शब्दयात्रा प्रकाशनको नियमित साप्ताहिक प्रवचन कार्यक्रम ‘कर्मयोद्धासँग शब्दसंवाद’ को उनन्चासौँ शृङ्खलाको प्रमुख वक्ताका रूपमा शिक्षासेवी डा. अम्बुभवानी कार्की र पचासौँ शृङ्खलाको प्रमुख वक्ताका रूपमा धुलिखेल नगरपालिकाका उपमेयर विमला शर्मा प्रस्तुत हुनुभयो ।
दुवै कार्यक्रममा शब्दयात्रा लेखक समाजका संयोजक ओतबहादुर खड्का सभापति हुनुहुन्थ्यो भने दुवै शृङ्खलाको सञ्चालन पदमनाथ ढुङ्गानाले गर्नुभएको थियो । एकै दिन दुईवटा शृङ्खलामा कार्यक्रम गरिएको यो पहिलोपटक हो ।
कार्यक्रममा पुण्यवती घले, दामोदर घिमिरे, छविलाल कुइँकेल, खाइबा लामा, नानुदेवी कुइँकेल, दण्डपाणि अधिकारी, शारदाप्रसाद शर्मा, श्री शर्मा मूर्ख, दीपक तिमल्सिना, अनु थापा आदिको समुपस्थिति रहेको थियो ।
‘शब्दसंवाद’ मा डा. अम्बुभवानी कार्की र विमला शर्मा
हरि मञ्जुश्रीलाई सिम्पल सम्मान
शब्दयात्रा प्रकाशनका अध्यक्ष साहित्यकार तथा ग्रन्थसम्पादक हरि मञ्जुश्रीलाई २०७४ सालका लागि साहित्यतर्फको सिम्पल सम्मानबाट सम्मानित गरिएको छ । सिम्पल आर्टस नामक संस्थाको बीसौँ वार्षिकोत्सवका अवसरमा गत २०७४ फागुन ५ गते शनिबार काठमाडौँको बानेश्वरमा विशेष कार्यक्रमको आयोजना गरी उहाँलाई सम्मान गरिएको हो । उहाँका साथमा साहित्यिक पत्रकार चेतनाथ धमला, गायक अमर तन्डुकार, चलचित्र निर्देशक जनकदीप पराजुली र चलचित्र नायिका रविना थापालाई पनि सम्मान गरिएको थियो ।
उपन्यासकार शङ्कर भारतीको सभापतित्वमा आयोजित सम्मान कार्यक्रममा अग्रज चलचित्र निर्देशक लक्ष्मीनाथ शर्मा प्रमुख अतिथि र डा. पीताम्बर शर्मा अतिथि हुनुहुन्थ्यो ।
गायक पुष्कर जङ्गमले स्वागत मन्तव्य र गायक सीताराम पोखरेलले धन्यवाद ज्ञापन गर्नुभएको उक्त कार्यक्रममा साहित्यकार केशव सान्दाइले सम्मानित व्यक्तित्वहरूको परिचयात्मक विवरण प्रस्तुत गर्नुभएको थियो भने ‘कपन बानेश्वर’ साप्ताहिक पत्रिकाका सम्पादक निबन्ध आचार्यले कार्यक्रम सञ्चालन गर्नुभएको थियो ।
हार्दिक बधाई
शब्दयात्रा प्रकाशनद्वारा सम्मानित समाजसेवी बेलप्रसाद श्रेष्ठ ‘धुलिखेल रत्न’ बाट र शब्दयात्रा सहयोगी समाजका सदस्य पूर्णबहादुर कर्माचार्य ‘धुलिखेल नक्षत्र ख’ बाट धुलिखेल नगरपालिकाद्वारा सम्मानित हुनुभएकोमा हार्दिक बधाई ज्ञापन गर्दछौं ।
शब्दयात्रा प्रकाशन परिवार
हार्दिक आमन्त्रण
आगामी फागुन १५ गते मङ्गलबार दिउँसो १ बजे शब्दयात्रा प्रकाशनको परिसर बनेपा नीलकण्ठेश्वरधाममा उपस्थित भइदिन सबैमा अनुरोध छ । त्यस दिन आमसञ्चार सम्मानबाट अग्रज पत्रकार होमनाथ दाहाललाई, सामाजिक जागरण सम्मानबाट काभ्रेमा सक्रिय संस्था लभग्रीन नेपाललाई, शिक्षा सम्मानबाट नेपालको पहिलो विद्यालय षडानन्द माध्यमिक विद्यालयलाई र विज्ञान–प्रविधि सम्मानबाट नेपालका कम्प्युटर वैज्ञानिक मुनिबहादुर शाक्यलाई सम्मान गरिँदैछ । त्यसै समारोहमा श्रीधर प्याकु¥यालको ‘भर्तृहरि शतक’, बेलप्रसाद श्रेष्ठको ‘मी एन्ड माई धुलिखेल’, विष्णुहरि तिमल्सिनाको ‘शाहवंशका चर्तिकला’ र पूरा श्रेष्ठको ‘पुनर्जन्म’ पुस्तकलाई सार्वजनिक गरिनुका साथै केही लेखकहरूलाई स्मृतिचिह्न प्रदान गरिनेछ ।
शब्दयात्रा प्रकाशन
सम्मान समारोह फागुन १५ गते
शब्दयात्रा प्रकाशनले हरेक वर्षको फागुन महिनामा आयोजना गर्ने सम्मान समर्पण तथा पुस्तक सार्वजनिकीकरण समारोह यस वर्षका लागि फागुन १५ गते मङ्गलबार गर्ने भएको छ । समारोह शब्दयात्रा प्रकाशनको परिसर काभ्रे बनेपाको नीलकण्ठेश्वर क्षेत्रमा गरिने भएको छ ।
उक्त समारोहमा चारवटा सम्मान समर्पण गरी श्रीधर प्याकु¥यालको ‘भर्तृहरि शतक’ (कवितात्मक भावानुवाद), बेलप्रसाद श्रेष्ठको ‘मी एन्ड माई धुलिखेल’ (अङ्ग्रेजी भाषामा आत्मकथा), विष्णुहरि तिमल्सिनाको ‘शाहवंशका चर्तिकला’ र पूरा श्रेष्ठको ‘पुनर्जन्म’ (कवितासङ्ग्रह) गरी चारवटा पुस्तकलाई सार्वजनिक गरिनेछ ।
शब्दयात्राबाट चारजना सम्मानित हुने
शब्दयात्रा प्रकाशनले आमसञ्चार सम्मानबाट अग्रज पत्रकार होमनाथ दाहाललाई, शिक्षा सम्मानबाट भोजपुर दिङ्लाको षडानन्द माध्यमिक विद्यालयलाई, सामाजिक जागरण सम्मानबाट काभ्रे जिल्लामा सक्रिय लभग्रीन नेपाल नामक संस्थालाई र विज्ञान–प्रविधि सम्मानबाट मुनिबहादुर शाक्यलाई सम्मानित गर्ने भएको छ ।
मुकुन्दप्रसाद दाहालको संयोजकत्वमा रघुनाथ घिमिरे, श्यामकृष्ण त्रिपाठी र पम्फा थपलिया सत्याल सदस्य रहेको सम्मानित व्यक्तित्व चयन समितिले गरेको सिफारिसअनुसार शब्दयात्रा प्रकाशनले उहाँहरूलाई सम्मान गर्ने भएको हो ।
हार्दिक समवेदना
हाम्रा सहकर्मी तथा सहयोगी तपोधन उपाध्याय कुइँकेलका पिता गोवद्र्धन उपाध्याय कुइँकेल (जन्म ः १९९१ वैशाख १० गते आइतबार र देहावसान ः २०७४ माघ २४ गते बुधबार) को देहावसान भएकाले शोकसन्तप्त परिवारजनप्रति हार्दिक समवेदना गर्दछौं एवं गतात्माको मोक्षप्राप्तिका लागि भगवान्सँग प्रार्थना गर्दछौं ।
शब्दयात्रा प्रकाशन
हार्दिक बधाई
शब्दयात्रा प्रकाशनका सहयोगी तथा शुभचिन्तक लक्ष्मीदेवी हुमागाई ‘हुमागाई समाज नेपाल’ बाट सम्मानित हुनुभएकोमा हार्दिक बधाई ज्ञापन गर्दछौँ ।
शब्दयात्रा प्रकाशन परिवार
हार्दिक बधाई
शब्दयात्रा नारी स्रष्टा समाजका संयोजक पुण्यवती घले रक्तदाता सम्मान समितिबाट सम्मानित हुनुभएकोमा हार्दिक बधाई ज्ञापन गर्दछौँ ।
शब्दयात्रा प्रकाशन परिवार
शब्दयात्रामा ‘सङ्गम’ सार्वजनिक
शब्दयात्रा प्रकाशनको ९६ औँ प्रकाशनपुष्पका रूपमा प्रकाशित कृति ‘सङ्गम’ लाई अग्रज कवि तथा संस्कृतिविद् प्रा. तुलसी दिवस तथा साहित्यकार डा. जङ्गब चौहानले संयुक्त रूपमा सार्वजनिक गर्नुभयो । गत २०७४ साल माघ २७ गते शब्दयात्रा प्रकाशनको सभाकक्षमा आयोजित पुस्तक सार्वजनिकीकरण समारोहमा उक्त कृतिलाई सार्वजनिक गरिएको थियो । नेपाली साहित्यका ६४ जना कविका कविताहरूलाई कवि तथा अनुवादक हरीश अधिकारीले अङ्ग्रेजी भाषामा अनुवाद गर्नुभएको उक्त कृति हालको तीन पुस्ता सम्मिलित नेपाली कविका शक्तिशाली कविताहरूको अनुवादसहित विशेष पठनीय अनुवादकीय मन्तव्य भएकाले अत्यन्त महàवपूर्ण रहेको धारणा कार्यक्रमका सभापति प्रा. तुलसी दिवसले व्यक्त गर्नुभएको थियो ।
पुस्तकमाथि डा. जङ्गब चौहान र डा. हेमराज काफ्लेले टिप्पणी गर्नुभएको उक्त कार्यक्रममा अनुवादक हरीश अधिकारीले अनुवादकर्म र प्रकाशनका लागि भएका प्रयासहरूका बारेमा जानकारी गराउनुभएको थियो । शब्दयात्रा प्रकाशनका अध्यक्ष हरि मञ्जुश्रीले शब्दयात्रा प्रकाशनको अभियानका विषयमा जानकारी गराउँदै स्वागत भाषण गर्नुभएको र महाप्रबन्धक शारदाप्रसाद शर्माले सञ्चालन गर्नुभएको उक्त कार्यक्रममा गीता त्रिपाठी, छविरमण सिलवाल, अभय श्रेष्ठ, प्रोल्लास सिन्धुलीय, प्रगति राई, सन्ध्या जोशी आदि कवि–कवयित्रीहरूलगायत विष्णुहरि तिमल्सिना, छविलाल कुइँकेल, अनु थापा आदिको समुपस्थिति रहेको थियो ।
उक्त कार्यक्रममा काठमाडौँ विश्वविद्यालयका विद्यार्थीहरू र कोरियाली कवि ‘आकाश’ ले विभिन्न कविका कविताहरू वाचन गर्नुभएको थियो भने उपस्थित सम्पूर्ण कवि–कवयित्रीहरूलाई ‘शब्दयात्रा प्रकाशनको छ वर्ष’ पुस्तक प्रदान गरिएको थियो ।
काठमाडौँबाट आउनुभएका कवि–कवयित्रीहरूले शब्दयात्रा प्रकाशनले निर्माण गराएका सालिकहरू र सालिक स्थापनाका लागि भइरहेका कार्यहरूको अवलोकन गर्नुभएको थियो ।