शब्दयात्रा प्रकाशनले विगतका वर्षहरूमा झैँ आगामी २०७६ सालको जेठ महिनामा पनि निम्नलिखित ६ विधामा सम्मान समर्पण गर्ने भएको छ । ती सम्मानहरूका लागि उपयुक्त व्यक्ति वा संस्थाको नाउँ आगामी वैशाख २० गतेभित्र उपलब्ध गराइदिन सबैमा अनुरोध छ ।
१. शब्दयात्रा प्रशासनिक महिला प्रतिभा सम्मान (गत वर्ष सावित्री जङ्गम थापा सम्मानित)
२. शब्दयात्रा राष्ट्रझङ्कार सम्मान (गत वर्ष नरेन्द्रबहादुर श्रेष्ठ सम्मानित)
३. शब्दयात्रा नन्दिकेश्वर अधिकारी शोध सम्मान (गत वर्ष नरेन्द्रकुमार अधिकारी सम्मानित)
४. शब्दयात्रा सिर्जना सम्मान (गत वर्ष द्रोणप्रसाद श्रेष्ठ सम्मानित)
५. शब्दयात्रा शिक्षक सम्मान (गत वर्ष रामप्रसाद अधिकारी सम्मानित)
६. शब्दयात्रा सामाजिक जागरण सम्मान (गत वर्ष सुभाष स्मृति प्रतिष्ठान सम्मानित)

शब्दयात्रा प्रकाशन
अक्षरधाम, नीलकण्ठेश्वर, बनेपा — ६, काभ्रे
दूरभाषाङ्क : ०११–४१५२१५, इमेल : [email protected]

शब्दयात्रा प्रकाशनले कवि पदम दाहालका पद्य र गद्य दुईथरि कविताहरूको सङ्ग्रह ‘बादलका तरेलीहरू’ प्रकाशन गर्ने भएको छ ।
उक्त कवितासङ्ग्रहलाई आगामी २०७६ साल जेठमा आयोजना गरिने सम्मान समर्पण तथा पुस्तक सार्वजनिकीकरण समारोहमा सार्वजनिक गरिने भएको छ ।

शब्दयात्रा प्रकाशनद्वारा स्थापित पुस्तकालयको व्यवस्थापनका लागि दुईजना दाताले १० हजार ३ सय ८० रुपियाँ आर्थिक सहयोग गर्नुभएको छ ।
शब्दयात्रा मनका श्रेष्ठ महिला प्रतिभा सम्मानका अक्षयकोषदाता द्रोणप्रसाद श्रेष्ठ (पेप्सिकोला, काठमाडौँ) ले ५ हजार २ सय ५५ रुपियाँ र सुभद्रा श्रेष्ठ (शोभाहिटी, कुसुन्ती, ललितपुर) ले पति केशरबहादुर श्रेष्ठको स्मृतिमा ५ हजार १ सय २५ रुपियाँ आर्थिक सहयोग गर्नुभएको हो ।

शब्दयात्रा प्रकाशनले २०७६ सालको ‘शब्दयात्रा कर्मशीलता पुरस्कार’ दामोदर घिमिरेलाई प्रदान गर्ने भएको छ । पुरस्कारको राशी १० हजार रुपियाँ रहेको छ । पुरस्कारमा शब्दयात्रापट्ट र प्रमाणपत्र पनि प्रदान गरिन्छ ।
शब्दयात्रा प्रकाशनको उन्नति–प्रगतिका लागि विभिन्न क्षेत्रबाट सहयोग गर्ने व्यक्तिलाई हरेक वर्ष यो पुरस्कार प्रदान गर्ने गरिन्छ । यो पुरस्कार २०७४ सालमा पदमनाथ ढुङ्गानालाई र २०७५ सालमा शिवप्रसाद बन्जारालाई प्रदान गरिएको थियो ।

शब्दयात्रा प्रकाशनको नियमित साप्ताहिक प्रवचन कार्यक्रम ‘कर्मयोद्धासँग शब्दसंवाद’ को ८१ औँ शृङ्खला गत २०७५ साल चैत १५ गते शुक्रबार शब्दयात्रा प्रकाशनको सभाकक्षमा सम्पन्न भयो । उक्त कार्यक्रममा प्रमुख वक्ताका रूपबाट शिक्षासेवी इन्द्रप्रसाद घिमिरेले सङ्क्षिप्त रूपमा आफ्नो जीवनवृत्त र विस्तृत रूपमा वर्तमान शिक्षाप्रणालीप्रतिको आफ्नो धारणा राख्नुभएको थियो । ज्यो. पं. रमेश अधिकारीको सभापतित्व र समाजसेवी तथा आध्यात्मिक व्यक्तित्व परशुराम ढुङ्गेलको प्रमुख आतिथ्यमा सम्पन्न उक्त कार्यक्रमको सञ्चालन दामोदर घिमिरेले गर्नुभएको थियो ।
उक्त कार्यक्रममा शब्दयात्रा प्रकाशनका अध्यक्ष हरि मञ्जुश्री, महाप्रबन्धक शारदाप्रसाद शर्मा, ‘नेपालभूमि राष्ट्रिय साप्ताहिक’ का कार्यकारी सम्पादक चूडाप्रसाद चौलागाईं, लेखकहरू केदारनाथ तिमल्सिना, पुण्यवती घले, पूर्णबहादुर कार्की, सहदीप पलान्चोके, व्यवस्थापनविद् श्री शर्मा मूर्ख तथा नवराज पराजुली, नानुदेवी कुइँकेल, चन्द्रमान सुवाल, लालप्रसाद पौडेल, शम्भुप्रसाद कुइँकेल, पुरुषोत्तम हुमागाईं र रीक्षा घिमिरे आदिको समुपस्थिति रहेको थियो ।

शब्दयात्रा प्रकाशनले ‘भोजप्रबन्ध’ नामक कृति प्रकाशन गर्न लागेको छ । नेपाल र भारतमा प्रसिद्ध रहेको कृति ‘भोजप्रबन्ध’ लाई गद्य र पद्य मिश्रित चम्पु विधामा नेपाली भाषामा श्रीधर प्याकुरेलले अनुवाद गर्नुभएको हो ।
राजा भोज र महाकवि कालिदासका अनेक रोचक प्रसङ्गहरू रहेको ‘भोजप्रबन्ध’ मूल संस्कृत भाषामा लेखिएको छ । यसको अनुवाद हिन्दी र अङ्ग्रेजीलगायत विभिन्न भाषाहरूमा भइसकेको छ ।
यो कृति शब्दयात्रा प्रकाशनको १२० औँ प्रकाशनपुष्प हुनेछ ।

शब्दयात्रा साहित्यिक पत्रिका सम्मान, २०७० बाट सम्मानित ‘अभिव्यक्ति’ साहित्यिक पत्रिकाका सम्पादक नगेन्द्रराज शर्मा बद्री राष्ट्रिय कलाश्री पत्रकारिता पुरस्कार, २०७५ बाट पुरस्कृत हुनुभएकोमा हार्दिक बधाई ज्ञापन गर्दछौं ।

शब्दयात्रा प्रकाशन परिवार

शब्दयात्रा सामाजिक जागरण सम्मान, २०७२ बाट सम्मानित अग्रज समाजसेवी भीमबहादुर अधिकारीकी धर्मपत्नी रेवती अधिकारीको स्वर्गारोहण भएकाले गतात्माको चिरशान्तिको कामना गर्दै शोकसन्तप्त परिवारजनमा धैर्य धारण गर्ने शक्ति प्राप्त होस् भनी भगवान्सँग प्रार्थना गर्दछौं ।

शब्दयात्रा प्रकाशन परिवार