Shabdayatra Prakashan | Banepa – Akshyardham

दसजनालाई छात्रवृत्ति प्रदान

admin

-

October 7, 2023

शब्दयात्रा प्रकाशनले काभ्रेपलान्चोक जिल्लाका विभिन्न विद्यालयमा अध्ययन गर्ने गरिब तथा जेहेन्दार १० जना विद्यार्थीहरूलाई यही असोज १९ गते शुक्रबार ‘शब्दयात्रा दिव्यवती — कान्तुप्रसाद ढुङ्गाना छात्रवृत्ति’ प्रदान गरेको छ । काठमाडौँ महानगरपालिका वडा नं. ७ शान्तिगोरेटो चाबहिलनिवासी शेखरप्रसाद ढुङ्गानाले आफ्ना पितामाताको सम्मानमा २०८४ सालसम्मका लागि व्यवस्था गर्नुभएको उक्त छात्रवृत्ति पाउनेहरूमा छात्र २ जना र छात्रा ८ जना छन् । ती विद्यार्थीहरूमा कक्षा १ की सलिना नेपाली, कक्षा २ की करिस्मा ठाकुर र कक्षा ३ का समिन गोले श्रीखण्डपुर माध्यमिक विद्यालयमा, कक्षा ४ की ईशा तामाङ र कक्षा ५ की आशा गौतम धनेश्वर महादेव प्राथमिक विद्यालयमा, कक्षा ६ की सदीक्षा थापा र कक्षा ७ की पुष्पा जिम्बा भक्तेश्वर माध्यमिक विद्यालयमा, कक्षा ८ की प्रियङ्का महत र कक्षा ९ का राजन उपाध्याय सञ्जीवनी माध्यमिक विद्यालयमा तथा कक्षा १० की उमा भण्डारी लक्ष्मीनारायण माध्यमिक विद्यालयमा अध्ययनरत छन् । सम्बन्धित विद्यालयको सिफारिसका आधारमा विद्यार्थीहरूलाई छात्रवृत्ति प्रदान गरिएको हो । शब्दयात्रा प्रकाशनको सभाकक्षमा आयोजना गरिएको कार्यक्रममा सम्बन्धित विद्यालयका शिक्षक प्रतिनिधिको उपस्थितिमा दाता शेखरप्रसाद ढुङ्गानाले विद्यार्थीहरूलाई छात्रवृत्ति र प्रमाणपत्र प्रदान गर्नुभएको थियो । शब्दयात्रा प्रकाशनले हरेक वर्ष १३ जनालाई छात्रवृत्ति दिन थालेको छ । अपाङ्गता र पत्रकारिता छात्रवृत्तिचाहिँ पछि प्रदान गरिनेछ ।

अक्षयकोषका लागि सम्झौता

Activities

admin

-

October 7, 2023

0

शब्दयात्रा प्रकाशन र श्री विदुर विष्टका बीच अनुसन्धान विद्वतवृत्ति अक्षयकोषका लागि सम्झौता भएको छ । सम्झौतापत्रमा शब्दयात्रा प्रकाशनका तर्फबाट संस्थापक सदस्य श्री सकुल थापाले र अक्षयकोषदाता श्री विदुर विष्टले हस्ताक्षर गर्नुभएको छ ।

पूर्वीय संस्कृति र वर्तमान विकृति विषयमा विचारगोष्ठी

Activities

admin

-

October 6, 2023

0

शब्दयात्रा प्रकाशनको आयोजनामा आज असोज १९ गते शुक्रबार ‘पूर्वीय संस्कृति र वर्तमान विकृति’ विषयमा विचारगोष्ठी सम्पन्न भएको छ । नेपाल संस्कृत विश्वविद्यालयका पूर्वउपकुलपति प्रा. डा. कुलप्रसाद कोइरालाको प्रमुख आतिथ्य रहेको विचारगोष्ठीमा शब्दयात्रा प्रकाशनका संस्थापक अध्यक्ष हरि मञ्जुश्रीले सभापतिका रूपबाट विषयवस्तुका बारेमा जानकारी गराएपछि विभिन्न वक्ताहरूले यस विषयमा मन्तव्य राख्नुभएको थियो । शब्दयात्रा प्रकाशनको सभाकक्षमा आयोजना गरिएको विचारगोष्ठीमा स्वागत भाषण जग्गादाता कृष्णमणि कुइकेलले, समुद्घाटन आजीवन सदस्य हरिगोपाल प्रधानले, समापन गीतिभास्कर मच्छेश्वर सापकोटाले र उद्घोषण आध्यात्मिक लेखक उद्धवप्रसाद नेपालले गर्नुभएको थियो ।

डा. ठाकुरराज अधिकारीलाई आयुर्वेद सम्मान समर्पण गरिने

admin

-

October 5, 2023

0

शब्दयात्रा प्रकाशनले २०८० सालको ‘शब्दयात्रा कालु वैद्य आयुर्वेद सम्मान’ डा. ठाकुरराज अधिकारी (भोजपुर) लाई समर्पण गर्ने भएको छ । आयुर्वेद चिकित्सकका रूपमा करिब ३६ वर्ष सेवा गरी हाल निवृत्त हुनुभएका उहाँले पूर्वीय शास्त्रसम्मत उपचार पद्धतिलाई प्रोत्साहन दिई प्रयोग गर्ने–गराउने क्रममा आयुर्वेदिक उपचार पद्धतिबाट विभिन्न रोगका बिरामीलाई गुणस्तरीय सेवा प्रदान गरेर नेपाली समाजमा आयुर्वेदिक चिकित्सा पद्धतिप्रति विश्वास बढाउन विशिष्ट योगदान गर्नुभएको छ । भक्तपुरका प्रसिद्ध वैद्यका रूपमा सुपरिचित कालु वैद्यको स्मृति र सम्मानमा संस्थापित यो सम्मान समाजसेवी नारायणप्रसाद वैद्यलगायत कालु वैद्यका परिवारजनद्वारा व्यवस्थापित अक्षयकोषको ब्याजबाट हरेक वर्ष समर्पण गर्ने गरिन्छ । यो सम्मान ग्रहण गर्न स्वीकृति दिनुभएकोमा शब्दयात्रा प्रकाशन परिवार उहाँप्रति हार्दिक आभार व्यक्त गर्दछ ।

दसजनालाई शब्दयात्रा छात्रवृत्ति असोज १९ गते दिइने

admin

-

October 3, 2023

0

शब्दयात्रा प्रकाशनले काभ्रेपलान्चोक जिल्लाका विभिन्न विद्यालयमा अध्ययन गर्ने गरिब तथा जेहेन्दार १० जना विद्यार्थीहरूलाई यही असोज १९ गते शुक्रबार ‘शब्दयात्रा दिव्यवती — कान्तुप्रसाद ढुङ्गाना छात्रवृत्ति’ प्रदान गर्ने भएको छ । काठमाडौँ महानगरपालिका वडा नं. ७ शान्तिगोरेटो चाबहिलनिवासी श्री शेखरप्रसाद ढुङ्गानाले आफ्ना पितामाताको सम्मानमा २०८४ सालसम्मका लागि यस छात्रवृत्तिको व्यवस्था गर्नुभएको हो । छात्रवृत्ति प्राप्त गर्ने विद्यार्थीहरूमा कक्षा १ की सलिना नेपाली, कक्षा २ की करिस्मा ठाकुर र कक्षा ३ का समिन घोले श्रीखण्डपुर माध्यमिक विद्यालयमा अध्ययनरत छन् भने कक्षा ४ की ईशा तामाङ र कक्षा ५ की आशा गौतम धनेश्वर महादेव प्राथमिक विद्यालयमा अध्ययनरत छन् । यसै गरी कक्षा ६ की सदीक्षा थापा र कक्षा ७ की पुष्पा जिम्बा भक्तेश्वर माध्यमिक विद्यालयमा, कक्षा ८ की प्रियङ्का महत र कक्षा ९ का राजन उपाध्याय सञ्जीवनी माध्यमिक विद्यालयमा तथा कक्षा १० की उमा भण्डारी लक्ष्मीनारायण माध्यमिक विद्यालयमा अध्ययनरत छन् । सम्बन्धित विद्यालयको सिफारिसका आधारमा विद्यार्थीहरूलाई छात्रवृत्ति प्रदान गर्न लागिएको हो । छात्रवृत्ति पाउनेहरूमा छात्र २ जना र छात्रा ८ जना छन् । शब्दयात्रा प्रकाशनको सभाकक्षमा आयोजना गरिने कार्यक्रममा सम्बन्धित विद्यालयका शिक्षक प्रतिनिधिको उपस्थितिमा विद्यार्थीहरूलाई छात्रवृत्ति र त्यसको प्रमाणपत्र प्रदान गरिनेछ । अपाङ्गता र पत्रकारिता छात्रवृत्तिचाहिँ पछि प्रदान गरिनेछ । शब्दयात्रा प्रकाशनले हरेक वर्ष १३ जनालाई छात्रवृत्ति दिन थालेको छ ।

ज्ञान उदासको ‘तोपको आवाज’ आउँदै

Activities

admin

-

October 3, 2023

0

शब्दयात्रा प्रकाशनको प्रकाशकत्वमा ‘तोपको आवाज’ नामक कथासङ्ग्रह छापिने भएको छ । शब्दयात्रा प्रकाशनद्वारा सम्मानित साहित्यकार ज्ञान उदासद्वारा लिखित यस सङ्ग्रहमा ‘पानपसल्नी’, ‘सम्बन्ध’, ‘तोपको आवाज’ र ‘एउटा व्यापारको अन्त्य’ शीर्षकका चारवटा कथा सङ्कलित छन् । ज्ञान उदासको ८१ औँ जन्मदिवसको अवसर पारी यस सङ्ग्रहको प्रकाशन गर्न लागिएको हो । यो उहाँको पहिलो कथासङ्ग्रह हो । यस सङ्ग्रहमा समालोचक प्रा. डा. दयाराम श्रेष्ठ सम्भव र गीतकार हरिगोपाल प्रधानका मन्तव्य राखिएका छन् ।

फोटो–पत्रकारिता सम्मान जगदीश तिवारीलाई

admin

-

September 22, 2023

0

शब्दयात्रा प्रकाशनले फोटो–पत्रकार जगदीश तिवारी (तनहूँ) लाई ‘शब्दयात्रा रत्नदेवी प्रधान फोटो–पत्रकारिता सम्मान, २०८०’ समर्पण गर्ने भएको छ । यो सम्मान यही असोज महिनामा समर्पण गरिनेछ । यस सम्मानको आर्थिक व्यवस्थापन फोटो–पत्रकार हरिगोपाल प्रधानले आफ्नी आमाको स्मृति र सम्मानमा गर्नुभएको हो । सम्मान ग्रहण गर्न स्वीकृति दिनुभएकोमा जगदीश तिवारीप्रति शब्दयात्रा प्रकाशन परिवार हार्दिक आभार व्यक्त गर्दछ ।

‘शिवपुरी सन्देश’ साहित्यिक पत्रिकालाई सम्मान गरिने

Activities

admin

-

September 18, 2023

0

शब्दयात्रा प्रकाशनले प्रथम साहित्यिक हुतात्मा कृष्णलाल अधिकारीको सम्मानमा स्थापना गरेको ‘शब्दयात्रा कृष्णलाल अधिकारी साहित्यिक पत्रिका सम्मान, २०८०’ साहित्यकार तथा साहित्यिक पत्रकार वियोगी बुढाथोकीको सम्पादनमा काठमाडौँबाट प्रकाशन हुने गरेको ‘शिवपुरी सन्देश’ नामक साहित्यिक पत्रिकालाई समर्पण गर्ने भएको छ । यो सम्मान यही असोज महिनामा समर्पण गरिनेछ । यस सम्मानको कोष व्यवस्थापन भोजपुरका समाजसेवी योगेन्द्र खत्रीले आफ्नी आमाको स्मृतिमा गर्नुभएको हो । सम्मान ग्रहण गर्न स्वीकृति दिनुभएकोमा वियोगी बुढाथोकीप्रति शब्दयात्रा प्रकाशन परिवार हार्दिक आभार व्यक्त गर्दछ ।

सुभाष खड्का विषयक कवितागोष्ठी सम्पन्न

Activities

admin

-

September 17, 2023

0

शब्दयात्रा प्रकाशनको आयोजनामा ‘सुभाष खड्का’ विषयक कवितागोष्ठी सम्पन्न भएको छ । शब्दयात्रा प्रकाशनको सभाकक्षमा हिजो भदौ ३० गते आयोजित कवितागोष्ठीको सभापतित्व शब्दयात्रा प्रकाशनका संस्थापक अध्यक्ष हरि मञ्जुश्रीले र प्रमुख आतिथ्य शिक्षासेवी तथा लेखक हरिविनोद अधिकारीले गर्नुभएको थियो भने विशेष अतिथि प्राध्यापक तथा समालोचक डा. षडानन्द पौड्याल र सुभाष स्मृति प्रतिष्ठानका अध्यक्ष शिक्षासेवी तथा समाजसेवी चन्द्रबहादुर खड्का हुनुहुन्थ्यो । कार्यक्रममा रश्मि हुमागाई, पदम दाहाल, सरस्वती चिमोरिया, अच्युत अधिकारी, शारदा घिमिरे भैल, दामोदर घिमिरे, कालिका त्रिपाठी पन्त, छत्रपति दाहाल, भवानी पाण्डे, ढुण्डिराज पोखरेल, केदारनाथ तिमल्सिना र चूडाप्रसाद चौलागाईंले कविता वाचन गर्नुभएको थियो भने कविता प्राप्त भएर पनि विभिन्न कारणले गर्दा जयनारायण नेपाल, शिव बन्जारा, लक्ष्मी बडाल र ओतबहादुर खड्का कार्यक्रममा उपस्थित हुन सक्नुभएको थिएन । कालिका त्रिपाठी पन्तले सञ्चालन गर्नुभएको उक्त कार्यक्रममा डा. इन्दुल केसीले समुद्घाटन, कृष्णमणि कुइकेलले स्वागत भाषण, वेदप्रसाद गौतमले रुद्राक्षमाला अर्पण र सङ्गीता केसीले सामग्री व्यवस्थापन गर्नुभएको थियो । प्रमुख अतिथि र विशेष अतिथिलाई शब्दयात्रा प्रकाशनका तर्फबाट पदमनाथ ढुङ्गानाले उपहार समर्पण गर्नुभएको थियो । कार्यक्रममा कविता वाचन गर्ने सबैलाई आभारपत्रका साथमा एक–एकवटा आख्यानकृति चन्द्रबहादुर खड्काले प्रदान गर्नुभएको थियो ।

‘समयगाथा’ सार्वजनिक

admin

-

September 16, 2023

0

शब्दयात्रा प्रकाशनका संस्थापक अध्यक्ष हरि मञ्जुश्रीले लेख्नुभएको बहुप्रतीक्षित पुस्तक ‘समयगाथा’ को पहिलो भाग आज भदौ ३० गते शनिबार सार्वजनिक गरियो । प्रमुख अतिथि शिक्षासेवी हरिविनोद अधिकारी, विशिष्ट अतिथि समालोचक डा. षडानन्द पौड्याल, समाजसेवी चन्द्रबहादुर खड्का र कृतिकार हरि मञ्जुश्रीले उक्त पुस्तक संयुक्त रूपमा सार्वजनिक गर्नुभएको हो । चार सय छयान्नब्बेवटा विषय समेटिएको उक्त पुस्तकको मूल्य तीन सय रुपियाँ राखिएको छ । सार्वजनिक गरिएको अवसरमा ५० प्रतिशत छुटमा पुस्तक बिक्री गरिएको थियो । कार्यक्रममा समुन्नति मिच्युयल फन्डका तर्फबाट समूहका सबै सदस्यका लागि भनेर समाजसेवी सकुल थापाले एकैपटक बीस प्रति र सुभाष स्मृति प्रतिष्ठानका तर्फबाट कार्यसमितिका सदस्यहरूका लागि भनेर चन्द्रबहादुर खड्काले १२ प्रति पुस्तक किन्नुभएको थियो । उपस्थित अन्य महानुभावहरूले पनि छुट मूल्यमा पुस्तक किन्नुभएको थियो । पुस्तकका बारेमा प्रकाशकका तर्फबाट रश्मि हुमागाईंले जानकारी दिनुभएको उक्त कार्यक्रमको सञ्चालन कालिका त्रिपाठी पन्तले गर्नुभएको थियो ।

Welcome to Liberty Case

Welcome to Liberty Case

दसजनालाई छात्रवृत्ति प्रदान

अक्षयकोषका लागि सम्झौता

पूर्वीय संस्कृति र वर्तमान विकृति विषयमा विचारगोष्ठी

डा. ठाकुरराज अधिकारीलाई आयुर्वेद सम्मान समर्पण गरिने

दसजनालाई शब्दयात्रा छात्रवृत्ति असोज १९ गते दिइने

ज्ञान उदासको ‘तोपको आवाज’ आउँदै

फोटो–पत्रकारिता सम्मान जगदीश तिवारीलाई

‘शिवपुरी सन्देश’ साहित्यिक पत्रिकालाई सम्मान गरिने

सुभाष खड्का विषयक कवितागोष्ठी सम्पन्न

‘समयगाथा’ सार्वजनिक