शब्दयात्रा प्रकाशनका आजीवन सदस्यत्रय सकुल थापा, प्रदीप केसी र अमृत अधिकारीले आगामी मङ्सिर महिनामा शब्दयात्रा प्रकाशनबाट समर्पण गर्नुपर्ने विद्वत्वृत्ति, छात्रवृत्ति र कदरपत्रका लागि उपयुुक्त पात्रको चयन गर्ने जिम्मा लिनुभएको छ । उहाँहरूले शब्दयात्रा प्रा. केदारनाथ–लीला श्रेष्ठ भोजपुर अनुसन्धान विद्वतवृत्ति, शब्दयात्रा राधा विष्ट प्रह्लाद केसी काभ्रेपलान्चोक अनुसन्धान विद्वतवृत्ति, शब्दयात्रा सावित्री जङ्गम थापा अनुसन्धान विद्वतवृत्ति र शब्दयात्रा सुभाष खड्का अनुसन्धान विद्वतवृत्ति समर्पण गरिने अनुसन्धाताहरू, द्रोणपुष्प पत्रकारिता छात्रवृत्ति र भूप–मुक्ति विकलाङ्ग छात्रवृत्ति समर्पण गरिने विद्यार्थीहरू तथा शब्दयात्रा हरिगोपाल प्रधान कदरपत्र समर्पण गर्न काभ्रेपलान्चोक जिल्लाका दुईजना पत्रकार र एकजना फोटोग्राफरको चयन गर्नुहुनेछ । उहाँहरूले चयन गर्नुभएका व्यक्तिलाई नै शब्दयात्रा प्रकाशनले विद्वत्वृत्ति, छात्रवृत्ति र कदरपत्र समर्पण गर्नेछ ।
