शब्दयात्रा प्रकाशनले ‘कवितामा रोजनाथ’ नामक कवितात्मक सीडी उत्पादन गरेको छ । काभ्रे जिल्लाका ग्रामकविका रूपमा सुपरिचित कवि रोजनाथ लुइँटेलले ‘कर्मयोद्धासँग शब्दसंवाद’ कार्यक्रममा प्रस्तुत गरेका कविताहरूका आधारमा सीडी उत्पादन गरिएको हो । सीडीमा रोजनाथ लुइँटेलले आफ्नै आवाजमा आफ्ना कविताहरू वाचन गरेको सुन्न र कविताका भावअनुसारका छविचित्रहरू देख्न सकिनेछ ।
हरि मञ्जुश्रीको परामर्श, पदमनाथ ढुङ्गानाको परिचयलेखन, शारदाप्रसाद शर्माको उद्घोषण र इ. रोशन अधिकारीको सम्पादन रहेको यो सीडी शब्दयात्रा प्रकाशनबाट उत्पादन गरिएको यस प्रकारको पहिलो सीडी हो । यु–ट्युबमा अङ्ग्रेजी भाषाबाट ‘रोजनाथ’ टाइप गरेर पनि ‘कवितामा रोजनाथ’ पाउन सकिन्छ ।
शब्दयात्राले बनायो ‘कवितामा रोजनाथ’
