Shabdayatra Prakashan

शब्दयात्रा प्रकाशनका अध्यक्ष ग्रन्थसम्पादक हरि मञ्जुश्रीको सम्पादनमा ‘शिखरयात्रा’ नामक पुस्तक प्रकाशन हुन लागेको छ । उक्त पुस्तकमा केडिया ग्रुपका संस्थापक उद्योगपति वृजलाल केडियाको जीवनी, व्यक्तित्व र औद्योगिक इतिहास समेटिएको छ ।

साहित्यकारहरू अनिरुद्र तिमल्सिना, पार्थमणि भट्टराई, मधुसूदनप्रसाद घिमिरे, रमेश गोर्खाली र हरि मञ्जुश्री, कानुन व्यवसायीहरू कृष्णप्रसाद घिमिरे र कृष्णप्रसाद भण्डारी, पूर्वप्रहरी महानिरीक्षक खड्गजीत बराल, राजनीतिकर्मीहरू गजेन्द्रनारायण सिंह, चमारसिंह लामा, जयप्रकाश, डोरमणि पौडेल, पी. एल. सिंह, मातृकाप्रसाद कोइराला, योगप्रसाद उपाध्याय, रामचन्द्र पौडेल, रुक्म शमशेर, लोकेन्द्रबहादुर चन्द, शैलेन्द्रकुमार उपाध्याय र साहना प्रधान, पूर्वप्रशासकहरू गोवद्र्धनबहादुर कार्की, टेकबहादुर रायमाझी, तुलसीप्रसाद भट्टराई, दामोदर शमशेर, दीर्घराज कोइराला, धनमणि आचार्य दीक्षित, बाबुराम पौडेल र वीरबहादुर शाही, आध्यात्मिक व्यक्तित्वहरू जगन्नाथ शास्त्री, जनार्दन घिमिरे, डा. स्वामी प्रपन्नाचार्य, ब्रह्मकुमारी राज र मेघराज शर्मा, पत्रकारहरू नेपालभूषण न्यौपाने र माथवरसिंह बस्नेत, सङ्गीतकार भूपेन्द्र रायमाझी तथा समाजसेवीहरू वासुदेवशरण कोइराला र सगुन शाह आदिसहित १ सय ७६ जनाका लेख–संस्मरणहरू उक्त पुस्तकमा राखिएका छन् ।

शब्दयात्रा प्रकाशनको ७९ औँ प्रकाशनपुष्पका रूपमा ‘शब्दयात्रा, शब्दकक्ष र शब्दध्वनि’ नामक पुस्तिका प्रकाशित भएको छ । ‘शब्दसंवाद’ कार्यक्रमको प्रथम दिवसको अवसर पारी प्रकाशित उक्त पुस्तिकालाई आज २०७३ माघ २५ गते मङ्गलबार अपराह्न ४ बजे शब्दयात्रा प्रकाशनको सभाकक्षमा आयोजित विशेष समारोहमा सार्वजनिक गरिने भएको छ ।

तुतुकाजी प्रणामी श्रेष्ठद्वारा लिखित तथा ‘नेपालभूमि साप्ताहिक’ मा प्रकाशित आध्यात्मिक लेखहरूको सङ्ग्रहका रूपमा रहेको यस पुस्तिकामा १० वटा शीर्षकका छोटा–छोटा लेखहरू सङ्ग्रह गरिएका छन् । पुस्तिकाको मूल्य २५ रुपियाँ राखिएको छ । यस पुस्तिकाको बिक्रीबाट प्राप्त भएको सम्पूर्ण रकम ‘शब्दसंवाद’ कार्यक्रमका लागि खर्च गरिने भएको छ ।

शब्दयात्रा प्रकाशनको नवीनतम कार्यक्रम ‘शब्दसंवाद’ आज मङ्गलबारदेखि प्रारम्भ हुने भएको छ । आज अपराह्न ४ बजे शब्दयात्रा प्रकाशनको सभाकक्षमा यस कार्यक्रमको पहिलो शृङ्खला प्रस्तुत हुने जानकारी संयोजक पदमनाथ ढुङ्गानाले गराउनुभएको छ ।
आजको कार्यक्रमका प्रमुख वक्ता आध्यात्मिक लेखक तुतुकाजी प्रणामी श्रेष्ठ रहनुहुनेछ ।

आफ्नो योगदान राष्ट्रमा पु¥याउन र अरूको योगदानबाट प्रेरणा लिन हरेक मङ्गलबार अपराह्न ४ बजे १ घन्टाका लागि शब्दयात्रा प्रकाशनको सभाकक्षमा पुगौँ । समाजको हितमा केही न केही योगदान गरेका कर्मयोद्धाहरूलाई राष्ट्रमा परिचित गराउन र उनीहरूको अनुभवबाट अरूलाई प्रेरणा दिलाउन शब्दयात्रा प्रकाशनले प्रारम्भ गरेको साप्ताहिक कार्यक्रम ‘शब्दसंवाद’ मा सहभागी बनौँ । हरेकपटक नयाँ जानकारी पाइनेछ । आफूले सुनाएका कुरा पहिले पत्रिकामा र पछि पुस्तकमा छापिनेछन् । आफ्नो सुनाऔँ, अरूको सुनौँ ।

शब्दसंवाद (साप्ताहिक कार्यक्रम)
शब्दयात्रा प्रकाशन
अक्षरधाम, बनेपा — १०, काभ्रे

कसरी ?

समाजका लागि केही न केही योगदान गरेका कर्मयोद्धाहरूलाई राष्ट्रमा परिचित गराउन
र उनीहरूको अनुभवबाट अरूलाई प्रेरणा दिलाउन
शब्दयात्रा प्रकाशनले
‘शब्दसंवाद’
नामको शृङ्खलाबद्ध साप्ताहिक कार्यक्रम सुरु गर्न लागेको छ ।
कार्यक्रम हरेक मङ्गलबार अपराह्न ४ बजे
शब्दयात्रा प्रकाशनको आफ्नै सभाकक्षमा हुनेछ ।
त्यस कार्यक्रममा सहभागी बनौं ।
कार्यक्रम कस्तो हो, आफ्नो योगदान राष्ट्रमा पु¥याउन शब्दयात्रा प्रकाशनले कसरी सहयोग गर्छ, त्यसमा कसरी सहभागी हुने हो, यस्ता प्रश्नहरूको उत्तर पाउन हामीसँग सम्पर्क राख्नुहोस् ।

सम्पर्कका लागि दूरभाषाङ्क :
९७४१०६२१९० (हरि मञ्जुश्री), ९८४९२८४३६९ (शारदाप्रसाद शर्मा), ९८४११०७३१० (पदमनाथ ढुङ्गाना)

शब्दयात्रा प्रकाशनका शुभेच्छुक सोमकाजी शाक्य र गोविन्दबहादुर थापा नेपाली लेखक सङ्घ काभ्रे शाखाको उपाध्यक्ष र सदस्य बन्नुभएकोमा हार्दिक बधाई ज्ञापन गर्दछौं ।

शब्दयात्रा प्रकाशन परिवार
अक्षरधाम, बनेपा — १०, काभ्रे

यस संस्थाका हितैषी जीवनचन्द्र कोइराला नेपाल नेत्रज्योति सङ्घ काठमाडौं जिल्ला कार्यसमितिको सदस्य पदमा चयन हुनुभएकोमा हार्दिक बधाई ज्ञापन गर्दछौं ।

शब्दयात्रा प्रकाशन परिवार
अक्षरधाम, बनेपा — १०, काभ्रे

शब्दयात्रा प्रकाशनले काभ्रेको बनेपामा नेपालका सर्वमान्य चार व्यक्तित्वको सालिक स्थापना गर्नका लागि प्रारम्भ गरेको अभियानलाई सघाउन आर्थिक सहयोग गर्ने दाताहरूको सङ्ख्या बढिरहेको छ ।
दाताका रूपमा संस्कृतिविद् ज्ञानकाजी मानन्धर (बनेपा, काभ्रे) ले ५ हजार १ सय रुपियाँ र आध्यात्मिक लेखक तुतुकाजी प्रणामी श्रेष्ठ (बनेपा, काभ्रे) ले १० हजार रुपियाँ शब्दयात्रा प्रकाशनलाई सालिकको निर्माण र स्थापना गर्नका लागि आर्थिक सहयोग गर्नुभएको छ ।

शब्दयात्रा प्रकाशनले ‘शब्दसंवाद’ नामको साप्ताहिक कार्यक्रम सुरु गर्ने निधो गरेको छ । उक्त कार्यक्रम हरेक मङ्गलबार दिउँसो ४ बजे शब्दयात्रा प्रकाशनको सभाकक्षमा गरिने पनि तय गरिएको छ । आवश्यकताअनुसार अन्य दिनहरूमा पनि कार्यक्रम सञ्चालन गर्न सकिनेछ । ‘शब्दसंवाद’ कार्यक्रमका लागि पदमनाथ ढुङ्गानालाई संयोजक तोकिएको छ ।
‘शब्दसंवाद’ कार्यक्रममा हरेक साता फरक–फरक व्यक्तिले सम्बन्धित विधामा आफ्ना विचार, चिन्तन र आत्मकथ्य प्रस्तुत गर्नेछन् । त्यसलाई संयोजकबाट लिपिबद्ध गरिनेछ र त्यसलाई त्यस हप्तापछि प्रकाशित हुने ‘नेपालभूमि साप्ताहिक’ मा प्रकाशित गरिनेछ । एक वर्ष पुगेपछि ती सबै सामग्रीहरू तस्बिरसहित शब्दयात्रा प्रकाशनले पुस्तकका रूपमा प्रकाशित गर्नेछ ।
‘शब्दसंवाद’ कार्यक्रममा जुनसुकै व्यक्तिले पनि आफूले जानकारी राखेको विधा र विषयमा आफ्ना विचार र चिन्तनका साथै आत्मकथ्यसमेत प्रस्तुत गर्न पाउनेछन् । यस कार्यक्रमलाई ‘कर्मयोद्धासँग शब्दसंवाद’ नाउँ दिइएको छ ।
‘शब्दसंवाद’ कार्यक्रमको संयोजक बन्नुभएकोमा पदमनाथ ढुङ्गानालाई हार्दिक बधाई !

यस संस्थाका हितैषी अग्रज रङ्गकर्मी हरिबहादुर थापा अन्तर्राष्ट्रिय नेपाली साहित्य समाजद्वारा सम्मानित हुनुभएकोमा हार्दिक बधाई अर्पण गर्दछौं ।

शब्दयात्रा प्रकाशन परिवार
अक्षरधाम, बनेपा — १०, काभ्रे