शब्दयात्रा प्रकाशनका शुभचिन्तक सहकर्मी श्रीओम श्रेष्ठ रोदन डम्बरकुमारी गणेश आख्यान पुरस्कार २०७५ बाट पुरस्कृत हुनुभएकोमा हार्दिक बधाई ज्ञापन गर्दछौं ।
शब्दयात्रा कलाकार समाजका सल्लाहकार अग्रज लोकगायक मच्छेश्वर सापकोटा दीर्घ कलाकारिता सम्मानबाट सम्मानित हुनुभएकोमा हार्दिक बधाई ज्ञापन गर्दछौं ।
शब्दयात्रा समालोचना सम्मानबाट सम्मानित समालोचक प्रा. डा. केशवप्रसाद उपाध्यायलाई भाषा तथा साहित्य विधाको राष्ट्रिय प्रतिभा पुरस्कार र नेपालभूमि साप्ताहिकका स्तम्भकार उद्धवप्रसाद भट्टराईलाई संस्कृति विधाको प्रादेशिक प्रतिभा पुरस्कार संस्कृति, पर्यटन तथा नागरिक उड्डयन मन्त्रालयबाट प्रदान गरिने भएकाले दुवै स्रष्टाप्रति हार्दिक बधाई ज्ञापन गर्दछौं ।

शब्दयात्रा प्रकाशन

शब्दयात्रा प्रकाशनका मार्गदर्शक डा. सुरेशराज शर्मा ‘कुलचन्द्र कोइराला समाजसेवा सम्मान’ बाट र शब्दयात्रा कविता–काव्य सम्मानबाट सम्मानित आधुनिक आशुकवि रमेश खकुरेल ‘कुलचन्द्र कोइराला राष्ट्रिय पुरस्कार’ बाट सम्मानित तथा पुरस्कृत हुनुभएकोमा हार्दिक बधाई !

शब्दयात्रा प्रकाशन परिवार

यस संस्थाका सञ्चालक सदस्य तथा जग्गादाता कृष्णमणि कुइँकेल बनेपा नगर न्यायिक समितिमा निर्वाचित हुनुभएकोमा हार्दिक बधाई ज्ञापन गर्र्दै उहाँको कार्यकाल सफलता रहोस् भन्ने शुभकामना व्यक्त गर्दछौं ।

शब्दयात्रा प्रकाशन परिवार

यस संस्थाका शुभेच्छुक प्रसिद्ध सहित्यकार तथा चलचित्र निर्देशक यादव खरेल लायन्स क्लब अन्तर्राष्ट्रिय डिस्ट्रिक्ट ३२५ ए २ नेपालबाट सम्मानित हुनुभएकोमा हार्दिक बधाई !

शब्दयात्रा प्रकाशन परिवार

शब्दयात्रा प्रकाशनले आगामी जेठ ३१ गते सम्मान समर्पण तथा पुस्तक सार्वजनिकीकरण कार्यक्रम गर्ने भएको छ ।
उक्त कार्यक्रममा २०७५ सालमा समर्पण गरिने १८ वटा सम्मानहरूमध्ये ६ वटा सम्मान श्रीमती सावित्री जङ्गम थापा (ओखलढुङ्गा), नरेन्द्रबहादुर श्रेष्ठ (काठमाडौँ), सुभाष स्मृति प्रतिष्ठान (काठमाडौँ), द्रोणप्रसाद श्रेष्ठ (भोजपुर), नरेन्द्रकुमार अधिकारी (झापा) र रामप्रसाद अधिकारी (काभ्रेपलाञ्चोक) लाई समर्पण गरिनेछन् भने सरस्वती शर्मा सुवेदीद्वारा लिखित कथासङ्ग्रह ‘परेली’, पदमनाथ ढुङ्गानाद्वारा लिखित तथा गीता मञ्जुश्री र दामोदर घिमिरेद्वारा सम्पादित लेखसङ्ग्रह ‘कर्मयोद्धासँग शब्दसंवाद’ र डा. हेमराज काफ्लेद्वारा लिखित कवितासङ्ग्रह ‘अक्षरहरूको बिस्कुन’ गरी ३ वटा पुस्तकलाई सार्वजनिक गरिनेछ ।
कार्यक्रम काभ्रेको बनेपा, नीलकण्ठेश्वरधाममा आवस्थित शब्दयात्रा प्रकाशनको सभाकक्षमा हुने भएको छ ।

शब्दयात्रा प्रकाशनको १०३ औँ प्रकाशनपुष्पका रूपमा ‘अक्षरहरूको बिस्कुन’ नामक कवितासङ्ग्रह आउने भएको छ । उक्त सङ्ग्रहलाई यही जेठ महिनामा सार्वजनिक गरिने भएको छ ।
डा. हेमराज काफ्ले ‘अक्षरहरूको बिस्कुन’ का स्रष्टा हुनुहुन्छ । यसअघि अङ्ग्रेजी भाषामा उहाँको कवितासङ्ग्रह …………… प्रकाशित भएको थियो ।

शब्दयात्रा प्रकाशनबाट काभ्रेपलाञ्चोकको बनेपामा स्थापना गरिन लागेका सालिकहरूका लागि आर्थिक सहयोगस्वरूप मदनकाजी थापा (धनेश्वर, काभ्रे) ले ५ हजार १ सय ५० रुपियाँ र नानुदेवी कुइँकेल (बनेपा, काभ्रे) बाट ५ हजार १ सय रुपियाँ उपलब्ध गराउनुभएको छ ।
बनेपामा नेपालका प्रथम शिक्षासेवी, प्रथम लोकतान्त्रिक पत्रकार, प्रथम गायिका, प्रथम साहित्यिक सहिद र प्रथम वैज्ञानिकको सालिक स्थापना गर्न लागिएको हो ।

साझा लोकसाहित्य पुरस्कार प्रा. डा. कुलप्रसाद कोइरालाले र साझा बालसाहित्य पुरस्कार गोपाल पराजुलीले पाउनुभएकोमा उहाँहरूलाई हार्दिक बधाई !

— शब्दयात्रा प्रकाशन परिवार

शब्दयात्रा प्रकाशनले यही जेठ महिनामा समर्पण गरिने ६ विधाका सम्मानहरूका लागि योग्य व्यक्तित्वहरूको निर्णय गरेको छ । सम्मानित व्यक्तित्व चयन समितिको सिफारिसअनुसार सम्मान समर्पण गरिने व्यक्तिहरूको निर्णय गरिएको हो ।
निर्णय भएअनुसार प्रशासनिक महिला प्रतिभा सम्मानबाट नेपालकै प्रथम महिला महाप्रबन्धक श्रीमती सावित्री जङ्गम थापा (ओखलढुङ्गा) लाई र राष्ट्रझङ्कार सम्मानबाट नेपालका एकमात्र जराकलाकार नरेन्द्रबहादुर श्रेष्ठ (काठमाडौँ) लाई सम्मान गरिने भएको छ । यसै गरी शब्दयात्रा प्रकाशनबाट २०७४ सालभरि प्रकाशित २० वटा पुस्तकहरूमध्ये पाठकहरूको दृष्टिमा उत्तम ठहरिएको पुस्तक ‘केही दृष्टि केही दृष्टिकोण’ नामक निबन्धसङ्ग्रहका लागि लेखक द्रोणप्रसाद श्रेष्ठ (भोजपुर) लाई शब्दयात्रा सिर्जना सम्मानबाट र कश्यपगोत्रीय अधिकारीको वृहत् वंशावली तयार पार्ने नरेन्द्रकुमार अधिकारी (झापा) लाई नन्दिकेश्वर अधिकारी शोध सम्मानबाट सम्मान गरिने निर्णय गरिएको छ । काभ्रे जिल्लामा विभिन्न सामाजिक कार्यहरू गरिरहेको संस्था सुभाष स्मृति प्रतिष्ठान (काठमाडौँ) सामाजिक जागरण सम्मानबाट र शिक्षासेवी रामप्रसाद अधिकारी (काभ्रेपलाञ्चोक) शिक्षक सम्मानबाट सम्मानित हुनुहुने भएको छ ।
यीमध्ये शिक्षक सम्मान यसै वर्ष पहिलोपटक समर्पण गर्न लागिएको हो । अन्य सम्मानहरूबाट गत वर्ष सुधा कोइराला न्यौपाने, बुद्धिनारायण श्रेष्ठ, ज्ञानेन्द्रराज भट्टराई, डा. टीकाराम अधिकारी र लभग्रीन नेपाललाई सम्मान गरिएको थियो ।
शब्दयात्रा प्रकाशनबाट हरेक वर्ष प्रदान गरिने १८ विधाका सम्मानहरूमध्ये जेठ महिनामा ६ विधाका सम्मान समर्पण गर्न लागिएको हो । बाँकी १२ विधाका सम्मानहरूमा ६ विधाका सम्मान आगामी असोज महिनामा र ६ विधाका सम्मान आगामी माघ महिनामा समर्पण गरिनेछन् ।
जेठ महिनामा समर्पण गरिने सम्मानहरूका लागि शब्दयात्रा प्रकाशनले डा. रजनी शाक्यको संयोजकत्वमा इ. लक्ष्मण खड्का र देवराज अधिकारी सदस्य रहेको तीन सदस्यीय सम्मानित व्यक्तित्व चयन समिति बनाएको थियो । उहाँहरू तीनैजना काठमाडौँ विश्वविद्यालयसँग आबद्ध हुनुहुन्छ ।
उल्लिखित सम्मानहरूको आर्थिक व्यवस्थापकहरूमा श्रीमती उर्मिला श्रेष्ठ भोजपुरे, कृष्णहरि मैनाली, कल्याण लम्साल, गीता मञ्जुश्री अधिकारी, आनन्दराज श्रेष्ठ र निर्मलाकुमारी यगोल श्रेष्ठ रहनुभएको छ । सम्मान समर्पण गर्दा ५ हजार रुपियाँ, प्रमाणपत्र, किरीट र उपहार समर्पण गर्ने गरिएको छ ।