अमेरिकाबाट नेपाल आउनुभएका सूचना–प्रविधिविज्ञ समुन्नत श्रेष्ठको नेतृत्वमा शेषा कर्माचार्य, सफू श्रेष्ठ र प्रभास कर्माचार्य सम्मिलित टोलीले शब्दयात्रा प्रकाशनको अवलोकन भ्रमण ग¥यो । गत २०७४ माघ ४ गते गरिएको उहाँहरूको भ्रमण सम्मान व्यवस्थापक समितिका सदस्य द्रोणप्रसाद श्रेष्ठको अग्रसरतामा भएको थियो ।
भ्रमण टोलीलाई शब्दयात्रा प्रकाशनका महाप्रबन्धक शारदाप्रसाद शर्मा र अनु थापाले स्वागत गर्दै पुस्तकहरू उपहार प्रदान गर्नुभएको थियो भने अध्यक्ष हरि मञ्जुश्रीले शब्दयात्रा प्रकाशनका योजनाहरूका विषयमा जानकारी गराउनुभएको थियो ।

शब्दयात्रा प्रकाशनद्वारा हरेक शुक्रबार सञ्चालन हुने गरेको साप्ताहिक प्रवचन कार्यक्रम ‘कर्मयोद्धासँग शब्दसंवाद’ को पैँतालीसौँ शृङ्खला गत २०७४ साल माघ ५ गते शब्दयात्रा प्रकाशनको सभाकक्षमा सम्पन्न भयो । उक्त कार्यक्रममा शारीरिक अस्वस्थताका कारणले गीता मञ्जुश्रीको उपस्थिति हुन नसकेकाले उहाँले तयार पार्नुभएको प्रवचन उहाँको प्रतिनिधित्व गर्दै हरि मञ्जुश्रीले पढेर सुनाउनुभएको थियो ।
व्यवस्थापनविद् श्री शर्मा मूर्खको सभापतित्वमा सम्पन्न उक्त कार्यक्रम पदमनाथ ढुङ्गानाले सञ्चालन गर्नुभएको थियो भने कार्यक्रममा शब्दयात्रा प्रकाशनका सञ्चालक सदस्य कृष्णमणि कुइँकेल, शब्दयात्रा स्मारिका प्रकाशन समितिका संयोजक फणीन्द्रराज अधिकारी र सदस्य पूर्णबहादुर कार्की, नारी स्रष्टा समाजका संयोजक पुण्यवती घले, नेपालभूमि सञ्चालक समितिका संयोजक सुदर्शन आचार्य, महाप्रबन्धक शारदाप्रसाद शर्मा, समाजसेवी छविलाल कुइँकेल, शिक्षासेवी देवीप्रसाद ढुङ्गाना, धन शर्मा, अनु थापा आदिको समुपस्थिति रहेको थियो ।

अग्रज लोकगायक तथा शब्दयात्रा कलाकार समाजका सल्लाहकार मच्छेश्वर सापकोटाले शब्दयात्रा प्रकाशनद्वारा स्थापना गर्न लागिएको सालिकको सहयोगार्थ ५ हजार १ सय रुपियाँ आर्थिक सहयोग गर्नुभएको छ ।
नेपालमै पहिलोपल्ट पाँचजना वाङ्मयसेवीको सालिक बनाइसकेको हुँदा शब्दयात्रा प्रकाशनले काभ्रे जिल्लामा एकै ठाउँमा ती सालिकहरू स्थापना गर्न लागेको हो ।

शब्दयात्रा प्रकाशनको ९६ औँ प्रकाशनपुष्पका रूपमा हरीश अधिकारीद्वारा सम्पादित तथा अनूदित कविताहरूको सङ्ग्रह ‘सङ्गम’ प्रकाशन हुने भएको छ ।
सङ्ग्रहमा वासु शशी, तुलसी दिवस, शैलेन्द्र साकार आदिसहित ६४ जना नेपाली कविका एक–एकवटा कविता र तिनको अङ्ग्रेजी अनुवाद रहेका छन् ।

शब्दयात्रा प्रकाशनको नियमित साप्ताहिक प्रवचन कार्यक्रम ‘कर्मयोद्धासँग शब्दसंवाद’ को … औँ शृङ्खलामा प्रमुख वक्ताका रूपबाट शिक्षासेवी तथा समाजसेवी निर्मला श्रेष्ठले आफ्नी भदै लघु–उपन्यासकार समिता श्रेष्ठ ‘पूरा’ का विषयमा जानकारी दिँदै उहाँको शारीरिक अपाङ्गता र साहित्यिक सिर्जनाका विषयमा उल्लेख गर्नुभयो । रामकृष्ण स्मृति प्रतिष्ठानको सहयोगमा शब्दयात्रा प्रकाशनबाट हालै मात्र समिता श्रेष्ठ ‘पूरा’ को लघु–उपन्यास ‘नयाँ सोच’ प्रकाशित भई सार्वजनिक गरिएको प्रसङ्गबाट प्रवचनको प्रारम्भ गरिएको थियो । काभ्रे बनेपाको नीलकण्ठेश्वरधाममा अवस्थित शब्दयात्रा प्रकाशनको सभाकक्षमा गत २०७४ पुस २८ गते शुक्रबार सम्पन्न उक्त प्रवचन कार्यक्रम शब्दयात्रा प्रकाशनका अध्यक्ष हरि मञ्जुश्रीको सभापतित्वमा भएको थियो ।
‘कर्मयोद्धासँग शब्दसंवाद’ का सञ्चालक पदमनाथ ढुङ्गानाले सञ्चालन गर्नुभएको उक्त कार्यक्रममा शब्दयात्रा प्रकाशनका सञ्चालक सदस्य कृष्णमणि कुइँकेल, महाप्रबन्धक शारदाप्रसाद शर्मा, कलाकार समाजका सल्लाहकार मच्छेश्वर सापकोटा, स्मारिका प्रकाशन समितिका संयोजक फणीन्द्रराज अधिकारी तथा सदस्य पूर्णबहादुर कार्की, नारी स्रष्टा समाजका संयोजक पुण्यवती घले, लेखक समाजका सदस्य केदारनाथ तिमल्सिना, व्यवस्थापनविद् श्री शर्मा मूर्ख, नेपालभूमि प्रकाशन समितिका संयोजक सुदर्शन आचार्य र सदस्य शिव बन्जारा, नैमिषारण्य संस्कृत गुरुकुलम्का प्राचार्य दिव्यमणि अधिकारी, दीपक तिमल्सिना, अनु थापामगर, देवीप्रसाद ढुङ्गाना, छविलाल कुइँकेल, शम्भुप्रसाद कुइँकेल, ईश्वरी कुइँकेल, भगवती कुइँकेल, विष्णुकुमारी थापा, कमला खत्री, सहदेव श्रेष्ठ, विष्णुमाया खत्री, चन्द्रमाया खत्री, धनकुमारी कुइँकेल, नानु पराजुली, पुरुषोत्तम हुमागाईं, मौसम पराजुली, निश्चल अधिकारी, सुजन बडाल, अनीश नेपाल, प्रसन्न ढुङ्गाना, प्रतीक पौडेल आदिको उपस्थिति रहेको थियो ।

रेडियो एबीसी ८९.८ मेगाहर्जबाट हरेक बुधबार ७ देखि ७ः३० बजेसम्म भाषा–साहित्य, धर्म–संस्कृति, ज्ञान–विज्ञानसँग जस्ता विधासँग सम्बन्धित ‘शब्दसञ्चार’ नामक कार्यक्रम सञ्चालन हुने गर्दछ । यस कार्यक्रममा शब्दयात्रा प्रकाशनका गतिविधिहरू, कविताहरू, लेखहरू आदिका साथमा विविध जानकारीहरू प्रस्तुत गरिन्छन् । यो बौद्धिक कार्यक्रम नियमित रूपमा सुन्न नबिर्सनुहोला ।

सञ्चालक शिव बन्जारा
शब्दसञ्चार रेडियो कार्यक्रम

शब्दयात्रा प्रकाशनले आगामी फागुन महिनामा सम्मान गर्नुपर्ने व्यक्तित्वहरूको नाम आगामी २०७४ साल माघ २० गतेभित्र सिफारिस गरी पठाउन सबैमा अनुरोध गरेको छ ।
आगामी फागुन महिनामा आमसञ्चार, विज्ञान–प्रविधि, सामाजिक जागरण र शिक्षा विधाका सम्मानहरू समर्पण गरिनेछन् । हरेक सम्मानमा रु. ५ हजार, उपहार, किरीट र अभिवन्दनापत्र समर्पण गरिनेछन् ।

शब्दयात्रा प्रकाशनको नियमित साप्ताहिक प्रवचन कार्यक्रम ‘कर्मयोद्धासँग शब्दसंवाद’ को त्रिचालीसौँ शृङ्खलामा प्रमुख वक्ताका रूपमा धना शर्मा प्रस्तुत हुनुभयो । शब्दयात्रा प्रकाशनको सभाकक्षमा आयोजित उक्त कार्यक्रमको सभापतित्व शब्दयात्रा प्रकाशन सञ्चालक समितिका सदस्य कृष्णमणि कुइँकेलले गर्नुभएको थियो भने कार्यक्रमको सञ्चालन पदमनाथ ढुङ्गानाले गर्नुभएको थियो ।
उक्त कार्यक्रममा शब्दयात्रा प्रकाशनका महाप्रबन्धक शारदाप्रसाद शर्मा, शब्दयात्रा कलाकार समाजका सल्लाहकार मच्छेश्वर सापकोटा, व्यवस्थापनविद् श्री शर्मा मूर्ख, शब्दयात्रा भौतिक संरचना निर्माण समितिका सदस्य च्याङ्बा लामा, समाजसेवी छविलाल कुइँकेल र विष्णुहरि तिमल्सिनासहित देवीप्रसाद ढुङ्गाना, पुरुषोत्तम हुमागाईं, ईश्वरी कुइँकेल, सुभद्रा थापा, सरिता कुइँकेल, ज्ञानु पौडेल, चेतनाथ दाहाल, बबिता प्याकुरेल, सीता सुवेदी, शम्भुप्रसाद भुर्तेल, टीका ओली, मिट्ठुदेवी पौडेल, शशिकला ढकाल, विद्या मोक्तान आदिको उपस्थिति रहेको थियो ।

विगत १२ वर्षअघिदेखि शारीरिक रूपमा अस्वस्थ बनेकी काभ्रेली स्रष्टा समिता श्रेष्ठ ‘पूरा’ को प्रथम साहित्यिक कृति ‘नयाँ सोच’ नामक लघु–उपन्यास हिजो पुस २४ गते सोमबार काभ्रेको बनेपा नालामा शब्दयात्रा प्रकाशनद्वारा आयोजित विशेष समारोहमा सार्वजनिक गरियो । शब्दयात्रा प्रकाशनका अध्यक्ष हरि मञ्जुश्रीको सभापतित्व र आध्यात्मिक प्रवाचक डा. चिन्तामणि योगीको प्रमुख आतिथ्यमा उक्त कार्यक्रम सम्पन्न भएको थियो ।
कार्यक्रममा शब्दयात्रा प्रकाशनसँग सम्बन्धित विभिन्न समाज र समितिका व्यक्तित्व तथा विभिन्न संस्थाका प्रतिनिधिहरूले कृतिकारलाई शुभकामना दिनुभएको थियो । शब्दयात्रा प्रकाशनका महाप्रबन्धक शारदाप्रसाद शर्माले ‘नयाँ सोच’ माथि टिप्पणी गर्नुभएको उक्त कार्यक्रम शब्दयात्रा लेखक समाजका सदस्य उद्धवप्रसाद नेपालले सञ्चालन गर्नुभएको थियो ।
कार्यक्रममा शारीरिक अशक्ततालाई चुनौती दिँदै सशक्त साहित्यिक कृति प्रस्तुत गर्ने उदाहरणीय व्यक्तित्व कृतिकार समिता श्रेष्ठ ‘पूरा’ लाई शब्दयात्रा प्रकाशनद्वारा सम्मानपत्र प्रदान गरिएको थियो । सोही दिन कृतिकारको जन्मदिनको अवसरसमेत परेको हुनाले उहाँलाई विभिन्न व्यक्तित्वहरूले जन्मदिनको उपहारस्वरूप विभिन्न साहित्यिक पुस्तकहरू प्रदान गर्नुभएको थियो ।
शब्दयात्रा प्रकाशनका जग्गादाता कृष्णमणि कुइँकेलका तर्फबाट पदमनाथ ढुङ्गानाले स्वागत मन्तव्य व्यक्त गर्नुभएको उक्त कार्यक्रममा कृतिकारकी फुपू समाजसेवी तथा शिक्षासेवी निर्मला श्रेष्ठले कृतिकारको अवस्थाका बारेमा जानकारी गराउनुभएको थियो ।
‘नयाँ सोच’ शब्दयात्रा प्रकाशनद्वारा प्रकाशित ९५ औँ पुस्तक हो ।