शब्दयात्रा प्रकाशनको नियमित साप्ताहिक प्रवचन कार्यक्रम ‘कर्मयोद्धासँग शब्दसंवाद’ को उनन्चासौँ शृङ्खलाको प्रमुख वक्ताका रूपमा शिक्षासेवी डा. अम्बुभवानी कार्की र पचासौँ शृङ्खलाको प्रमुख वक्ताका रूपमा धुलिखेल नगरपालिकाका उपमेयर विमला शर्मा प्रस्तुत हुनुभयो ।
दुवै कार्यक्रममा शब्दयात्रा लेखक समाजका संयोजक ओतबहादुर खड्का सभापति हुनुहुन्थ्यो भने दुवै शृङ्खलाको सञ्चालन पदमनाथ ढुङ्गानाले गर्नुभएको थियो । एकै दिन दुईवटा शृङ्खलामा कार्यक्रम गरिएको यो पहिलोपटक हो ।
कार्यक्रममा पुण्यवती घले, दामोदर घिमिरे, छविलाल कुइँकेल, खाइबा लामा, नानुदेवी कुइँकेल, दण्डपाणि अधिकारी, शारदाप्रसाद शर्मा, श्री शर्मा मूर्ख, दीपक तिमल्सिना, अनु थापा आदिको समुपस्थिति रहेको थियो ।
