Shabdayatra Prakashan

गत फागुन १७ गते मङ्गलबार ‘कर्मयोद्धासँग शब्दसंवाद’ कार्यक्रमको चौथो शृङ्खला सम्पन्न भयो । उक्त कार्यक्रममा आध्यात्मिक लेखक, प्रवाचक तथा गोसाइँस्थान नैमिषारण्य क्षेत्र विकास समितिका अध्यक्ष मुकुन्दप्रसाद उपाध्यायले आध्यात्मिक प्रवचन गर्नुभयो । उहाँको प्रवचन मुख्य रूपमा भगवान्बाट लिइएका अवतारहरूका विषयमा रहेको थियो ।
शब्दयात्रा प्रकाशनका अध्यक्ष हरि मञ्जुश्रीको सभापतित्वमा सम्पन्न उक्त प्रवचन कार्यक्रमको सञ्चालन ‘कर्मयोद्धासँग शब्दसंवाद’ कार्यक्रमका संयोजक पदमनाथ ढुङ्गानाले गर्नुभएको थियो । समारोहमा डा. मनीष पोखरेल, रीमा खनाल, सुमन खड्का, मच्छेश्वर सापकोटा, दिव्यमणि अधिकारी, हरिभक्त भोछिभोया, गीता मञ्जुश्री, ओतबहादुर खड्का, तुतुकाजी प्रणामी श्रेष्ठ, फणीन्द्रराज अधिकारी, दामोदर घिमिरे, शिवहरि के. सी., अम्बिका थापा, जगन्नाथ गिरी, प्रकाश थापा, उर्मिला गिरी, सिना ढकाल श्रेष्ठ, राधा घिमिरे, कृष्णमणि कुइँकेल, सुदर्शन आचार्य, माधवप्रसाद पराजुली, राजेन्द्र थापा, दीपक तिमल्सिना आदिलगायतको उपस्थिति थियो ।

शब्दयात्रा प्रकाशनद्वारा पदमनाथ ढुङ्गानाको संयोजकत्वमा सञ्चालित साप्ताहिक प्रवचन कार्यक्रम ‘कर्मयोद्धासँग शब्दसंवाद’ को तेस्रो शृङ्खलामा गत मङ्गलबार कवि सोमकाजी शाक्यले आफ्नो जीवनयात्रा तथा विचारहरू प्रस्तुत गर्नुभयो ।
संस्थाका अध्यक्ष तथा ‘शब्दसंवाद’ कार्यक्रमका परिकल्पनाकार हरि मञ्जुश्रीले ‘शब्दसंवाद’ कार्यक्रमको महàवका बारेमा जानकारी गराउनुभएको उक्त कार्यक्रम शब्दयात्रा प्रकाशनको सभाकक्षमा सम्पन्न भएको थियो भने कार्यक्रमको सभापतित्व आध्यात्मिक लेखक तुतुकाजी प्रणामी श्रेष्ठले गर्नुभएको थियो ।
कार्यक्रममा सुमन खड्का, शारदाप्रसाद शर्मा, तेजनाथ काफ्ले, डा. श्याम भट्टराई, डिल्लीराम निरौला, पुष्पदास स्याउला, उद्धवप्रसाद नेपाल, दामोदर घिमिरे, तीर्थराज अधिकारी, धनमाया खत्री, ओतबहादुर खड्का, सिद्धिबहादुर कर्माचार्य, बलराम अधिकारी, ओमकारमान बैदार, विनोद वैद्य आदिलगायतको उपस्थिति रहेको थियो ।

नेपालमा हालसम्म वाङ्मयिक क्षेत्रको स्तरीय अनुसन्धान केन्द्र नभएको हुनाले नेपालकै उच्चस्तरको अनुसन्धान केन्द्रका रूपमा ‘शब्दयात्रा बहुआयामिक अनुसन्धान प्रतिष्ठान’ काभ्रे जिल्लाको बनेपामा स्थापना गर्ने लक्ष्य शब्दयात्रा प्रकाशनले राखेको छ । यस प्रतिष्ठानमा धर्म–संस्कृति, शिक्षा–शिक्षण, भाषा–साहित्य, आमसञ्चार–पत्रकारिता, गीत–सङ्गीत, इतिहास, सामाजिकता, लोकजीवन आदि वाङ्मयिक विधा र विषयमा अनुसन्धान गर्नका लागि आवश्यक सामग्रीहरू राखिनेछन् र सम्बन्धित कार्यक्रमहरू पनि गरिनेछन् । साथसाथै विभिन्न क्षेत्रका शीर्ष एवं सर्वमान्य व्यक्तित्वका सालिकहरू पनि राखिनेछन् । यहाँ राष्ट्रिय स्तरका बौद्धिक कार्यक्रमहरू भइरहने भएकाले यसका लागि सभाकक्ष, पुस्तकालय, अभिलेखालय, अतिथिशाला आदिसहितको बहुउपयोगी भवनलगायतका भौतिक संरचनाको निर्माण गर्न यो संस्था सहयोग जुटाउन प्रयास गरिरहेको छ ।
यस्तो अनुसन्धान केन्द्रको निर्माण भएर हरेक प्रकारको अनुसन्धान गर्न अनुसन्धान केन्द्रमा पुग्नैपर्ने भएपछि बनेपा क्षेत्र नेपालभरिका बौद्धिक व्यक्तित्वका लागि आकर्षक गन्तव्य बन्नेछ । यहाँ अध्यात्म, शिक्षा, साहित्य, सङ्गीत, कला, अनुसन्धान र पत्रकारिता क्षेत्रका गतिविधिहरू बढ्नेछन् । शब्दयात्रा प्रकाशनका हरेक गतिविधि र कार्यक्रमको केन्द्र पनि यही ठाउँ हुनेछ । विभिन्न विधाका शीर्ष तथा सर्वमान्य व्यक्तित्वका सालिकहरूसहित अन्य वाङ्मयसेवीहरूको सालिक राखिएको र स्तरीय अनुसन्धान केन्द्र बनेको क्षेत्रका रूपमा यस क्षेत्रको ख्याति र गौरव बढ्नेछ तथा देश–विदेशका वाङ्मयसेवीहरू यहाँ आउनैपर्ने हुनाले आन्तरिक र बाह्य पर्यटकको वृद्धि पनि हुनेछ । यस क्षेत्रबाट हरेक विश्वविद्यालय, कलेज, स्कुल तथा सामाजिक, साङ्गीतिक, आध्यात्मिक आदि संस्थाहरूलाई सहयोग पुग्नेछ ।
यस अभियानलाई सहयोग गर्न शब्दयात्रा प्रकाशनको अनुरोध छ ।

शब्दयात्रा प्रकाशनद्वारा बनेपामा स्थापना गर्न लागिएको सालिकका लागि ७५ हजार रुपियाँ आर्थिक सहयोग प्राप्त भएको छ । काठमाडौँ कमलादी निवासी वत्सलाल श्रेष्ठबाट आफ्नी स्वर्गीय धर्मपत्नी झुमादेवी श्रेष्ठको स्मृतिमा २५ हजार रुपियाँ, प्रसिद्ध गीतकार, सङ्गीतकार, गायक तथा साहित्यकार हिरण्य भोजपुरेबाट २५ हजार रुपियाँ र प्रसिद्ध गायिका, पूर्वसचिव तथा लोकसेवा आयोगका पूर्वसदस्य श्रीमती उर्मिला श्रेष्ठ भोजपुरेबाट २५ हजार रुपियाँ गरी ७५ हजार रुपियाँ प्राप्त भएको हो ।
वत्सलाल श्रेष्ठ हाल ९७ वर्षका हुनुहुन्छ । हिरण्य भोजपुरे शब्दयात्रा विश्वसम्पर्क समाजमा र उर्मिला श्रेष्ठ भोजपुरे शब्दयात्रा सम्मान व्यवस्थापक समाजमा आबद्ध हुनुहुन्छ । उर्मिला श्रेष्ठ भोजपुरेले शब्दयात्रा प्रकाशनबाट हरेक वर्ष समर्पण गरिने प्रशासनिक महिला प्रतिभा सम्मानका लागि १ लाख रुपियाँको अक्षयकोष पनि राखिदिनुभएको छ ।

शब्दयात्रा प्रकाशनले आगामी फागुन १७ गते मङ्गलबार बनेपाको के. एन. ब्यान्क्वेटमा विशेष समारोहको आयोजना गरी चारजना विशिष्ट व्यक्तित्वलाई सम्मान गर्न लागेको अवसरमा तीनवटा पुस्तकलाई सार्वजनिक पनि गर्ने भएको छ । ती तीन पुस्तकहरूमा हरि मञ्जुश्रीद्वारा सम्पादित ‘नैमिषारण्य नेपाल’, तुतुकाजी प्रणामी श्रेष्ठद्वारा लिखित ‘शब्दयात्रा, शब्दकक्ष र शब्दध्वनि’ र उद्धवप्रसाद नेपालद्वारा लिखित ‘असल नेता कसरी बन्ने ?’ रहेका छन् ।
‘नैमिषारण्य नेपाल’ गोसाइँस्थान नैमिषारण्य क्षेत्र विकास समितिबाट र ‘शब्दयात्रा, शब्दकक्ष र शब्दध्वनि’ र ‘असल नेता कसरी बन्ने ?’ शब्दयात्रा प्रकाशनबाट प्रकाशित भएका हुन् ।

शब्दयात्रा प्रकाशनले आफ्नो ८० औँ प्रकाशनशृङ्खलाका रूपमा ‘असल नेता कसरी बन्ने ?’ नामक पुस्तिका प्रकाशन गरेको छ । यो पुस्तिका उद्धवप्रसाद नेपालको चौथो कृतिका रूपमा प्रस्तुत भएको हो ।
यस पुस्तिकामा असल नेतृत्वका लागि लोकतन्त्रवादी नेताहरूले पालना गर्नुपर्ने नियमहरू के–के हुन् ?, सङ्गठन भनेको के हो ?, असल नेता कस्तो हुनुपर्छ ?, पार्टी सङ्गठन बलियो बनाउन के गर्नुपर्छ ? र असल नेता बन्न कुन–कुन कुरामा प्रतिबद्ध रहनुपर्छ ? भन्ने प्रश्नको उत्तर दिइएको छ ।

शब्दयात्रा प्रकाशनद्वारा सञ्चालित ‘शब्दसंवाद’ साप्ताहिक कार्यक्रमको दोस्रो शृङ्खला गत मङ्गलबार सम्पन्न भयो । त्यस कार्यक्रममा अतिथि वक्ताका रूपमा पूर्वप्रहरी कर्मचारी परिषद् काभ्रेका सभापति जगन्नाथ गिरीले नेपाल प्रहरी र माओवादी जनयुद्धको इतिहासका विषयमा प्रवचन गर्नुभएको थियो । शब्दयात्रा प्रकाशनको सभाकक्षमा सम्पन्न उक्त कार्यक्रमको सभापतित्व सकुल थापाले गर्नुभएको थियो । कार्यक्रमका संयोजक पदमनाथ ढुङ्गानाले अतिथि वक्ताको विषयमा जानकारी गराउनुभएको उक्त समारोहको सञ्चालन शारदाप्रसाद शर्माले गर्नुभएको थियो ।
समारोहमा शब्दयात्रा प्रकाशनका अध्यक्ष हरि मञ्जुश्री, नेपालभूमि साप्ताहिकका सम्पादक सुमन खड्का, आध्यात्मिक लेखक तुतुकाजी प्रणामी श्रेष्ठ, कवि सोमकाजी शाक्य, लेखक पुष्पदास स्याउला, शब्दयात्रा लेखक समाजका सदस्यद्वय गीता मञ्जुश्री र पुण्यवती घले, शब्दयात्रा लेखक समाजका सभापति ओतबहादुर खड्का र सदस्य उद्धवप्रसाद नेपाल, डिल्लीराम निरौला, पूर्णबहादुर कर्माचार्य, समाजसेवी सहदीप पलाञ्चोके आदिको उपस्थिति रहेको थियो । कार्यक्रममा लेखक पूर्णबहादुर कर्माचार्यले आफूले लेखेका पुस्तकहरू शब्दयात्रा प्रकाशनका लागि अध्यक्ष हरि मञ्जुश्रीलाई हस्तान्तरण गर्नुभएको थियो ।
‘शब्दसंवाद’ कार्यक्रमको तेस्रो शृङ्खला फागुन १० गते मङ्गलबार दिउँसो ठीक ४ बजे शब्दयात्रा प्रकाशनको सभाकक्षमा सुरु गरिने र त्यस कार्यक्रममा अतिथि वक्ताका रूपमा कवि सोमकाजी शाक्यको प्रस्तुति रहने जानकारी गराउँदै उक्त कार्यक्रममा उपस्थित हुन सम्पूर्ण बौद्धिक वर्गलाई आग्रह गरिएको थियो ।

शब्दयात्रा प्रकाशनको नवीनतम कार्यक्रम ‘कर्मयोद्धासँग शब्दसंवाद’ को पहिलो शृङ्खला शब्दयात्रा प्रकाशनको सभाकक्षमा सम्पन्न भयो । त्यस कार्यक्रममा आध्यात्मिक लेखक तुतुकाजी प्रणामी श्रेष्ठको प्रस्तुति रहेको थियो । कार्यक्रम शब्दयात्रा प्रकाशन संरक्षण समितिका सदस्य सकुल थापाको सभापतित्वमा भएको थियो भने कार्यक्रमको संयोजन पदमनाथ ढुङ्गानाले र सञ्चालन शारदाप्रसाद शर्माले गर्नुभएको थियो ।
कार्यक्रममा शब्दयात्रा प्रकाशनका अध्यक्ष हरि मञ्जुश्री, नेपालभूमि साप्ताहिकका सम्पादक सुमन खड्का, शब्दयात्रा नारी स्रष्टा समाजका सदस्य भवानी पाण्डे, शब्दयात्रा कलाकार समाजका सल्लाहकार मच्छेश्वर सापकोटा, ‘नेपालभूमि’ का स्तम्भकार जगन्नाथ गिरी, लेखापरीक्षक दण्डपाणि अधिकारी, अन्वेषक पुष्प सौगात, शब्दयात्रा पाठक समाजका संयोजक दामोदर घिमिरे, कवि सोमकाजी शाक्य, कवि सिद्धिबहादुर कर्माचार्य आदिको सहभागिता रहेको थियो । कार्यक्रमको अन्त्यमा शब्दयात्रा प्रकाशनका अध्यक्ष हरि मञ्जुश्रीले तुतुकाजी प्रणामी श्रेष्ठलाई रुद्राक्षको माला लगाइदिएर आभार व्यक्त गर्नुभएको थियो ।
त्यस बखत आगामी मङ्गलबारको कार्यक्रममा जगन्नाथ गिरीको प्रस्तुति रहने जानकारी गराइएको थियो ।