शब्दयात्रा प्रकाशनले प्रथम साहित्यिक हुतात्मा कृष्णलाल अधिकारीको सम्मानमा स्थापना गरेको ‘शब्दयात्रा कृष्णलाल अधिकारी साहित्यिक पत्रिका सम्मान, २०८०’ साहित्यकार तथा साहित्यिक पत्रकार वियोगी बुढाथोकीको सम्पादनमा काठमाडौँबाट प्रकाशन हुने गरेको ‘शिवपुरी सन्देश’ नामक साहित्यिक पत्रिकालाई समर्पण गर्ने भएको छ । यो सम्मान यही असोज महिनामा समर्पण गरिनेछ । यस सम्मानको कोष व्यवस्थापन भोजपुरका समाजसेवी योगेन्द्र खत्रीले आफ्नी आमाको स्मृतिमा गर्नुभएको हो । सम्मान ग्रहण गर्न स्वीकृति दिनुभएकोमा वियोगी बुढाथोकीप्रति शब्दयात्रा प्रकाशन परिवार हार्दिक आभार व्यक्त गर्दछ ।