सम्पूर्ण महानुभावप्रति हार्दिक आभार व्यक्त गर्दै पुनः स्वागत गर्न चाहन्छु । (स्वागत मन्तव्यको अंश)

शब्दयात्रा प्रकाशनको गरिमामय समारोहको सभापतित्व ग्रहण गर्न पाउँदा म गौरवान्वित बनेको छु । यस संस्थाको स्थापनाकालदेखि नै आर्थिक तथा भौतिक रूपमा विभिन्न सहयोग गरिरहेको हुनाले साथीहरूले त्यसको कदरस्वरूप मलाई यो सम्मान दिनुभएको हो । यसका लागि यस संस्थाका साथीहरूप्रति म हार्दिक आभार व्यक्त गर्दछु ।
शब्दयात्रा प्रकाशनलाई हामीले आर्थिक र भौतिक रूपमा बलियो संस्था बनाउनुछ । नेपालको राम्रो संस्थाका रूपमा यसलाई चिनाउनुछ । यसले राखेका उद्देश्यहरू पूरा गराउनुछ । त्यसका लागि मेरो स्वास्थ्य र आर्थिक अवस्थाले भ्याएसम्म म आजीवन यसै संस्थाप्रति समर्पित रहनेछु । मेरो सम्पूर्ण क्षमता यसै संस्थाका लागि उपयोग हुनेछ । म यहाँहरू सबैका अगाडि यो प्रतिबद्धता व्यक्त गर्दछु ।
सम्मानित हुन लाग्नुभएका महानुभावहरू र सार्वजनिक गरिने पुस्तकका अनुवादक तथा लेखकलाई बधाई दिँदै शब्दयात्रा प्रकाशनको उत्तरोत्तर प्रगतिको कामना गर्दछु । (सभापतिका रूपबाट अभिव्यक्त मन्तव्यको अंश)