Shabdayatra Prakashan | Banepa – Akshyardham

१७७. जिन्दगीका डोबहरू

publications

admin

-

कवयित्री लीलादेवी श्रेष्ठको ‘जिन्दगीका डोबहरू’ नामक प्रस्तुत भजन–कवितासङ्ग्रहमा भजन र कविता गरी दुई खण्ड छन् । पहिलो खण्डमा ३६ वटा भजन र दोस्रो खण्डमा ५६ वटा कविता रहेका छन् । यसरी यो पुस्तक जम्मा ९२ वटा रचनाको सङ्ग्रह बनेको छ ।

१७६. अठोट

publications

admin

-

0

नाटककार लीलादेवी श्रेष्ठको ‘अठोट’ नामक प्रस्तुत नाट्यकृति आफ्नो जन्मभूमिप्रति हरेक व्यक्तिको विशेष कर्तव्य हुन्छ भन्ने सन्देश दिन सक्षम छ । विभिन्न पात्र र घटनाहरूलाई कथावस्तुमा उन्दै कथानकलाई विकसित गराएर कतै पनि द्वन्द्व नदेखाईकन नाटकलाई सन्देशमूलक ढङ्गबाट अन्त्य गराइएको छ । यस नाटकको कथातन्तुले ‘अठोट’ नाउँलाई सार्थक पारेको छ ।

१७५. गाईजात्रा

publications

admin

-

0

लघुकथाकार गायत्रीकुमार चापागार्र्ईंको विशिष्ट शिल्पबाट सुसज्जित ‘गाईजात्रा’ गम्भीर विषयलाई सरल प्रस्तुतिका साथ लेखिएको लघुकथासङ्ग्रह हो । यसले दिन खोजेको विचार र अवलम्बन गरेको शैली तथा यसमा प्रयोग भएको भाषा–व्याकरणका आधारबाट पाठकवर्गले यस सङ्ग्रहको मूल्याङ्कन गर्न सक्छन् । राजनीतिमा ल्याइएको विकृति, विकृतिले उब्जाएको सामाजिक बेथिति, बेथितिका कारण बढ्दै गएको अन्धविश्वास र विश्वासमाथि घात गरेर उठेका विविध प्रकारका शोषणहरू यस सङ्ग्रहमा रहेका सबै लघुकथाका विषयवस्तु हुन् । भावको सघनता, सुस्पष्ट विचार, व्यङ्ग्यको प्रयोग र अनावश्यक शब्दको अभाव यस सङ्ग्रहका मूल विशेषता देखिन्छन् ।

१७४. सङ्घर्ष र जीवन

publications

admin

-

0

‘सङ्घर्ष र जीवन’ (अनुभव र अनुभूति) लेखक माधवप्रसाद चापागाईंले भोग्नुभएका दुःखदायी र आनन्ददायी गाथाहरूलाई लेखसङ्ग्रहको ढाँचामा लेखिएको प्रेरणादायी र सन्देशमूलक अभिव्यक्ति हो । जम्मा २५ शीर्षक राखेर तयार पारिएको यस पुस्तकलाई उहाँको पहिलो पुस्तक ‘जीवन एक भोगाइ अनेक’ को दोस्रो भाग पनि भन्न सकिन्छ । जीवन र जगत्का विविध आयाममा देखिएको दृष्टिभिन्नता, पुरानो र नयाँ पुस्ताबीचको मनोविज्ञानमा आएको पृथकता, उमेरले ल्याउने सोच, समयले ल्याएको परिवर्तन, अल्पविकसित र विकसित देशको अवस्था जस्ता विषयहरूमा केन्द्रित यो पुस्तक संस्मरणलेखनको रोचक शैलीका कारण पठनीय र सङ्ग्रहणीय बनेको छ ।

१७३. कथा र कविता

publications

admin

-

0

कृतिकार माधवप्रसाद चापागाईंले प्रस्तुत पुस्तक ‘कथा र कविता’ (कथा र कविताको सङ्ग्रह) लाई दुई खण्डमा बाँडेर पहिलो खण्डमा तीनवटा लामा आकारका कथा र दोस्रो खण्डमा छब्बीसवटा केही मध्यम र केही छोटा आकारका कविता राख्नुभएको छ । सामाजिक विकृति र विसङ्गति, पुरातन सोचमा बाँधिएको लोकजीवन, ग्रामीण परिवेश, नयाँ र पुरानो पुस्ताबीचको फरक मनोविज्ञान र त्यसले निम्त्याएको द्वन्द्व, आध्यात्मिकताका कारण प्राप्त हुने शान्ति, राजनीतिले उब्जाएको सङ्कट, नारी र पुरुषबीचको प्रेम, कमजोर वर्गले सबल वर्गबाट भोग्नुपरेको शोषण आदिको चित्रण यसभित्रका कथा र कविताहरूले गरेका छन् ।

१७२. श्रीकृष्ण रहस्य

publications

admin

-

0

हिन्दू धर्मावलम्बीहरूलाई श्रीकृष्णप्रणामी सम्प्रदायका विषयमा केही न केही जानकारी छ । थोरै जानकारी पाउनु र विस्तृत रूपमा जानकारी पाउनुमा धेरै फरक हुन्छ । श्रीकृष्णका विषयमा र श्रीकृष्णप्रणामी सम्प्रदायका विषयमा जान्न चासो राख्नेहरूको सङ्ख्या बढिरहेको छ । आधिकारिक जानकारी पाउन धेरै पाठकहरू लालायित छन् । यस्तो अवस्थामा ‘श्रीकृष्ण रहस्य’ जस्तो पुस्तक पाठकले प्राप्त गर्न सक्नु ठूलो कुरो हो । यस पुस्तकमा यसका लेखक प्रेमदास उपाध्याय घिमिरेले श्रीकृष्णको महिमा र श्रीकृष्णप्रणामी सम्प्रदायको चिनारी गराउने पाठ्यसामग्री विस्तृत रूपमा उल्लेख गर्नुभएको छ । यसको सम्पादन पनि त्यसैअनुसार गरिएको छ । लेखकले लेखेको विषयवस्तु अनुसार नै यसको सम्पादन पनि गरिएको हुनाले यो पुस्तक पठनीय र सङ्ग्रहणीय बनेको छ । यस पुस्तकको प्रकाशन गर्ने सौभाग्य प्राप्त गरेर शब्दयात्रा प्रकाशन पनि गौरवान्वित बनेको छ ।

१७१. आनन्द

publications

admin

-

0

१७१. आनन्द

‘आनन्द’ (दृश्य र अनुभूति) नियात्राकार पोष चापागाईंको उत्तम नियात्राशैली र विशिष्ट सज्जासंयोजनको अर्को नमुना हो । शीर्षक, उपशीर्षक, भाषिक प्रयोग, शैली, वाक्यगठन आदिमा विशिष्ट मौलिकता रहेको यस कृतिले नियात्राकारको सुन्दर साहित्यिक शिल्पसँग पाठकको परिचय गराएको छ । विभिन्न पुराण, संहिता र उपनिषद्का आधारमा शिवमहिमाको, देवीदेवताका क्रियाकलापको, रुद्राक्ष र ॐको, पर्वतपुत्री पार्वतीको रूपको र प्राकृतिक सौन्दर्यको वर्णन गरिएको यस कृतिले विभिन्न कथाहरू भन्दै पाठकलाई बाह्यलोक र अन्तर्लोक दुवैमा घुमाउँछ । यस आधारमा भन्नुपर्दा आध्यात्मिक चिन्तनलाई सरस रूपबाट प्रस्तुत गरी नेपाली नियात्रासाहित्यमा नवीन विषय प्रस्तुत गरेको यस कृतिले आफूलाई नियात्रासाहित्यको कैलाश पर्वत र मानसरोवर देखाउने प्रयत्न गरेको छ भन्न सकिन्छ ।

आयो १५ हजार रुपियाँ

Activities

admin

-

July 23, 2022

0

शब्दयात्रा प्रकाशनबाट हरेक वर्ष प्रदान गर्न लागिएको ‘शब्दयात्रा जीवनचन्द्र कोइराला सिन्धुली प्रतिभा पुरस्कार’ को अक्षयकोषका लागि लघुवित्तविज्ञ श्री जलनकुमार शर्माले १५ हजार रुपियाँ पठाउनुभएको छ । शब्दयात्रा प्रकाशन परिवार उहाँप्रति हार्दिक आभार व्यक्त गर्दछ ।

‘अमरज्योति’ र ‘प्रिय चरी’ सार्वजनिक

admin

-

July 23, 2022

0

शब्दयात्रा प्रकाशनले आज २०७९ साल साउन ६ गते शुक्रबार ‘अमरज्योति’ र ‘प्रिय चरी’ नामक दुई खण्डकाव्य सार्वजनिक गराएको छ । ‘अमरज्योति’ लाई मच्छेश्वर सापकोटा, चूडाप्रसाद चौलागाईं र यज्ञप्रसाद त्रिपाठीले तथा ‘प्रिय चरी’ लाई रामप्रसाद अधिकारी, माधवप्रसाद आचार्य र नवराज तिमल्सिनाले संयुक्त रूपमा सार्वजनिक गर्नुभएको हो । दुवै खण्डकाव्य डा. गोपाल पौड्याल ‘मन्डने’ ले लेख्नुभएको हो । ‘अमरज्योति’ शब्दयात्रा प्रकाशनबाट र ‘प्रिय चरी’ नेपाली साहित्य विकास परिषद् यूकेबाट प्रकाशन गरिएका हुन् । कार्यक्रममा ‘अमरज्योति’ माथि शिव बन्जाराले र ‘प्रिय चरी’ माथि शारदाप्रसाद शर्माले टिप्पणी गर्नुभएको थियो भने सङ्गीता केसीले कृतिकारको चिनारी गराउनुभएको थियो । शकुन्तला बन्जाराले समुद्घाटन, केदारनाथ तिमल्सिनाले स्वस्तिवाचन, सहदीप पलान्चोकेले स्वागत भाषण र साधुराम गिरीले सञ्चालन गर्नुभएको उक्त कार्यक्रममा पदम दाहाल, भवानी पाण्डे, शारदा घिमिरे भैल र कालिका त्रिपाठी पन्तले आआफ्ना कविता वाचन गर्नुभएको थियो । प्रकृति प्याकुरेलले फेसबुकबाट सो कार्यक्रम लाइभ प्रसारण गराउनुभएको थियो । शब्दयात्रा प्रकाशनका संस्थापक अध्यक्ष हरि मञ्जुश्रीको सभापतित्व र बेली परियारको प्रमुख आतिथ्यमा सम्पन्न सो कार्यक्रमको विसर्जन सीताराम बडालले गर्नुभएको थियो ।

नीतेश कोइरालाप्रति आभार !

Activities

admin

-

July 22, 2022

0

‘शब्दयात्रा जीवनचन्द्र कोइराला सिन्धुली प्रतिभा पुरस्कार’ को अक्षयकोषका लागि इन्जिनियर नीतेश कोइरालाले पाँच हजार रुपियाँ पठाउनुभएको छ । उहाँको यस सहयोगका लागि शब्दयात्रा प्रकाशन परिवारका तर्फबाट म उहाँप्रति हार्दिक आभार व्यक्त गर्दछु ।