Shabdayatra Prakashan

शब्दयात्रा प्रकाशनले २०८० सालको प्रथम चरणमा पाँचवटा पुरस्कार हिजो साउन ६ गते छजनालाई समर्पण गरेको छ ।
लामो समयदेखि ऐतिहासिक तथ्यहरूको खोज–अन्वेषण र विभिन्न विधाका साहित्यिक तथा अनुसन्धानमूलक कृतिहरूको लेखन–प्रकाशन गर्नुका साथै रौतहटेली साहित्यिक गतिविधिमा अभिभावकीय र प्रेरणादायी भूमिका निर्वाह गर्नुभएकोमा बेलौरी कन्चनपुर जन्मस्थल भई गौर रौतहटलाई कर्मस्थल बनाउनुभएका अन्वेषक तथा लेखक शीतल गिरीलाई २५ हजार रुपियाँ, अभिवन्दनापत्र, शब्दयात्रा पट्ट, उपहार र मालासहित ‘शब्दयात्रा डा. शालिग्राम शर्मा रौतहट प्रतिभा पुरस्कार, २०८०’ समर्पण गरिएको छ । यस पुरस्कारका लागि कोषको व्यवस्थापन चन्द्रपुर रौतहटनिवासी चिकित्सक तथा लेखक डा. शालिग्राम शर्माले गर्नुभएको हो ।
साहित्यको कथा, कविता र बालकथाको त्रिवेणी बनी ग्राम्य परिवेशलाई आधारभूमि बनाएका कथा, विचारशील र राष्ट्रप्रेमयुक्त कविता तथा प्रेरक बालकथाकृतिको लेखन–प्रकाशन गर्नुका साथै विभिन्न ग्रन्थहरूको सम्पादनमा पनि महत्त्वपूर्ण भूमिका निर्वाह गर्नुभएकोमा गोलन्जोर — ५ रतनचुरा सिन्धुलीनिवासी साहित्यकार विवश वस्ती (विवशराज श्रेष्ठ) लाई १५ हजार रुपियाँ, अभिवन्दनापत्र, शब्दयात्रा पट्ट, उपहार र मालासहित ‘शब्दयात्रा जीवनचन्द्र कोइराला सिन्धुली प्रतिभा पुरस्कार, २०८०’ समर्पण गरिएको छ । यस पुरस्कारका लागि कोषको व्यवस्थापन ग्रन्थसम्पादक जीवनचन्द्र कोइरालाकी धर्मपत्नी मनिका शर्मा कोइरालाले गर्नुभएको हो ।
विभिन्न विधाका साहित्यिक कृतिहरूको सिर्जना तथा प्रकाशन गरी नेपाली साहित्यको विकासमा महत्त्वपूर्ण भूमिका निर्वाह गर्नुका साथै गत वर्ष प्रकाशित ‘रानीतलाउ’ नामक उपन्यासका लागि नेपालगन्ज बाँकेनिवासी साहित्यकार कल्पना खरेललाई र विभिन्न विधाका साहित्यिक कृतिहरूको सिर्जना तथा प्रकाशन गरी नेपाली साहित्यको विकासमा महत्त्वपूर्ण भूमिका निर्वाह गर्नुका साथै गत वर्ष प्रकाशित ‘अक्षुण्ण’ नामक बाछिटासङ्ग्रहका लागि तेमाल काभ्रेपलान्चोक निवासी भवानी पाण्डेलाई ‘शब्दयात्रा रणलक्ष्मी राष्ट्रिय प्रतिभा पुरस्कार, २०८०’ समर्पण गरिएको छ । पुरस्कारको राशी १५ हजार रुपियाँ भएकाले संयुक्त रूपमा समर्पण गर्नुपर्ने हुँदा ८–८ हजार रुपियाँ, अभिवन्दनापत्र, शब्दयात्रा पट्ट, उपहार र माला समर्पण गरिएको छ । यस पुरस्कारको कोषको व्यवस्थापन पितामाताको स्मृतिमा कवि अमर त्यागीले गर्नुभएको हो ।
आफ्ना पितामाताको स्मृति र सम्मानस्वरूप काठमाडौँमा ‘डा. रामआदर निर्मला शर्मा पाण्डेय स्मृति बाल–बृद्ध–असहाय उत्थान केन्द्र’ नामक संस्था खोली आफ्नो परिवार, नातासम्बन्धी र जनस्तरका उदारमना स्वदेशी दाताहरूसँग सहयोग मागेर करिब चार दर्जन बाल–बृद्ध–असहायहरूलाई खाने–बस्ने, पढाउने र औषधोपचार गर्नेसमेत व्यवस्था गर्नुका साथै जनस्तरकै सहयोगमा त्यस संस्थालाई दिगो बनाउन सक्रिय भूमिका निर्वाह गर्नुभएकोमा जनकपुर धनुषाकी समाजसेवी रमा पाण्डे कोइराला ‘रोहिणी’ लाई १५ हजार रुपियाँ, अभिवन्दनापत्र, शब्दयात्रा पट्ट, उपहार र मालासहित ‘शब्दयात्रा हरि मञ्जुश्री दूरदृष्टि नेतृत्व पुरस्कार, २०८०’ समर्पण गरिएको छ । यस पुरस्कारका लागि कोषको व्यवस्थापन रश्मि हुमागाईं र इन्जिनियर रोशन अधिकारीले संयुक्त रूपमा गर्नुभएको हो ।
कठिन परिस्थितिसँग सङ्घर्ष गरी उद्यमी बन्नुभएको, उद्यमीकै रूपमा सामाजिक विकासका लागि योगदान गर्नुभएको र आफ्नो उद्यमशीलताबाट केही रोजगारीसमेत सिर्जना गर्न सक्षम बन्नुका साथै देशका विभिन्न स्थानमा आफ्नो उद्यमशीलताका प्रभावहरू विस्तार गरेर प्रेरणादायी व्यक्तित्व बन्न सफल हुनुभएकोमा धुलिखेल काभ्रेपलान्चोक निवासी उद्यमी ईश्वर शर्मालाई १५ हजार रुपियाँ, अभिवन्दनापत्र, शब्दयात्रा पट्ट, उपहार र मालासहित ‘शब्दयात्रा सारथि काभ्रेपलान्चोक उद्यमशीलता पुरस्कार, २०८०’ समर्पण गरिएको छ । यस पुरस्कारका लागि कोषको व्यवस्थापन सारथि ग्रुपका अध्यक्ष, सहकारीकर्मी तथा समाजसेवी प्रह्लाद प्याकुरेलले गर्नुभएको हो ।
यी सबै पुरस्कारहरू हरेक वर्ष समर्पण गर्ने गरिएको छ । यी पुरस्कारहरूबाट पुरस्कृत हुनुभएकोमा सबैलाई हार्दिक बधाई ज्ञापन गर्दै समारोहमा समुपस्थित सहभागीहरूका तर्फबाट पुरस्कृत व्यक्तित्वहरूको कीर्तिपताका निरन्तर फैलिरहोस् भनी शब्दसाधक तीर्थ नीलकण्ठेश्वर धाममा विराजित सम्पूर्ण देवीदेवता र पितृहरूसँग प्रार्थना गरिएको छ ।

शब्दयात्रा प्रकाशनले २०८० सालको पहिलो चरणका पुरस्कारहरू समर्पण गरेको छ । कार्यक्रमका प्रमुख अतिथि साहित्यकार ज्ञान उदास र विशेष अतिथि आख्यानकार भरत जङ्गम हुनुहुन्थ्यो । कार्यक्रमको सभापतित्व संस्थापक अध्यक्ष हरि मञ्जुश्रीले र सञ्चालन आजीवन सदस्य शारदाप्रसाद शर्माले गर्नुभएको थियो । कार्यक्रममा शीतल गिरी, विवश वस्ती, कल्पना खरेल, भवानी पाण्डे, रमा कोइराला ‘रोहिणी’ र ईश्वर शर्मालाई पुरस्कृत गरिएको थियो भने डा. शालिग्राम शर्माद्वारा लिखित पुस्तक ‘पहिलो अस्पताल’ सार्वजनिक गरिएको थियो । ‘पुरस्करणीय व्यक्तित्व चयन समिति’ का संयोजक गीतिभास्कर मच्छेश्वर सापकोटाले पुरस्कृत व्यक्तित्वको विशेषताका बारेमा जानकारी गराउनुभएको थियो भने पुरस्कारका अभिवन्दनापत्रहरू कवि पदम दाहालले वाचन गर्नुभएको थियो । पुरस्कृत व्यक्तित्वहरूलाई माला भरत जङ्गमले, उपहार मच्छेश्वर सापकोटाले, रकम रामप्रसाद अधिकारी, इ. रोशन अधिकारी, जयनारायण नेपाल, मनिका शर्मा कोइराला र डा. शालिग्राम शर्माले, शब्दयात्रा पट्ट हरि मञ्जुश्रीले र अभिवन्दनापत्र ज्ञान उदासले समर्पण गर्नुभएको थियो ।
प्रा. केदारनाथ श्रेष्ठले कार्यक्रमको समुद्घाटन, अमृत अधिकारीले अतिथि, पुरस्कृत व्यक्तित्व र कृतिकारलाई रुद्राक्षमाला अर्पण, इ. रोशन अधिकारीबाट कार्यक्रमको छायाङ्कन तथा स्वराङ्कन, शारदा घिमिरे भैलबाट प्रमुख अतिथिलाई र दामोदर घिमिरेबाट चयन समितिका सदस्यहरूलाई उपहार समर्पण, जयराम श्रेष्ठबाट कार्यक्रमको समीक्षासहित सभाविसर्जन गरिएको उक्त कार्यक्रममा कृष्णमणि कुइकेलले स्वागत भाषण तथा हरिगोपाल प्रधान र सङ्गीता केसीले सामग्री व्यवस्थापन गर्नुभएको थियो । सहदीप पलान्चोकेले उपस्थिति गराउनुभएको उक्त कार्यक्रममा जीवनचन्द्र कोइरालाको तस्बिरमा माल्यार्पण गरिएको थियो । सार्वजनिक गरिएको पुस्तक पदम ढुङ्गानाले कार्यक्रममा उपस्थित सबैलाई निःशुल्क वितरण गर्नुभएको थियो ।

साउन ६ गते शनिबार दिउँसो १२ः३० बजे शब्दयात्रा प्रकाशनको सभाकक्षमा सुरु हुने कार्यक्रममा पुरस्कार समर्पण गरिने साधकहरू — १. शब्दयात्रा डा. शालिग्राम शर्मा रौतहट प्रतिभा पुरस्कार — शीतल गिरी (रौतहट), २. शब्दयात्रा जीवनचन्द्र कोइराला सिन्धुली प्रतिभा पुरस्कार — विवश वस्ती (सिन्धुली), ३. शब्दयात्रा रणलक्ष्मी राष्ट्रिय प्रतिभा पुरस्कार — कल्पना खरेल (बाँके) र भवानी पाण्डे (काभ्रेपलान्चोक), ४. शब्दयात्रा हरि मञ्जुश्री दूरदृष्टि नेतृत्व पुरस्कार — रमा पाण्डे कोइराला (धनुषा), ५. शब्दयात्रा प्रह्लाद प्याकुरेल काभ्रेपलान्चोक उद्यमशीलता पुरस्कार — ईश्वर शर्मा (काभ्रेपलान्चोक) । उहाँहरूको योगदानप्रति नेपाली समाज कृतज्ञ छ ।

शब्दयात्रा प्रकाशनले २०८० सालको ‘शब्दयात्रा हरि मञ्जुश्री दूरदृष्टि नेतृत्व पुरस्कार’ रमा पाण्डे कोइराला (धनुषा) मा समर्पण गर्ने भएको छ । ‘बाल–बृद्ध–असहाय उत्थान केन्द्र’ नामक संस्था खोली आफ्नो परिवार, नातासम्बन्धी र जनस्तरका उदारमना स्वदेशी दाताहरूसँग मात्र सहयोग मागेर बाल–बृद्ध–असहायहरूलाई खाने, बस्ने, पढाउने र औषधोपचार गर्नेसमेत व्यवस्था गर्नुका साथै जनस्तरकै सहयोगमा त्यस संस्थालाई दिगो बनाउन सक्रिय हुनुभएकोमा उहाँलाई पुरस्कृत गर्न लागिएको हो । पुरस्कारमा १५ हजार रुपियाँ, अभिवन्दनापत्र, शब्दयात्रा पट्ट र उपहार समर्पण गरिनेछ । पुरस्कार ग्रहण गर्न स्वीकृति दिनुभएकोमा शब्दयात्रा प्रकाशन परिवार उहाँप्रति हार्दिक आभार व्यक्त गर्दछ ।

शब्दयात्रा प्रकाशनले २०८० सालको प्रथम चरणमा समर्पण गर्ने ५ वटा पुरस्कार आगामी साउन ६ गते शनिबार ६ जनालाई समर्पण गर्ने भएको छ । त्यस दिन रकम, अभिवन्दनापत्र, शब्दयात्रा पट्ट, उपहार र रुद्राक्षमालासहितको शब्दयात्रा डा. शालिग्राम शर्मा रौतहट प्रतिभा पुरस्कार, शब्दयात्रा जीवनचन्द्र कोइराला सिन्धुली प्रतिभा पुरस्कार, शब्दयात्रा सारथि काभ्रेपलान्चोक उद्यमशीलता पुरस्कार, शब्दयात्रा हरि मञ्जुश्री दूरदृष्टि नेतृत्व पुरस्कार र शब्दयात्रा रणलक्ष्मी राष्ट्रिय प्रतिभा पुरस्कार समर्पण गरिनेछन् । कार्यक्रम शब्दयात्रा प्रकाशनको सभाकक्ष बनेपामा दिउँसो १२ः३० बजे प्रारम्भ गरी २ः३० बजे समापन गरिनेछ ।

शब्दयात्रा प्रकाशनले २०८० सालको ‘शब्दयात्रा रणलक्ष्मी राष्ट्रिय प्रतिभा पुरस्कार’ कल्पना खरेल (नेपालगन्ज, बाँके) र भवानी पाण्डे (तेमाल, काभ्रेपलान्चोक) लाई संयुक्त रूपमा समर्पण गर्ने भएको छ । साहित्यकार अमर त्यागीले कोष व्यवस्थापन गर्नुभएको यस पुरस्कारमा ८–८ हजार रुपियाँ, अभिवन्दनापत्र, शब्दयात्रा पट्ट र उपहार समर्पण गरिनेछ । पुरस्कार ग्रहण गर्न स्वीकृति दिनुभएकोमा शब्दयात्रा प्रकाशन परिवार साहित्यकारद्वय कल्पना खरेल र भवानी पाण्डेप्रति हार्दिक आभार व्यक्त गर्दछ ।

शब्दयात्रा प्रकाशनले २०८० सालको ‘शब्दयात्रा सारथि काभ्रेपलान्चोक उद्यमशीलता पुरस्कार’ ईश्वर शर्मा (धुलिखेल, काभ्रेपलान्चोक) मा समर्पण गर्ने भएको छ । कठिन परिस्थितिसँग सङ्घर्ष गरेर उद्यमी बन्नुभएको, उद्यमीकै रूपमा सामाजिक विकासका लागि योगदान गर्नुभएको र आफ्नो उद्यमशीलताबाट केही रोजगारीसमेत सिर्जना गर्न सक्षम बनेर प्रेरणादायी व्यक्तित्व बन्नुभएको हुँदा उहाँलाई पुरस्कृत गर्न लागिएको हो । पुरस्कारमा १५ हजार रुपियाँ, अभिवन्दनापत्र, शब्दयात्रा पट्ट र उपहार समर्पण गरिनेछ । पुरस्कार ग्रहण गर्न स्वीकृति दिनुभएकोमा शब्दयात्रा प्रकाशन परिवार उहाँप्रति हार्दिक आभार व्यक्त गर्दछ ।

शब्दयात्रा प्रकाशनले २०८० सालको ‘शब्दयात्रा जीवनचन्द्र कोइराला सिन्धुली प्रतिभा पुरस्कार’ साहित्यकार विवश वस्ती (विवशराज श्रेष्ठ, गोलन्जोर — ५, रतनचुरा) मा समर्पण गर्ने भएको छ । साहित्यको कथा, कविता र बालकथाको त्रिवेणी बनी ग्राम्य परिवेशलाई आधारभूमि बनाएका कथा, विचारशील र राष्ट्रप्रेमयुक्त कविता तथा प्रेरक बालकथाकृतिको लेखन–प्रकाशन गर्नुका साथै ग्रन्थसम्पादनमा पनि महत्त्वपूर्ण भूमिका निर्वाह गर्नुभएकोमा उहाँलाई पुरस्कृत गर्न लागिएको हो । पुरस्कारमा १५ हजार रुपियाँ, अभिवन्दनापत्र, शब्दयात्रा पट्ट र उपहार समर्पण गरिनेछ । पुरस्कार ग्रहण गर्न स्वीकृति दिनुभएकोमा शब्दयात्रा प्रकाशन परिवार साहित्यकार विवश वस्तीप्रति हार्दिक आभार व्यक्त गर्दछ ।