Shabdayatra Prakashan | Banepa – Akshyardham

हार्दिक बधाई

Activities

admin

-

May 13, 2022

शब्दयात्रा प्रकाशनका उत्प्रेरक डा. सुरेशराज शर्माले नेपालमा स्तरीय शिक्षाप्रणालीका लागि गुरुत्तर भूमिका निर्वाह गरी अहोरात्र शिक्षासेवामा समर्पित रहेबापत, शब्दयात्रा कविता–काव्य सम्मानद्वारा सम्मानित डा. माधव भट्टराईले सनातन हिन्दू धर्म–संस्कृतिको सम्वर्धन, संरक्षण तथा जागरणका लागि मन, वचन र कर्मबाट क्रियाशील रहेबापत, शब्दयात्रा आमसञ्चार सम्मानद्वारा सम्मानित श्री भैरव रिसालले नेपालको स्वाभिमान, राष्ट्रिय अखण्डता र स्वतन्त्रता विषयक चिन्तन र प्रचारमा समर्पित भई मातृभूमिप्रति विशिष्ट योगदान गरेबापत तथा शब्दयात्रा समालोचना सम्मानद्वारा सम्मानित डा. दयाराम श्रेष्ठ ‘सम्भव’ ले नेपाली समालोचनाको परम्परालाई गतिशील, समृद्ध र उन्नत तुल्याउन ऐतिहासिक योगदान गरेबापत एक–एक लाख रुपियाँ राशिका नइ पुरस्कार प्राप्त गर्नुभएकोमा हार्दिक बधाई ज्ञापन गर्दछौँ ।

शब्दयात्रा प्रकाशन परिवार

गीता केशरीमा सम्मान समर्पण

admin

-

May 12, 2022

0

प्रसिद्ध आख्यानकार तथा पूर्वप्रशासक गीता केशरीलाई ‘शब्दयात्रा प्रशासनिक महिला प्रतिभा सम्मान, २०७८’ समर्पण गरिएको छ । शब्दयात्रा प्रकाशनका संस्थापक अध्यक्ष हरि मञ्जुश्री, यसअघि ‘शब्दयात्रा प्रशासनिक महिला प्रतिभा सम्मान’ प्राप्त गर्नुहुने लेखिका तथा पूर्वप्रशासक सावित्री थापा तथा ‘शब्दयात्रा सिर्जना सम्मान’ प्राप्त गर्नुहुने लेखक भरत जङ्गमले गीता केशरीको निवास काठमाडौँ विशालनगरमा नै गई उहाँलाई संयुक्त रूपमा सम्मान गर्नुभएको हो । उहाँलाई समेत सम्मान समर्पण गर्ने कार्यक्रम गत २०७८ साल चैत १२ गते आयोजना गरिएकोमा त्यस बखत उहाँ शारीरिक अस्वस्थताका कारण समारोहमा उपस्थित हुन सक्नुभएको थिएन । त्यसैले २०७९ साल वैशाख २८ गते उहाँको निवासमै गई रुद्राक्षमाला, उपहार, किरीट, रकम र अभिवन्दनापत्र समर्पण गरिएको हो । त्यस बखत लेखिका तथा चित्रकार इन्दु पन्त पनि उपस्थित हुनुहुन्थ्यो ।

स्टुडियो निर्माण सम्बन्धी वार्तालाप सम्पन्न

admin

-

May 11, 2022

0

शब्दयात्रा प्रकाशनमा रेकर्डिङ स्टुडियो पनि भए हुन्थ्यो भनेर सञ्चारकर्मी मित्र शिव बन्जाराले भन्नुभएको थियो । मलाई त्यस विषयमा अलिकति पनि जानकारी थिएन । त्यसैले कस्तो स्टुडियो कति खर्चमा कसरी बनाउन सकिन्छ भन्ने कुराको प्रारम्भिक जानकारी लिनुपर्ने स्थिति आयो । अभिलेखालय पनि बनाउनै थियो । यस विषयमा मैले काभ्रेपलान्चोक जिल्लाको तिमालमा घर भई अचेल काठमाडौँमा बस्ने प्रिय भाइ सीताराम बडालसँग कुरा चलाएँ । उहाँले मलाई त्यस कार्यमा सहयोग गर्ने वचन दिनुभयो र विद्युतीय माध्यममा अभिलेखलाई सुरक्षित राख्ने तरिका पनि सिकाउनुभयो । त्यसपछि साउन्ड इन्जिनियरिङ विषय अध्ययन गरी साउन्ड डिजाइनरका रूपमा राष्ट्रिय ख्याति आर्जन गर्नुभएका चलचित्रकर्मी प्रदीप उपाध्यायसँग भेट गराउन उहाँले मलाई काठमाडौँको नक्सालमा लैजानुभयो । त्यहाँ प्रदीप उपाध्यायसँग हाम्रो भेटघाट भयो । उहाँले आफ्नै घरको रेकर्डिङ स्टुडियोमा हामीलाई राख्नुभयो । उहाँसँग सौहार्द्रपूर्ण वातावरणमा वार्तालाप भयो । उहाँले करिब एक घन्टासम्म साउन्ड, इफेक्ट, रेकर्डिङ, इडिटिङ, स्टुडियोको बनावट, सामग्री, आर्थिक लगानी आदिका विषयमा मलाई सविस्तार जानकारी दिनुभयो र स्टुडियो देखाएर सञ्चालन गर्नका लागि आवश्यक दक्ष जनशक्तिका विषयमा पनि बताउनुभयो । उहाँका सबै कुरा सुनेपछि शब्दयात्रा प्रकाशनले रेकर्डिङ स्टुडियो बनाउन सकेछ भने अब संस्था ठगिँदैन भन्ने मलाई लाग्यो । यसका लागि प्रदीप उपाध्याय र सीताराम बडालप्रति म हार्दिक कृतज्ञता व्यक्त गर्दछु ।

— हरि मञ्जुश्री

छान्ने जिम्मा तीनजनालाई

Activities

admin

-

May 11, 2022

0

शब्दयात्रा प्रकाशनले २०७९ सालको पहिलो चरणमा समर्पण गर्नुपर्ने सम्मानका लागि उपयुक्त व्यक्ति अथवा संस्थाको नाउँ चयन गर्न तीनजनालाई जिम्मा दिई सम्मान्य व्यक्तित्व चयन समिति बनाएको छ । प्रजापति तिमिल्सिनाको संयोजकत्वमा गठित उक्त समितिमा सहदीप पलान्चोके र वेदप्रसाद गौतम सदस्य रहनुभएको छ । नाउँ प्राप्त भएका व्यक्ति वा संस्थाहरूमध्येबाट उहाँहरूले छानेका व्यक्ति वा संस्थालाई नै शब्दयात्रा प्रकाशनले सम्मान समर्पण गर्नेछ ।

शब्दयात्रा प्रकाशनको ‘केशरमहल’

admin

-

May 11, 2022

0

साधारण व्यक्तिले दुःख गरेर कमाएको, छोराछोरीलाई हुर्काउन र पढाउन जोगाएको, बुढ्यौलीका लागि काम लाग्छ भनेर छुट्याएको पैसा संस्थामा आयो भने संस्थाले त्यस्ता व्यक्तिको अपनत्व पाउँछ, संस्था दिगो हुन्छ, कसैले संस्थालाई बिगार्न खोज्यो अथवा संस्थाको सम्पत्ति हिनामिना गर्न खोज्यो भने जनस्तरबाटै त्यसको प्रतिकार हुन्छ, समुदायले आफ्नो सम्झिएको संस्था टिकाउ हुन्छ भन्ने सोच बनाइयो । यस्तो सोच राखेर संस्थागत काम गर्दा संस्था सञ्चालन गर्न ज्यादै कठिन हुँदो रहेछ । अहिलेसम्म शब्दयात्रा प्रकाशन त्यही कठिन बाटोमा हिँडिरहेको छ । अनेकौँ कठिनाइहरू बेहोर्नुपरे पनि आफ्नो उद्देश्य र धारणाबाट विचलित नभई एकनिष्ठ बनेर काम गर्दै गइयो । बनेपामा उच्चस्तरको सार्वजनिक पुस्तकालय बनाउने सोचअनुरूप काम गर्दै जाँदा पुस्तकालयका लागि छुट्टै भवन बनाउनु आवश्यक देखियो । पुस्तकालय भवन तयार हुँदैछ। शब्दयात्रा प्रकाशनका सदस्यहरूका लागि पुस्तकालयको सानो संरचना पनि ‘केशरमहल’ बराबर नै हो ।

कथा र कविताको सङ्ग्रह छापिँदै

Activities

admin

-

May 11, 2022

0

भोजपुरे साहित्यकार माधवप्रसाद चापागाईंले लेख्नुभएको तेस्रो किताबका रूपमा कथा र कविताको सङ्ग्रह शब्दयात्रा प्रकाशनबाट छाप्न थालिएको छ । द्रोणप्रसाद श्रेष्ठ ‘मुन्डाघरे’ को मन्तव्य रहेको यस किताबमा ३ कथा र २७ कविता छन् । किताब १ सय १२ पृष्ठको छ ।

सम्मानका लागि नाउँ पठाइदिन अनुरोध

Activities

admin

-

May 11, 2022

0

शब्दयात्रा प्रकाशनबाट २०७९ सालको पहिलो चरणमा समर्पण गरिने निम्नलिखित सम्मानका लागि उपयुक्त व्यक्ति वा संस्थाको नाउँ र योगदानको विवरण यही जेठ १० गतेभित्र [email protected] मा उपलब्ध गराइदिन अनुरोध छ — १. दानशीलता सम्मान, २. प्रशासनिक महिला प्रतिभा सम्मान, ३. सामाजिक जागरण सम्मान, ४. शिक्षा सम्मान, ५. विज्ञान–प्रविधि सम्मान, ६. स्तम्भकार सम्मान, ७. राष्ट्रझङ्कार सम्मान, ८. शिक्षक सम्मान, ९. नन्दिकेश्वर अधिकारी शोध सम्मान, १०. आयुर्वेद सम्मान ।

कृतज्ञता कुभिन्डेलीप्रति

Activities

admin

-

May 11, 2022

0

साहित्यकार भानुभक्त कुभिन्डेलीसँग भोजपुरको दाँवामा हाम्रो भेट भो । उहाँको स्वागत–सत्कार र स्नेहले हामीलाई भिजायो । उहाँले आदरपूर्वक आफ्ना पुस्तकहरू उपहारस्वरूप दिनुभो — इन्द्रेनीका रङ्गहरू (निबन्धसङ्ग्रह र अरू), भूतको राज्य (कथासङ्ग्रह), नेता प्राकाम्य ((छन्दोबद्ध कवितासङ्ग्रह), काँडाभित्रको यात्रा (उपन्यास), राधा समाधि (महाकाव्य), संस्मरणका क्षणहरू (संस्मरणसङ्ग्रह, भाग एक), महागुरु बलराम (काव्य) र Sighs of Separation (A Collection of Stories) । शब्दयात्रा प्रकाशनबाट वाङ्मयिक भ्रमणमा गएको टोली उहाँप्रति हार्दिक कृतज्ञता व्यक्त गर्दछ ।

शब्दयात्रा प्रकाशनको वाङ्मयिक भ्रमण सम्पन्न

admin

-

April 30, 2022

0

शब्दयात्रा प्रकाशनको भ्रमण टोली पूर्वी नेपालका विभिन्न जिल्लाहरूको वाङ्मयिक भ्रमण गरी काभ्रेपलान्चोकमा फर्केको छ । सिन्धुली, ओखलढुङ्गा, खोटाङ, भोजपुर, सङ्खुवासभा, तेह्रथुम, धनकुटा, सुनसरी र उदयपुर हुँदै वाङ्मयिक टोली फर्केको हो । टोलीमा संस्थापक अध्यक्ष शब्दसारथि हरि मञ्जुश्री, सदस्य कवि पदम दाहाल, सदस्य आख्यानकार प्रजापति तिमिल्सिना, सदस्य सञ्चारकर्मी शिव बन्जारा, सदस्य सफ्टवेयर इन्जिनियर रोशन अधिकारी, सदस्य मुद्रक अमृत अधिकारी, पुस्तक सज्जाकार गीता अधिकारी र शकुन्तला बन्जारा हुनुहुन्थ्यो । ओखलढुङ्गाको रुम्जाटार, खोटाङको दिक्तेल, भोजपुरको दावाँ र सङ्खुवासभाको खाँदबारीमा कार्यक्रमहरू गरिएका थिए । टोलीलाई इच्छाकुमारी गुरुङ, रामविक्रम थापा, भानुभक्त कुभिण्डेली, खेमबन्धु अधिकारी, डा. मातृका तिम्सिना, सुन्दरी घिमिरे खतिवडा, भोजराज रेग्मी मुखाले र केवल कार्कीले विशेष सहयोग गर्नुभएको थियो । टोलीका कार्यक्रमहरूमा साहित्यकारहरू श्रीराम गुरुङ, चित्रकुमार सुवेदी, गणेश श्रेष्ठ विप्लव, शरण खत्री मृदुल, अमृका ताम्राकार आदिको पनि सहभागिता रहेको थियो । वाङ्मयिक भ्रमण वैशाख ११ देखि १६ गतेसम्म भएको हो ।

स्वास्थ्य शिविरमा शब्दयात्रा प्रकाशन

admin

-

April 23, 2022

0

यही २०७८ साल वैशाख १० गते शनिबार शब्दयात्रा प्रकाशन र डा. शिशिर बन्जाराको संयुक्त आयोजनामा बनेपा नगरपालिका वडा नं. १ मा पर्ने टुकुचा नालामा निःशुल्क स्वास्थ्य शिविरको आयोजना गरियो । शिविरको उद्घाटन सम्बन्धित वडा अध्यक्ष पीताम्बर दुलालले गर्नुभएको थियो । शिविरमा डा. शिशिर बन्जारासमेत ४ जना स्वास्थ्यकर्मीको टोलीले दिनभरि नै निःशुल्क स्वास्थ्य जाँच गरेको थियो । स्वास्थ्य जाँच गराउनेहरू १ सय १० जना थिए । शिविरमा केही औषधिहरू निःशुल्क वितरण गरिएको थियो । शिविरको उद्घाटन कार्यक्रममा शब्दयात्रा प्रकाशनका तर्फबाट आजीवन सदस्यद्वय इ. रोशन मञ्जुश्री अधिकारी र प्रकृति प्याकुुरेल उपस्थित हुनुहुन्थ्यो । मन्तव्यका क्रममा अतिथि इ. रोशन मञ्जुश्री अधिकारीले यस्तो निःशुल्क स्वास्थ्य शिविरबाट लाभ उठाउन आग्रह गर्दै डा. शिशिर बन्जाराप्रति आभार प्रकट गर्नुभयो र यस्ता शिविरहरू शब्दयात्रा प्रकाशनबाट अन्यत्र पनि गरिने जानकारी गराउनुभएको थियो । शिविरको सम्पूर्ण व्यवस्थापन डा. शिशिर बन्जारा र सोनाली गौतमले गर्नुभएको थियो ।

Welcome to Liberty Case

Welcome to Liberty Case

हार्दिक बधाई

शब्दयात्रा प्रकाशन परिवार

गीता केशरीमा सम्मान समर्पण

स्टुडियो निर्माण सम्बन्धी वार्तालाप सम्पन्न

छान्ने जिम्मा तीनजनालाई

शब्दयात्रा प्रकाशनको ‘केशरमहल’

कथा र कविताको सङ्ग्रह छापिँदै

सम्मानका लागि नाउँ पठाइदिन अनुरोध

कृतज्ञता कुभिन्डेलीप्रति

शब्दयात्रा प्रकाशनको वाङ्मयिक भ्रमण सम्पन्न

स्वास्थ्य शिविरमा शब्दयात्रा प्रकाशन