शब्दयात्रा प्रकाशनले २०७६ सालको आमसञ्चार सम्मानबाट ध्रुवहरि अधिकारी (ओखलढुङ्गा), शिक्षा सम्मानबाट डा. केदारनाथ श्रेष्ठ (ललितपुर), आध्यात्मिक पत्रकारिता सम्मानबाट भक्तिदर्शन टेलिभिजन (ललितपुर), साहित्यिक पत्रिका सम्मानबाट नवप्रज्ञापन त्रैमासिक (काठमाडौँ), फोटो पत्रकारिता सम्मानबाट राजेन्द्र चित्रकार (काठमाडौँ) र नेपालभूमि स्तम्भकार सम्मानबाट टीपी शर्मा तिमिल्सिना (काभ्रेपलान्चोक) लाई सम्मान गर्ने निर्णय गरेको छ । २०७६ सालको दोस्रो चरणको सम्मान कार्यक्रमअन्तर्गत उहाँहरूलाई सम्मान गर्न लागिएको हो ।
पदम दाहालको संयोजकत्वमा पशुपतिमान पःमाँ र भवानी पाण्डे सदस्य रहेको तीन सदस्यीय सम्मान्य व्यक्तित्व चयन समितिको सिफारिसका आधारमा उहाँहरूलाई सम्मान गर्ने निर्णय गरिएको हो ।
यी सम्मानहरूको आर्थिक व्यवस्थापन सुनील सापकोटा, रमेश पौडेल, सुदर्शन आचार्य, योगेन्द्र खत्री, हरिगोपाल प्रधान र ‘नेपालभूमि’ राष्ट्रिय साप्ताहिक पत्रिकाबाट गरिएका हुन् । सम्मान गर्दा अभिवन्दनापत्रका साथमा ५ हजार रुपियाँ, किरीट, रुद्राक्षको माला र उपहार समर्पण गर्ने गरिन्छ ।
