भरत जङ्गमका विषयमा कविप्रसाद प्याकुरेलको ‘भरतेन्दु’, नीलकण्ठ भट्टराईको ‘भरतांशु’ र मनिराज जोशीको ‘भरत’ महाकाव्य प्रकाशित छन् । ‘युगपुरुष’ चौथो महाकाव्य बनेको छ । एक वर्षमा औसत १८ वटाभन्दा बढी पुस्तक प्रकाशन गर्ने गरेको शब्दयात्रा प्रकाशनले यसअघि १२ वटा महाकाव्य प्रकाशन गरिसकेको छ । ‘युगपुरुष’ १३ औँ महाकाव्यमा पर्छ । लोकसंस्कारमा १२ वर्षको समयावधिलाई युग भनिन्छ । पौराणिक कालविभाजनमा सत्य, त्रेता, द्वापर र कलि युगको अवधि फरक–फरक हुन्छ । नेपाली बृहत् शब्दकोशले कुनै महत्त्वपूर्ण घटना, व्यक्ति, कार्य आदिद्वारा प्रभावित कालावधिलाई युग भनेको छ । युगलाई उचित मार्गमा हाँक्ने प्रतिभा, निश्चित समयका लागि प्रमुख मानिने व्यक्तित्व या निश्चित समयको सीमाभित्र महान् व्यक्तित्व स्थापित गर्न सफल भएको व्यक्तिलाई युगपुरुष र युगनायक मानेको छ । यस महाकाव्यका नायक भरत जङ्गमले साहित्यिक क्षेत्रमा निश्चित समयावधिभन्दा बढी अवधिको प्रतिनिधित्व गर्नुभएको कुरा उहाँको कालजयी उपन्यास ‘कालो सूर्य’ ले प्रमाणित गरेको छ । उहाँले प्रतिनिधित्व गर्नुभएको नेपाली युग उहाँको कार्यद्वारा प्रभावित बनेको कुरा नीतिगत भ्रष्टाचारका विरुद्ध उहाँले गर्नुभएको कानुनी लडाइँमा उहाँको विजय भएको कुराले प्रस्ट पार्दछ । उहाँ यस युगलाई उचित मार्गमा हाँक्ने प्रमुख व्यक्तित्व हुनुभएको कुरा ‘भ्रष्टविरोधी शास्त्र’ को प्रतिपादन र त्यसले पाएको अन्तर्राष्ट्रिय मान्यताले पुष्टि गरेको छ । यसबाट भरत जङ्गमको चरित्रलाई ‘कालो सूर्य’ ले राष्ट्रिय स्तरको र योगदानलाई ‘भ्रष्टविरोधी शास्त्र’ ले अन्तर्राष्ट्रिय स्तरको बनाइदिएको देखिन्छ । तसर्थ भरत जङ्गमलाई महाकाव्यको नायक बनाउनु र महाकाव्यको नाउँ ‘युगपुरुष’ राख्नु स्वाभाविकै लाग्छ । सिर्जना खनालले प्राच्य सिद्धान्तबाट निर्धारित लक्षणहरू समावेश गराएर महाकाव्यलाई सकेसम्म पूर्ण पार्ने प्रयास गर्नुभएको छ । भरत जङ्गमको जीवनयात्रा, राष्ट्रिय चरित्र र अन्तर्राष्ट्रिय योगदानलाई जीवन्त स्वरूपमा उतार्न यो महाकाव्य सफल भएको छ । यसका लागि महाकाव्यकार सिर्जना खनाललाई हार्दिक बधाई छ ।

Shabdayatra Prakashan is grateful to the novelist Bharat Jangam for getting the responsibility to publish the english translated version of the novel ‘Kalo Surya’. It is also a matter of pride for the organization to be the publisher of a book that has gained international fame written by its own advisor and lifelong member. After the former Prime Minister and writer BP Koirala portrayed it as a living record of the then society, the discussion of Bharat Jangam’s ‘Kalo Surya’ novel suddenly started. Since its publication in 2036 from Banaras by Indu Prakashan, India, this novel has reached the hands of millions of readers by the fourth edition of the Nepali language. The first edition that was translated by Saroj Kumar Shakya, is not available in the market. Therefore, this novel is about to be published by Shabdayatra Prakashan as the second edition according to the wish of the novelist Bharat Jangam. We feel that this has increased the pride and dignity of this institution.

‘कालो सूर्य’ उपन्यासको प्रकाशन गर्ने अभिभारा प्राप्त गरेकोमा उपन्यासकार भरत जङ्गमप्रति शब्दयात्रा प्रकाशन आभारी छ । आफ्नै सल्लाहकार तथा आजीवन सदस्यले लेखेर अन्तर्राष्ट्रिय ख्याति आर्जन गरिसकेको पुस्तकको प्रकाशक हुन पाउनु संस्थाका लागि त्यसै पनि गौरवको विषय हो । पूर्वप्रधानमन्त्री तथा साहित्यकार बीपी कोइरालाले तत्कालीन समाजको जीवन्त अभिलेखका रूपमा चित्रण गरेपछि भरत जङ्गमको ‘कालो सूर्य’ उपन्यासको चर्चा एकाएक चुलिएको थियो । २०३६ सालमा इन्दु प्रकाशन प्रकाशक बनी इन्डियाको बनारसबाट प्रकाशन भएयता यो उपन्यास नेपाली भाषाको चौथो संस्करणसम्ममा लाखौँ पाठकको हातमा परिसकेको छ । त्यो संस्करण पनि बजारमा पाइन छाडेपछि उपन्यासकार भरत जङ्गमको सदिच्छाबमोजिम पाँचौँ संस्करणका रूपमा शब्दयात्रा प्रकाशनबाट यो उपन्यास प्रकाशन हुन लागेको हो । यसबाट यस संस्थाको गौरव र गरिमामा बृद्धि भएको हामीलाई लागेको छ ।

अग्रज समाजसेवी, महिला अधिकारकर्मी तथा लेखिका सावित्री जङ्गम थापाद्वारा सम्पादित ‘कर्मसाधक भोलामानसिंह थापा’ नामक स्मृतिग्रन्थ चार खण्डमा विभाजित छ । पहिलो खण्डमा भोलामानसिंह थापाका विषयमा ४५ जनाले लेखेका लेख–संस्मरण, दोस्रो खण्डमा भोलामानसिंह थापाले लेखेका ५७ वटा कविता र ६ वटा निबन्ध, तेस्रो खण्डमा भोलामानसिंह थापाको जीवनी र योगदानको विवरण तथा चौथो खण्डमा भोलामानसिंह थापाका हस्तलिपि, तस्बिर, चिठी र समवेदनापत्र राखिएका छन् । ओखलढुङ्गामा १९९६ साल चैत २९ गते जन्मेका समाजसेवी तथा पूर्व सहायक मन्त्री भोलामानसिंह थापाको निधन २०७९ साल असोज २० गते भएको थियो । उनको प्रथम वार्षिक पुण्यतिथिको अवसर पारी यस स्मृतिग्रन्थको प्रकाशन गरिएको हो । यस स्मृतिग्रन्थले भोलामानसिंह थापाको जीवनयात्रा र योगदानका विषयमा जानकारी दिनेछ । भोलामानसिंह थापाका विषयमा थप अध्ययन–अनुसन्धान गर्नका लागि आवश्यक पर्ने सामग्रीहरू शब्दयात्रा प्रकाशनको ‘सावित्री जङ्गम थापा अध्ययन–अनुसन्धान कक्ष’ मा राखिएका छन् ।