काठमाडौं विश्वविद्यालयको उपकुलपति पदमा प्रा. डा. रामकण्ठ माकजू श्रेष्ठ गत २०७३ साल माघ ७ गते ४ वर्षका लागि नियुक्त हुनुभएकोमा हार्दिक बधाई ज्ञापन गर्दछौं ।
शब्दयात्रा प्रकाशन परिवार
(नेपालभूमि साप्ताहिक पत्रिका, शब्दसञ्चार साप्ताहिक रेडियो कार्यक्रम, अक्षरधाम मासिक पत्रिका)
अक्षरधाम, बनेपा — १०, काभ्रे
यस संस्थाबाट संस्थापित प्रशासनिक महिला प्रतिभा सम्मानबाट सम्मानित शुभ श्रेष्ठ प्रश्रित प्रतिष्ठान नेपालबाट पनि सम्मानित हुनुभएकोमा हार्दिक बधाई अर्पण गर्दछौं ।
शब्दयात्रा प्रकाशन परिवार
अक्षरधाम, बनेपा — १०, काभ्रे
शब्दयात्रा कलाकार समाजका संयोजक हरि कर्माचार्य नेपाल साङ्गीतिक सङ्घ काभ्रे जिल्ला कार्यसमितिको सभापति निर्वाचित हुनुभएकोमा हार्दिक बधाई अर्पण गर्दछौं ।
शब्दयात्रा प्रकाशन परिवार
अक्षरधाम, बनेपा — १०, काभ्रे
शब्दयात्रा प्रकाशनले दैवी विपत्तिमा परेका लेखक, पत्रकार, कलाकार आदि वाङ्मयसेवीहरूलाई आर्थिक सहयोग गर्न चाहने सबै सहयोगीहरूलाई सजिलो होस् भन्ने उद्देश्यले नेपाल इन्भेस्टमेन्ट बैङ्क लिमिटेड बनेपा शाखामा अक्षरसेवी सहयोग कोषको खाता सञ्चालन गरेको छ ।
हिसाब नं. ००५०१०३०२५३७१० रहेको उक्त खातामा रकम जम्मा गरी सहयोगदाताहरूले दैवी विपत्तिमा परेका लेखक, पत्रकार, कलाकारहरूलाई आर्थिक सहयोग गर्न सक्ने जानकारी शब्दयात्रा प्रकाशनले गराएको छ ।
यस व्यवस्थाबाट सहयोगदाताहरूले शब्दयात्रा प्रकाशनको कार्यालयसम्म आउनुपर्ने अथवा कार्यक्रममा उपस्थित भएका बखत सहयोग गर्नुपर्ने बाध्यताबाट मुक्ति मिल्ने अपेक्षा गरिएको छ ।
शब्दयात्रा प्रकाशनको सक्रियतामा होटल हिमालयन होराइजनमा संस्थापित समाजसेवी बेलप्रसाद श्रेष्ठको प्रतिमाका विषयमा जानकारी गराउने उद्देश्यले शब्दयात्रा प्रकाशनले छुट्टै बुलेटिन प्रकाशित गरेको छ ।
नेपालका शैक्षिक शिरोभूषण डा. सुरेशराज शर्माद्वारा गत २०७३ वैशाख १७ गते अनावरित उक्त प्रतिमाका विषयमा जानकारी लिन चाहनेहरूका लागि उक्त बुलेटिन होटल हिमालयन होराइजनको आर्थिक सहयोगमा नेपाली र अङ्ग्रेजी गरी दुई भाषामा प्रकाशन गरिएको हो ।
शब्दयात्रा प्रकाशनले आगामी फागुन महिनामा समर्पण गर्नुपर्ने विभिन्न चार विधाका सम्मानका लागि उपयुक्त व्यक्ति अथवा संस्थाको चयन गरिदिन चार सदस्यीय सम्मानित व्यक्तित्व चयन समिति बनाएको छ । डा. मनीष पोखरेलको संयोजकत्वमा गठित उक्त समितिमा वीरेन्द्रबहादुर लाखे, खगेन्द्र आचार्य र रीमा खनाल सदस्य रहनुभएको छ । उहाँहरू चारैजना काठमाडौँ विश्वविद्यालयसँग आबद्ध हुनुहुन्छ ।
हरेक वर्षको फागुन महिनामा शब्दयात्रा प्रकाशनले उपहार, किरीट, नगद ५ हजार रुपियाँ र अभिवन्दनापत्रसहित आमसञ्चार, सामाजिक जागरण, शिक्षा र विज्ञान–प्रविधि विधामा सम्मान गर्ने गरेको छ । समितिले चयन गरेका व्यक्ति अथवा संस्था नै शब्दयात्रा प्रकाशनबाट सम्मानित हुनेछन् । पत्रिका र रेडियोबाट ती विधामा विशिष्ट योगदान गरेका व्यक्ति अथवा संस्थाको नाउँ सिफारिस गरी पठाउन आग्रह गरिएकोमा त्यसरी प्राप्त भएका नाउँहरूमध्येबाट चयन समितिले सम्मानयोग्य व्यक्ति अथवा संस्थाको नाउँ छान्नेछ र शब्दयात्रा प्रकाशनले त्यसैलाई अनुमोदन गर्नेछ ।
— रश्मि मञ्जुश्री
वि. सं. २०२५ सालमा खिचिएको यो दुर्लभ तस्बिर ऐतिहासिक महàवको छ । यस तस्बिरमा देखिने व्यक्तित्वहरूका कारण यो तस्बिर दुर्लभ भएको हो । तत्कालीन नेपाल राजकीय प्रज्ञाप्रतिष्ठानद्वारा आयोजित ‘अधिकार र कर्तव्य’ शीर्षकको कविता प्रतियोगितामा विजयी कवि–कवयित्रीहरूलाई राजा महेन्द्रबाट पुरस्कार वितरण गरिएपछि यो तस्बिर खिचिएको हो ।
तस्बिरमा बायाँबाट क्रमशः सङ्गीतशिरोमणि यज्ञराज शर्मा, नाट्यसम्राट बालकृष्ण सम, कथाकार तथा उपन्यासकार भवानी भिक्षु, गीतकार भैरवनाथ रिमाल ‘कदम’, राष्ट्रकवि माधवप्रसाद घिमिरे, कवि तथा गीतकार कालिप्रसाद रिजाल, राजा महेन्द्र (कवि मवीवि शाह), अज्ञात, साहित्यकार शरद्कुमार भट्टराई, कवि तथा गीतकार क्षेत्रप्रताप अधिकारी, कवि तथा पूर्वकुलपति केदारमान व्यथित र गायिका उर्मिला श्रेष्ठ देखिनुहुन्छ ।
उहाँहरूमध्ये गीतकार भैरवनाथ रिमाल ‘कदम’ ले शब्दयात्रा प्रकाशनबाट कविता–काव्य सम्मान प्राप्त गर्नुभएको छ भने गायिका उर्मिला श्रेष्ठले शब्दयात्रा प्रकाशनबाट हरेक वर्ष समर्पण गर्ने गरी ‘प्रशासनिक महिला प्रतिभा सम्मान’ का लागि आर्थिक व्यवस्थापन गरिदिनुभएको छ ।
अगाडि देखिएको सामग्रीचाहिँ यज्ञराज शर्माले निर्माण गर्नुभएको बाजा हो, जसलाई उहाँले राजा महेन्द्रमा अर्पण गर्नुभएको थियो ।
शब्दयात्रा प्रकाशनले शब्दयात्रा बहुआयामिक अनुसन्धान प्रतिष्ठान (शब्दयात्रा मल्टिडाइमेन्सनल रिसर्च एकेडेमी — सिम्रा) सम्बन्धी आवश्यक संरचना निर्माण गर्नका लागि संस्थाका अध्यक्ष हरि मञ्जुश्रीको अध्यक्षतामा निर्माण समितिको गठन गरेको छ । समितिको सचिवमा महाप्रबन्धक शारदाप्रसाद शर्मालाई तोकिएको छ । समितिका लागि आवश्यक सदस्यहरूको चयन गर्ने अधिकार अध्यक्षलाई नै प्रदान गरिएको छ ।
शब्दयात्रा बहुआयामिक अनुसन्धान प्रतिष्ठानका केही परियोजनाहरू शब्दयात्रा प्रकाशनको स्वामित्वमा काभ्रेको बनेपामा रहेको ‘कृष्ण–गीता परिसर’ मा सम्पन्न गर्ने निर्णय भएकाले निर्माण समितिले सर्वप्रथम त्यसै स्थानका लागि आवश्यक कार्य गर्ने भएको छ ।
शब्दयात्रा प्रकाशनले भाषा–साहित्य क्षेत्रको उन्नयनमा लागेबापत मृत्युवरण गरेका प्रथम साहित्यिक सहिद कृष्णलाल अधिकारी, लोकतान्त्रिक विचार प्रवाह गर्न पत्रिका प्रकाशन गरेका प्रथम लोकतान्त्रिक पत्रकार देवीप्रसाद सापकोटा, गीत–सङ्गीत क्षेत्रको प्रवद्र्धनका लागि पहिलोपटक गीत रेकर्ड गरेकी गायिका मेलवादेवी गुरुङ र निजी क्षेत्रबाट पहिलोपटक संस्थागत विद्यालयको स्थापना गरेका शिक्षासेवी आबाल ब्रह्मचारी षडानन्द अधिकारीको सालिक काभ्रेको बनेपामा राख्ने प्रयोजनका लागि आर्थिक सहयोग गर्न सबैमा अनुरोध गरेको छ ।
सबै सहयोगदाताहरूको नाउँ पत्रिकामा छापिने, रेडियोबाट प्रचार गरिने, शिलापत्रमा राखिने र विशेष सहयोगदातालाई विशेष सम्मान पनि गरिने भएकाले त्यसका लागि शब्दयात्रा प्रकाशन सिम्रा भवन निर्माण समितिको नाउँमा नेपाल इन्भेस्टमेन्ट बैङ्क लि. बनेपा शाखामा खोलिएको हि. नं. ००५०१०३०२५३७२७ रहेको खातामा रकम जम्मा गराई त्यसको जानकारी दिन पनि शब्दयात्रा प्रकाशनले अनुरोध गरेको छ ।
शब्दयात्रा नारी स्रष्टा समाजका सदस्य पुण्यवती घले धुलिखेल खानेपानी तथा सरसफाई उपभोक्ता समितिको सदस्य पदमा चुनिनुभएकोमा हार्दिक बधाई ज्ञापन गर्दछौं ।
शब्दयात्रा प्रकाशन
अक्षरधाम, बनेपा — १०, काभ्रे