शब्दयात्रा प्रकाशनबाट हरेक वर्ष प्रदान गर्न लागिएको ‘शब्दयात्रा जीवनचन्द्र कोइराला सिन्धुली प्रतिभा पुरस्कार’ को अक्षयकोषका लागि लघुवित्तविज्ञ श्री जलनकुमार शर्माले १५ हजार रुपियाँ पठाउनुभएको छ । शब्दयात्रा प्रकाशन परिवार उहाँप्रति हार्दिक आभार व्यक्त गर्दछ ।

‘शब्दयात्रा जीवनचन्द्र कोइराला सिन्धुली प्रतिभा पुरस्कार’ को अक्षयकोषका लागि इन्जिनियर नीतेश कोइरालाले पाँच हजार रुपियाँ पठाउनुभएको छ । उहाँको यस सहयोगका लागि शब्दयात्रा प्रकाशन परिवारका तर्फबाट म उहाँप्रति हार्दिक आभार व्यक्त गर्दछु ।

व्यवस्थापनविद् प्रा. सुवास केसीले अङ्ग्रेजी भाषामा लेख्नुभएको पुस्तक Impressions and Expressions शब्दयात्रा प्रकाशनबाट प्रकाशन हुन लागेको छ । योसमेत शब्दयात्रा प्रकाशनको प्रकाशकत्व रहेका पुस्तकको सङ्ख्या १ सय ८४ पुगेको छ ।

‘शब्दयात्रा जीवनचन्द्र कोइराला सिन्धुली प्रतिभा पुरस्कार’ को अक्षयकोषका लागि समालोचक प्रा. डा. कुलप्रसाद कोइरालाले १० हजार रुपियाँ पठाउनुभएको छ । शब्दयात्रा प्रकाशन उहाँप्रति हार्दिक आभार व्यक्त गर्दछ ।

शब्दयात्रा प्रकाशनका आजीवन सदस्य प्रदीप केसीले उहाँको सम्पादन–प्रकाशनमा प्रकाशित ‘मध्यदीप मासिक’ लाई ‘हरि मञ्जुश्री तथा शब्दयात्रा प्रकाशन विशेषाङ्क’ का रूपमा प्रकाशित गर्नुभएको छ । यस सौजन्यका लागि आजीवन सदस्य प्रदीप केसीप्रति शब्दयात्रा प्रकाशन हार्दिक आभार व्यक्त गर्दछ ।

शब्दयात्रा प्रकाशनका आजीवन सदस्य श्री भरत जङ्गमले नेपाली भाषामा लेख्नुभएको ‘भ्रष्टताविरोधी विज्ञान’ अङ्ग्रेजी भाषामा अनूदित भई ‘एन्टिकरप्टोलोजी’ नाममा प्रकाशित भएपछि कन्नड भाषामा पनि अनूदित भई प्रकाशित भएको छ । त्यस पुस्तकलाई भारतको बेङलोरमा आयोजित कार्यक्रममा सार्वजनिक गरिएको छ । उहाँलाई हार्दिक बधाई छ ।

महाकाव्यकार यज्ञप्रसाद त्रिपाठीद्वारा लिखित ‘कन्याकुमारी’ नामक महाकाव्य शब्दयात्रा प्रकाशनको प्रकाशकत्वमा प्रकाशित हुन लागेको छ । आउँदो साउन महिनाभित्र प्रकाशित भइसक्ने यो महाकाव्य चार सयभन्दा बढी पृष्ठको हुनेछ । उहाँको ‘राधाचरणामृत’ नामक महाकाव्यको मुद्रणकार्य सकिएको हुनाले उहाँकै अर्को महाकाव्य ‘कन्याकुमारी’ प्रकाशन गर्ने तयारी भइरहेको हो ।…