शब्दयात्रा प्रकाशन विश्वसम्पर्क समाजका संयोजक प्रसिद्ध सङ्गीतकर्मी तथा साहित्यकार हिरण्य भोजपुरे लघुकथा समाज नेपालबाट गत २०७४ माघ १९ गते शुक्रबार ‘बाटुली खिलध्वज लघुकथा सम्मान’ बाट सम्मानित हुनुभएको छ । यो खुसियाली सबै मित्रहरूमा बाँड्दै सम्मानित हुनुभएकोमा उहाँ€प्रति यो संस्था हार्दिक बधाई ज्ञापन गर्दछ ।

शब्दयात्रा प्रकाशनको नियमित साप्ताहिक प्रवचन कार्यक्रम ‘कर्मयोद्धासँग शब्दसंवाद’ को ४७ औँ शृङ्खला गत २०७४ साल माघ १९ गते शुक्रबार शब्दयात्रा प्रकाशनको सभाकक्षमा सम्पन्न भयो । कार्यक्रमका प्रमुख वक्ता शिक्षासेवी तथा लेखक डिल्लीप्रसाद भट्टराई हुनुहुन्थ्यो । उहाँले जैविक ऊर्जासम्बन्धी विषयवस्तुमा प्रवचन गर्नुभएको थियो । कार्यक्रमको सञ्चालन पदमनाथ ढुङ्गानाले र सभापतित्व पुण्यवती घलेले गर्नुभएको थियो ।
उक्त कार्यक्रममा फणीन्द्रराज अधिकारी, श्री शर्मा मूर्ख, पूर्णबहादुर कर्माचार्य, शकुन्तला बन्जारा, राजन पराजुली, विष्णुहरि तिमल्सिना, दण्डपाणि अधिकारी, शारदाप्रसाद शर्मा, दीपक तिमल्सिना, अनु थापा आदिको सहभागिता रहेको थियो ।

शब्दयात्रा प्रकाशनले आगामी फागुन महिनामा सम्मानित गर्ने राष्ट्रिय प्रतिभाहरूको चयन गर्नका लागि सम्मानित व्यक्तित्व चयन समितिको गठन गरेको छ । मुकुन्दप्रसाद दाहालको संयोजकत्वमा गठित उक्त समितिमा रघुनाथ घिमिरे, श्यामकृष्ण त्रिपाठी र पम्फा थपलिया सदस्य रहनुभएको छ ।
शब्दयात्रा प्रकाशनले गरेको सार्वजनिक आह्वानअनुसार शब्दयात्रा प्रकाशनमा सिफारिस प्राप्त भएका नाउँहरूमध्येबाट उक्त समितिले यही माघ मसान्तसम्ममा सम्मानयोग्य व्यक्तित्वको नाउँ चयन गरेपछि शब्दयात्रा प्रकाशनले ती नाउँहरू सम्मानका लागि घोषणा गर्नेछ । आगामी फागुन महिनामा आमसञ्चार, विज्ञान–प्रविधि, शिक्षा र सामाजिक जागरण विधाका सम्मानहरू समर्पण गरिनेछन् ।

शब्दयात्रा प्रकाशनका अध्यक्ष हरि मञ्जुश्रीद्वारा लिखित भूमिकासङ्ग्रह ‘पच्चीस दृष्टि’ आगामी फागुन ५ गते काभ्रेपलाञ्चोकको बनेपामा सार्वजनिक हुने भएको छ । उक्त पुस्तकलाई सुभाष स्मृति प्रतिष्ठानले प्रकाशन गरी सार्वजनिक गर्न लागेको हो ।
‘पच्चीस दृष्टि’ मा कृतिकारको नाउँको वर्णानुक्रमअनुसार उद्धवप्रसाद नेपाल, ओतबहादुर खड्का, कविप्रसाद प्याकु¥याल, काफलबोटे कान्छा, गोविन्दबहादुर थापा, तुतुकाजी प्रणामी श्रेष्ठ, दिनेश सेवाचार्य, दियेशरत्न शाक्य, दुर्योधन बस्नेत, प्रकाशबहादुर कायस्थ, पूरा श्रेष्ठ, भवानी पाण्डे, भीमसेन घिमिरे, मुकुन्दप्रसाद उपाध्याय, रामचन्द्र अधिकारी, रोजनाथ लुइँटेल, सिर्जना दुवाल, सुदीप अधिकारी, सुरेश सैंजू, सूर्यप्रसाद लाकोजू, सोमकाजी शाक्य, हरिकृष्ण सिलवाल, हरिप्रसाद चौलागाई, त्रिकालदर्शी भैल र त्रिरत्न रन्जितकार गरी २५ जना काभ्रेली स्रष्टाहरूका पुस्तकमा हरि मञ्जुश्रीबाट लेखिएका भूमिकाहरू समावेश गरिएका छन् ।

शब्दयात्रा प्रकाशनबाट काभ्रेपलाञ्चोकको बनेपामा पाँचजना नेपाली शीर्ष शब्दसाधकहरूको सालिक स्थापना गर्नका लागि धुलिखेल — ४ निवासी कृष्णबहादुर घलेका तर्फबाट ५ हजार ५ सय ५५ रुपियाँ र मायाकुमारी घलेका तर्फबाट ५ हजार ५ सय ५५ रुपियाँ आर्थिक सहयोग प्राप्त भएको छ ।
स्मरणीय छ — प्रथम शिक्षासेवी बालागुरु षडानन्द, प्रथम लोकतान्त्रिक पत्रकार देवीप्रसाद सापकोटा, प्रथम साहित्यिक सहिद कृष्णलाल अधिकारी, स्वराङ्कन गर्ने प्रथम गायिका मेलवादेवी गुरुङ र राष्ट्रिय पुरस्कार प्राप्त प्रथम वैज्ञानिक नरबहादुर भारतीको सालिक एकै ठाउँमा पहिलोपटक बनेपामा स्थापना गर्न लागिएको छ ।

शब्दयात्रा प्रकाशनको नियमित साप्ताहिक प्रवचन कार्यक्रम ‘कर्मयोद्धासँग शब्दसंवाद’ को छयालीसौँ शृङ्खलामा प्रमुख वक्ताका रूपमा ‘शब्दसञ्चार’ कार्यक्रमका सञ्चालक शिव बन्जारा र शकुन्तला बन्जारा प्रस्तुत हुनुभयो । गत २०७४ साल माघ १२ गते शुक्रबार शब्दयात्रा प्रकाशनको सभाकक्षमा सम्पन्न उक्त कार्यक्रमको सभापतित्व यादव ढुङ्गानाले र सञ्चालन महाप्रबन्धक शारदाप्रसाद शर्माले गर्नुभएको थियो ।
उक्त कार्यक्रममा हरि मञ्जुश्री, मच्छेश्वर सापकोटा, फणीन्द्रराज अधिकारी, कृष्णमणि कुइँकेल, पदमनाथ ढुङ्गाना, सुदर्शन आचार्य, श्री शर्मा मूर्ख, छविलाल कुइँकेल, वासुदेव कुइँकेल, विष्णुहरि तिमल्सिना, पूर्णबहादुर कार्की, पुण्यवती घले, देवीप्रसाद ढुङ्गाना, गोविन्द आले मगर, अशोक बडाल, सानु पराजुली, फत्तबहादुर भुजेल, मानबहादुर केसी, दुर्गाप्रसाद तिमल्सिना, अनु थापा आदिको सहभागिता रहेको थियो ।

शब्दयात्रा प्रकाशनले हरि मञ्जुश्रीको सम्पादनमा ‘द ड्राइभिङ फोर्स अफ धुलिखेल’ नामक कृति प्रकाशन गर्ने भएको छ । यो कृति अङ्ग्रेजी भाषामा रहेको छ । यसअघि नै प्रकाशित ‘धुलिखेलका सारथि बेलप्रसाद श्रेष्ठ’ नामक कृतिभित्र रहेका विशेष लेखहरूलाई अङ्ग्रेजी भाषामा अनुवाद गरी यो कृति तयार पारिएको हो । ती लेखहरूको अङ्ग्रेजी अनुवाद डा. भास्कर हुमागाई र इ. रोशन अधिकारीले गर्नुभएको हो ।
डा. हेमराज काफ्ले मन्तव्यसहितको उक्त कृतिलाई आगामी फागुन महिनामा आयोजना गरिने कार्यक्रममा सार्वजनिक गरिने भएको छ ।

शब्दयात्रा प्रकाशनले संस्कृत साहित्यका अमर काव्यकार भर्तृहरिको बहुचर्चित काव्यकृति ‘भर्तृहरि शतक’ को नेपाली भाषामा भावानुवाद गरिएको काव्य प्रकाशित गर्ने भएको छ । ‘भर्तृहरि शतक’ को नेपाली भाषामा काव्यिक भावानुवाद महाकाव्यकार श्रीधर प्याकु¥यालले गर्नुभएको हो । उक्त काव्यलाई २०७४ साल फागुनमा आयोजना गरिने कार्यक्रममा सार्वजनिक गरिने भएको छ ।
‘भर्तृहरि शतक’ समेत शब्दयात्रा प्रकाशनबाट २०७४ सालमा श्रीधर प्याकु¥यालका प्रकाशित काव्यकृति चारवटा पुग्ने भएका छन् । यसअघि २०७४ जेठमा सत्यनारायण व्रतकथा (काव्यिक भावानुवाद), भदौमा ‘मञ्जुश्री’ (ज्योतिषकाव्य) र मङ्सिरमा ‘शैक्षिक शिरोभूषण’ (लघुकाव्य) प्रकाशित भई सार्वजनिक भइसकेका छन् ।

शब्दयात्रा प्रकाशनले ‘कवितामा रोजनाथ’ नामक कवितात्मक सीडी उत्पादन गरेको छ । काभ्रे जिल्लाका ग्रामकविका रूपमा सुपरिचित कवि रोजनाथ लुइँटेलले ‘कर्मयोद्धासँग शब्दसंवाद’ कार्यक्रममा प्रस्तुत गरेका कविताहरूका आधारमा सीडी उत्पादन गरिएको हो । सीडीमा रोजनाथ लुइँटेलले आफ्नै आवाजमा आफ्ना कविताहरू वाचन गरेको सुन्न र कविताका भावअनुसारका छविचित्रहरू देख्न सकिनेछ ।
हरि मञ्जुश्रीको परामर्श, पदमनाथ ढुङ्गानाको परिचयलेखन, शारदाप्रसाद शर्माको उद्घोषण र इ. रोशन अधिकारीको सम्पादन रहेको यो सीडी शब्दयात्रा प्रकाशनबाट उत्पादन गरिएको यस प्रकारको पहिलो सीडी हो । यु–ट्युबमा अङ्ग्रेजी भाषाबाट ‘रोजनाथ’ टाइप गरेर पनि ‘कवितामा रोजनाथ’ पाउन सकिन्छ ।

शब्दयात्रा प्रकाशनका शुभचिन्तक तथा शब्दयात्रा सम्मान व्यवस्थापक समाजका संयोजक श्रीमती उर्मिला श्रेष्ठ भोजपुरेका पिता वत्सलाल श्रेष्ठले धामगमन गर्नुभएको छ । उहाँले ९८ वर्षको उमेरमा गत २०७४ माघ ४ गते बिहीबार अपराह्न धामगमन गर्नुभएको हो ।
वत्सलाल श्रेष्ठ लेखक तथा आध्यात्मिक व्यक्तित्व हुनुहुन्थ्यो । उहाँका ‘श्रीकृष्णस्तुति’ लगायतका कृतिहरू प्रकाशित छन् । उहाँको जन्म १९७७ साल मङ्सिर ३० गते मङ्गलबार विवाहपञ्चमीका दिन काठमाडौँमा भएको थियो ।
शब्दयात्रा प्रकाशनले दिवङ्गत आत्माको आत्मशान्तिका लागि भगवान्सँग प्रार्थना गर्दै शोकविह्वल परिवारजनप्रति हार्दिक समवेदना व्यक्त गरेको छ ।