शब्दयात्रा प्रकाशनको नवीनतम कार्यक्रम ‘कर्मयोद्धासँग शब्दसंवाद’ को पहिलो शृङ्खला शब्दयात्रा प्रकाशनको सभाकक्षमा सम्पन्न भयो । त्यस कार्यक्रममा आध्यात्मिक लेखक तुतुकाजी प्रणामी श्रेष्ठको प्रस्तुति रहेको थियो । कार्यक्रम शब्दयात्रा प्रकाशन संरक्षण समितिका सदस्य सकुल थापाको सभापतित्वमा भएको थियो भने कार्यक्रमको संयोजन पदमनाथ ढुङ्गानाले र सञ्चालन शारदाप्रसाद शर्माले गर्नुभएको थियो ।
कार्यक्रममा शब्दयात्रा प्रकाशनका अध्यक्ष हरि मञ्जुश्री, नेपालभूमि साप्ताहिकका सम्पादक सुमन खड्का, शब्दयात्रा नारी स्रष्टा समाजका सदस्य भवानी पाण्डे, शब्दयात्रा कलाकार समाजका सल्लाहकार मच्छेश्वर सापकोटा, ‘नेपालभूमि’ का स्तम्भकार जगन्नाथ गिरी, लेखापरीक्षक दण्डपाणि अधिकारी, अन्वेषक पुष्प सौगात, शब्दयात्रा पाठक समाजका संयोजक दामोदर घिमिरे, कवि सोमकाजी शाक्य, कवि सिद्धिबहादुर कर्माचार्य आदिको सहभागिता रहेको थियो । कार्यक्रमको अन्त्यमा शब्दयात्रा प्रकाशनका अध्यक्ष हरि मञ्जुश्रीले तुतुकाजी प्रणामी श्रेष्ठलाई रुद्राक्षको माला लगाइदिएर आभार व्यक्त गर्नुभएको थियो ।
त्यस बखत आगामी मङ्गलबारको कार्यक्रममा जगन्नाथ गिरीको प्रस्तुति रहने जानकारी गराइएको थियो ।