Shabdayatra Prakashan | Banepa – Akshyardham

सम्मान कार्यक्रम जेठ २६ गते

admin

-

May 31, 2024

शब्दयात्रा प्रकाशनले २०८१ सालको प्रथम चरणको सम्मान समर्पण समारोह यही जेठ २६ गते शनिबार आयोजना गर्ने भएको छ । शब्दयात्रा प्रकाशनको सभाकक्ष बनेपामा आयोजना गरिने उक्त समारोहमा विज्ञान–प्रविधि सम्मान प्रा. डा. मुकेशकुमार चालिसे (ललितपुर) मा, सामाजिक जागरण सम्मान किरण थापा (सिन्धुली) मा, सिर्जना सम्मान सिर्जना खनाल (रूपन्देही) मा, शिक्षक सम्मान किरण पौडेल आचार्य (बाँके) मा, शिक्षा सम्मान सुवास तामाङ (भोजपुर) मा, शोध सम्मान चूडाप्रसाद चौलागाईं (काभ्रेपलान्चोक) मा र आयुर्वेद सम्मान रामलाल श्रेष्ठ (काठमाडौँ) मा समर्पण गरिनेछ । समारोह दिउँसो ठीक १ बजे प्रारम्भ गरिनेछ ।

तन्ना प्रदान

Activities

admin

-

May 30, 2024

0

शब्दयात्रा प्रकाशनका आजीवन सदस्य, कोष व्यवस्थापक तथा लेखिका लीलादेवी श्रेष्ठले शब्दसाधक अतिथिगृहका लागि दुई थान तन्ना सहयोगस्वरूप प्रदान गर्नुभएको छ । अतिथिगृहका तर्फबाट दुवै तन्ना शब्दयात्रा प्रकाशनका जग्गादाता कृष्णमणि कुइकेलले ग्रहण गर्नुभएको छ । तन्ना सहयोग गर्नुभएकोमा लीलादेवी श्रेष्ठप्रति शब्दयात्रा प्रकाशन परिवार हार्दिक आभार व्यक्त गर्दछ । उहाँले यसअघि पनि शब्दसाधक अतिथिगृहका लागि एक थान टेलिभिजन प्रदान गर्नुभएको थियो ।

शब्दयात्रा प्रकाशन १३ औँ वर्षमा प्रवेश

admin

-

May 29, 2024

0

शब्दयात्रा प्रकाशन जेठ १५ गतेदेखि १३ औँ वर्षमा प्रवेश गरेको छ । त्यस अवसरमा शब्दयात्रा प्रकाशनले हिजो विशेष कार्यक्रमको आयोजना गरेको थियो । संस्थापक तथा अध्यक्ष हरि मञ्जुश्रीद्वारा सञ्चालित उक्त कार्यक्रमको सभापतित्व शब्दयात्रा प्रकाशनका जग्गादाता कृष्णमणि कुइकेलकी आमा धनकुमारी कुइकेल, प्रमुख अतिथि १८ पुराणका नेपाली अनुवादक डा. बद्री पोखरेल र विशेष अतिथि गीतिभास्कर मच्छेश्वर सापकोटा हुनुहुन्थ्यो । त्यस कार्यक्रममा शब्दसाधक अतिथिगृहको समुद्घाटन र शिलाभिलेखको अनावरण गरिएको थियो । शब्दयात्रा प्रकाशनका ज्येष्ठ सदस्य प्रा. केदारनाथ श्रेष्ठले पानसमा दीप प्रज्ज्वलन गरेर शुभारम्भ गर्नुभएको उक्त कार्यक्रममा संस्थापक सदस्य सकुल थापाले स्वागत मन्तव्य व्यक्त गर्नुभएको थियो भने आजीवन सदस्यद्वय हरिगोपाल प्रधान र केदारनाथ तिमल्सिनाले रुद्राक्षमाला र पुष्पमाला अर्पण गर्नुभएको थियो । कार्यक्रममा आजीवन सदस्य जयनारायण नेपालले प्रमुख अतिथिलाई शब्दयात्रा प्रकाशनका तर्फबाट उपहार समर्पण गर्नुभएको थियो । कार्यक्रममा शब्दयात्रा प्रकाशनले १२ वर्षभित्र गरेका कामहरूका बारेमा हरि मञ्जुश्रीले जानकारी गराउनुभएको थियो ।

अभिलेखको अनावरण

admin

-

May 29, 2024

0

शब्दयात्रा प्रकाशन १३ औँ वर्षमा प्रवेश गरेको अवसरमा हिजो जेठ १५ गते आयोजित विशेष कार्यक्रममा समाजसेवी कृष्णमणि कुइकेलले शब्दयात्रा प्रकाशनलाई दीर्घजीवन दिन आफ्नो स्वामित्वको जग्गाको भोगाधिकार हस्तान्तरण गर्नुभएको विवरण उल्लेख भएको शिलाभिलेखलाई अनावरण गरियो । संस्कृत भाषामा लिखित १८ पुराणका नेपाली अनुवादक डा. बद्री पोखरेल प्रमुख अतिथि र गीतिभास्कर मच्छेश्वर सापकोटा विशेष अतिथिले संयुक्त रूपमा उक्त शिलाभिलेखको अनावरण गर्नुभएको थियो । शिलाभिलेखको बेहोरा शब्दयात्रा प्रकाशनका आजीवन सदस्य प्रजापति तिमिल्सिनाले वाचन गर्नुभएको थियो । संस्थापक अध्यक्ष हरि मञ्जुश्री कार्यक्रमका सञ्चालक र जग्गादाता कृष्णमणि कुइकेलकी आमा धनकुमारी कुइकेल सभापति हुनुहुन्थ्यो ।

लेखकहरूका लागि निर्मित अतिथिगृहको उद्घाटन

admin

-

May 29, 2024

0

लेखकहरूका लागि निर्मित अतिथिगृहको उद्घाटन

बनेपामा लेखक, अनुसन्धाता, पत्रकार, कलाकार आदिका लागि अतिथिगृह सञ्चालन गर्न थालिएको छ । शब्दयात्रा प्रकाशन पुस्तकालयको उपयोग गरी एकान्त र रमणीय स्थानमा बसेर लेखन, सम्पादन, पठन, अनुवाद, अन्वेषण, अनुसन्धान र साङ्गीतिक सिर्जना गर्न चाहने लेखक–साहित्यकार, पत्रकार, अन्वेषक–अनुसन्धाता, कलाकार–सङ्गीतकार आदिका लागि साधनास्थल उपलब्ध गराउन अतिथिगृह सञ्चालन गर्न थालिएको हो । शब्दयात्रा प्रकाशन र नीलकण्ठेश्वर धाम संरक्षण समितिको सहकार्यमा बनेपामा अवस्थित कृष्णगीता परिसर शब्दसाधक तीर्थ नीलकण्ठेश्वर धाममा सञ्चालित यस अतिथिगृहलाई ‘शब्दसाधक अतिथिगृह’ नाउँ दिइएको छ । अतिथिगृहको उद्घाटन शब्दयात्रा प्रकाशन १३ औँ वर्षमा प्रवेश गरेको अवसरमा आज जेठ १५ गते शब्दयात्रा प्रकाशनका आजीवन सदस्य लीलादेवी श्रेष्ठ र जग्गादाता कृष्णमणि कुइकेलकी आमा धनकुमारी कुइकेलले संयुक्त रूपमा गर्नुभएको छ । अध्यक्ष हरि मञ्जुश्रीद्वारा सञ्चालित आजको कार्यक्रमका प्रमुख अतिथि डा. बद्री पोखरेल र सभापति धनकुमारी कुइकेल हुनुहुन्थ्यो । अतिथिगृहको पहिलो अतिथि लेखक डा. इन्दुल केसी बन्नुभएको छ । उहाँले शब्दसाधक अतिथिगृहको आफू पहिलो अतिथि बन्ने घोषणा कार्यक्रममै गर्नुभएको थियो ।

शब्दसाधक अतिथिगृहको सञ्चालन यही महिनादेखि

admin

-

May 22, 2024

0

शब्दयात्रा प्रकाशन र नीलकण्ठेश्वर धाम संरक्षण समितिको सहकार्यमा बनेपामा अवस्थित कृष्णगीता परिसर शब्दसाधक तीर्थ नीलकण्ठेश्वर धाममा यही जेठ महिनादेखि शब्दसाधक अतिथिगृह सञ्चालन गरिने भएको छ । अतिथिगृहको उद्घाटन छिटै गरिने योजना छ । तत्कालका लागि नीलकण्ठेश्वर धाम संरक्षण समितिले आफ्नो भवनको एक तला अतिथिहरूका लागि छुट्याएको छ । पछि यसलाई विस्तार गर्दै लगिने कुरा समितिका अध्यक्ष कृष्णमणि कुइकेलले जानकारी गराउनुभएको छ । शब्दयात्रा प्रकाशन पुस्तकालयको उपयोग गरी एकान्त र रमणीय स्थानमा बसेर लेखन, सम्पादन, पठन, अन्वेषण, अनुसन्धान र साङ्गीतिक सिर्जना गर्न चाहने लेखक–साहित्यकार, अन्वेषक–अनुसन्धाता, कलाकार–सङ्गीतकार आदिका लागि साधनास्थल उपलब्ध गराउने लक्ष्य बमोजिम यो अतिथिगृह सञ्चालन गर्न लागिएको हो ।

२२९. सफल जीवनका लागि योग

publications

admin

-

0

जीवनका उद्देश्यहरू पूरा गरी जीवनलाई सफल बनाउनका लागि सानो सहयोग हुन्छ कि भनी विभिन्न शास्त्र, गुरु तथा अग्रजहरूले दिनुभएको योगको ज्ञान, प्रेरणा, दर्शन तथा सूत्रहरूलाई समावेश गरी दिवाकर जङ्गमद्वारा लिखित तथा सम्पादित ‘सफल जीवनका लागि योग’ पुस्तकको प्रथम संस्करण २०७६ सालमा प्रकाशन गरिएको थियो । त्यसपछि प्राप्त सुझाव बमोजिम योगमा आफ्ना अनुभव, गुरुका सन्देश, प्रेरणा तथा योगदर्शन र शास्त्रले मानव कल्याण र उन्नति–प्रगतिका लागि दिएको ज्ञान र मार्गदर्शनलाई आत्मसात गरी सर्वसाधारण मानिसले योगलाई कसरी लिने, कसरी योगको अभ्यास गर्ने, योग र ध्यानलाई कसरी प्रयोग गर्ने भनेर बुझ्न सजिलो होस् भनी यो दोस्रो संस्करण प्रकाशन गरिएको हो ।

२२८. दिलहरि श्रेष्ठका कविता

publications

admin

-

0

समाजसेवी, शिक्षासेवी, स्वास्थ्यसेवी, राजनीतिकर्मी, व्यवसायी, कवयित्री जे भने पनि उपयुक्त हुने व्यक्तित्व दिलहरि श्रेष्ठले आफ्नो जीवनकालमा धेरै कविता, गीत, भजन आदि लेख्नुभएको थियो होला, तर उहाँका सुपु्त्र डा. भूषण श्रेष्ठले आफ्नी आमाबाट नेपाली भाषामा लेखिएका नौवटा र नेपाल भाषामा लेखिएका दसवटा गरी जम्मा एक्काइसवटा भजन र कविता मात्रै भेट्टाउनुभएछ । त्यसपछि उहाँले तिनलाई सङ्ग्रहको आकार दिन आग्रह गर्नुभयो । त्यसैले यस सङ्ग्रहको प्रकाशन भएको हो ।

जेठमा समर्पण गरिने सम्मानहरू

admin

-

May 14, 2024

0

यही जेठ महिनामा समर्पण गरिने सम्मान र सम्मानितहरू — १. शब्दयात्रा रामकृष्ण श्रेष्ठ विज्ञान–प्रविधि सम्मान प्रा. डा. मुकेशकुमार चालिसे (ललितपुर), २. शब्दयात्रा हंसराज श्रेष्ठ सामाजिक जागरण सम्मान किरण थापा (सिन्धुली), ३. शब्दयात्रा कल्याण लम्साल सिर्जना सम्मान सिर्जना खनाल (रूपन्देही), ४. शब्दयात्रा अङ्गुरबाबा जोशी शिक्षक सम्मान किरण पौडेल आचार्य (बाँके), ५. शब्दयात्रा होमतोत्र शिक्षा सम्मान सुवास तामाङ (भोजपुर), ६. शब्दयात्रा नन्दिकेश्वर अधिकारी शोध सम्मान चूडाप्रसाद चौलागाईं (काभ्रेपलान्चोक), ७. शब्दयात्रा कालु वैद्य आयुर्वेद सम्मान रामलाल श्रेष्ठ (काठमाडौँ) । सम्मान ग्रहण गर्न स्वीकृति प्रदान गर्नुभएकोमा उहाँहरूप्रति शब्दयात्रा प्रकाशन परिवार हार्दिक आभार व्यक्त गर्दछ ।

प्रा. डा. मुकेशकुमार चालिसेलाई विज्ञान–प्रविधि सम्मान समर्पण गरिने

admin

-

May 14, 2024

0

शब्दयात्रा प्रकाशनले २०८१ सालको ‘शब्दयात्रा रामकृष्ण श्रेष्ठ विज्ञान–प्रविधि सम्मान’ प्रा. डा. मुकेशकुमार चालिसे (ललितपुर) मा समर्पण गर्ने भएको छ । नेपालका विभिन्न ठाउँमा भएका वन्यजन्तुहरूको बानीबेहोरा र विविध प्रणालीका बारेमा अध्ययन–अनुसन्धान गरी विशेषज्ञता हासिल गर्ने क्रममा उहाँले बाँदरका विषयमा विद्यावारिधि गरेर बाँदरका भाले र पोथीको खानाका विषयमा पहिलोपल्ट जानकारी दिई प्राणीहरूको वैज्ञानिक अध्ययन–अनुसन्धान गर्नमा नेपाल पनि सक्षम र सफल छ भन्ने सन्देश विश्वलाई दिनुभएको छ । नेपालका प्रसिद्ध प्राणीशास्त्री तथा वैज्ञानिकका रूपमा विश्वमा ख्याति आर्जन गर्नुभएका उहाँलाई यिनै योगदानका लागि सम्मान समर्पण गर्ने निर्णय गरिएको हो । यस सम्मानका लागि रामकृष्ण स्मृति प्रतिष्ठानले कोष व्यवस्थापन गरेको छ । यो सम्मान आगामी जेठ महिनाको अन्तिम सातामा समर्पण गरिनेछ । सम्मान्य व्यक्तित्व चयन समितिको बैठकले उहाँलाई यो सम्मान समर्पण गर्ने निर्णय गरेको हो । सम्मान ग्रहण गर्न स्वीकृति प्रदान गर्नुभएकोमा प्रा. डा. मुकेशकुमार चालिसेप्रति शब्दयात्रा प्रकाशन परिवार हार्दिक आभार व्यक्त गर्दछ ।

Welcome to Liberty Case

Welcome to Liberty Case

सम्मान कार्यक्रम जेठ २६ गते

तन्ना प्रदान

शब्दयात्रा प्रकाशन १३ औँ वर्षमा प्रवेश

अभिलेखको अनावरण

लेखकहरूका लागि निर्मित अतिथिगृहको उद्घाटन

शब्दसाधक अतिथिगृहको सञ्चालन यही महिनादेखि

२२९. सफल जीवनका लागि योग

२२८. दिलहरि श्रेष्ठका कविता

जेठमा समर्पण गरिने सम्मानहरू

प्रा. डा. मुकेशकुमार चालिसेलाई विज्ञान–प्रविधि सम्मान समर्पण गरिने