Shabdayatra Prakashan

शब्दयात्रा प्रकाशनले ओतबहादुर खड्काद्वारा अनूदित कृति ‘वेद के भन्छ ?’ प्रकाशन गरेको छ । उक्त कृति शब्दयात्रा प्रकाशनको १२७ औँ प्रकाशनपुष्प हो ।
शब्दयात्रा प्रकाशनको आगामी कार्यक्रममा उक्त कृतिलाई सार्वजनिक गरिने भएको छ ।

विराटनगरबाट बनेपा आएको एउटा टोलीले शब्दयात्रा प्रकाशन पुस्तकालयको अवलोकन ग¥यो । शब्दयात्रा प्रकाशनद्वारा स्थापित उक्त पुस्तकालयमा हाल करिब ७ हजार पुस्तकहरू रहेका छन् ।
कवि तथा भाषा–अन्वेषक भक्ति दाहाल ‘विस्फोट’ को नेतृत्वमा आएको उक्त टोलीमा चेतना अधिकारी, दीपिका अधिकारी, शिखा दाहाल, उमङ्ग अधिकारी र सानु दाहाल थिए । टोलीले शब्दयात्रा प्रकाशनद्वारा स्थापित सालिकहरू र शारदा मन्दिरको अवलोकन गर्नुका साथै कृष्णमणि कुइँकेलको सक्रियतामा निर्माण भएका नीलकण्ठेश्वर महादेव, विष्णुपादुका र हनुमानको दर्शन गरेको थियो ।

शब्दयात्रा प्रकाशन सम्मान्य व्यक्तित्व चयन समिति (११ औँ ) का सदस्य महेन्द्रकुमार निरौलाका पूजनीय पिता देवेन्द्रकुमार निरौलाको देहावसानबाट हामी पनि व्यथित बनेका छौँ । शोकग्रस्त परिवारजनप्रति सहानुभूति व्यक्त गर्दै गतात्मालाई आफूमा लीन गराउन नीलकण्ठेश्वर महादेवसँग प्रार्थना गर्दछौं ।

शब्दयात्रा प्रकाशन परिवार

काव्यकार मुक्ति शर्माद्वारा लिखित ‘पाण्डवायण’ नामक नव्यकाव्य प्रकाशन हुन लागेको छ । यसअघि उहाँको पुस्तक ‘गीता–माली’ शब्दयात्रा प्रकाशनबाट दुई संस्करण प्रकाशित भएको थियो ।
महाभारतको कथामा आधारित ‘पाण्डवायण’ द्रौपदीसहित पाण्डुपुत्रहरूको गाथा हो । शब्दयात्रा प्रकाशनको स्थापना भएपछि काभ्रेपलान्चोक जिल्लामा काव्यको लेखन र प्रकाशनमा तीव्रता आएको छ ।

शब्दयात्रा प्रकाशनले आध्यात्मिक लेखक तुतुकाजी प्रणामी श्रेष्ठद्वारा लिखित तथा शब्दयात्रा प्रकाशनद्वारा प्रकाशित ‘तारतमरस’ नामक पुस्तकलाई इ. रोशन मञ्जुश्री अधिकारीको सक्रियतामा ‘इ–बुक’ का रूपमा तयार पारेको छ ।
‘तारतमरस’ पुस्तकलाई सस्वर वाचन गरेर तयार पारिएको उक्त पुस्तक शब्दयात्रा प्रकाशनको यस प्रकारको पहिलो पुस्तक हो । उक्त पुस्तक शब्दयात्रा प्रकाशनको वेबसाइट र यु–ट्युबबाट सुन्न र हेर्न पाइनेछ ।

शब्दयात्रा प्रकाशनबाट पुस्तक प्रकाशन गराउनुभएका लेखकहरूले आफ्ना कृतिहरू वेबसाइटमा राख्न चाहनुभएको छ भने संस्थामा सम्पर्क राख्न अनुरोध छ ।
डा. इन्दुल केसी, कविप्रसाद प्याकु¥याल, पोष चापागाईं र हरि मञ्जुश्रीका विषयमा साहित्यिक अध्ययन गर्नुपरे sypublication.com.np बाट गर्न सकिन्छ ।

शब्दयात्रा प्रकाशन

महाकाली, महालक्ष्मी र महासरस्वतीले २०७६ सालको विजयादशमीको अवसरमा शब्दयात्रा प्रकाशनका सबै शुभचिन्तकको मनोकामना पूर्ण गराइदिउन् ।

शब्दयात्रा प्रकाशन परिवार

शब्दयात्रा हरिगोपाल प्रधान फोटो पत्रकारिता सम्मानबाट २०७५ सालमा सम्मानित अग्रज फोटो पत्रकार वैकुण्ठकृष्ण श्रेष्ठको भौतिक शरीर पञ्चतàवमा विलीन भएको छ । उहाँको दिवङ्गत आत्मा परमात्मामा लीन होस् भन्ने प्रार्थना गर्दै शोकाकुल परिवारजनप्रति हार्दिक समवेदना व्यक्त गर्दछौं ।

शब्दयात्रा प्रकाशन परिवार