Shabdayatra Prakashan | Banepa – Akshyardham

शब्दयात्रा प्रकाशनबाट नेपालको प्राचीन इतिहासका भ्रम निवारण गर्ने पुस्तक छापिँदै

admin

-

December 23, 2020

शब्दयात्रा प्रकाशनबाट ‘नेपालको प्राचीन इतिहास भ्रम तथा निवारण’ नामक पुस्तक प्रकाशन हुने भएको छ । अनुसन्धाता भरतमणि जङ्गमद्वारा लिखित यो पुस्तक शब्दयात्रा प्रकाशनको १ सय ४९ औँ प्रकाशनपुष्प हो । जम्मा २ सय ६४ पृष्ठको यस पुस्तकको मूल्य ४ सय रुपियाँ राखिएको छ ।
यस पुस्तकमा भिँद्यो महाभारतकालीन भीमसेन होइनन्, चाँगुनारायणको नाउँ दोलाशिखर स्वामी होइन, अनन्तलिङ्गेश्वर लोकपाल स्वामी शैवदेवता हुन्, हलिपट नागनागिनी होइन तथा धनेश्वर महादेव र त्यसको ऐतिहासिक पृष्ठभूमि जस्ता १३ वटा लेखहरू राखिएका छन् ।
यस पुस्तकमा प्राचीन नेपालको इतिहासलेखनमा देखिएका अपुष्ट, अव्याख्येय, अतार्किक र असान्दर्भिक विषयलाई पुष्टि गर्ने, व्याख्या गर्ने, तर्कसम्मत बनाउने, सान्दर्भिकता प्रदान गर्ने र अपव्याख्या भएका प्रसङ्गलाई सही व्याख्या गरेर इतिहासलेखनलाई प्रामाणिक स्वरूप दिने लेखहरू रहेकाले यस पुस्तकबाट प्राचीन नेपालको इतिहासलेखनमा देखापरेका भ्रमहरूको निवारण गर्न सकिने र हालसम्मको पछिल्लो अनुसन्धान यही नै भएकाले यसपछिको अनुसन्धानले यसभित्रका किटानीहरूको खण्डन नगरेसम्म प्राचीन नेपालको इतिहासमा देखापरेका केही भ्रमहरूको अन्तिम निवारण यही नै हो भनेर स्वीकार गर्नुपर्ने कुरा प्रकाशन संस्थाका अध्यक्ष हरि मञ्जुश्रीले बताउनुभएको छ ।

शब्दयात्रा प्रकाशनका अध्यक्ष सम्मानित

Activities

admin

-

December 23, 2020

0

शब्दयात्रा प्रकाशनका संस्थापक अध्यक्ष हरि मञ्जुश्रीलाई विश्व हिन्दू महासङ्घ नेपालको बागमती प्रदेश कार्यसमितिले सम्मान गरेको छ । वैदिक सनातन धर्म–संस्कृतिको संरक्षण र सम्वर्धनमा उहाँले पु¥याउनुभएको विशेष योगदानको स्मरण गर्दै उहाँलाई सम्मान गरिएको कुरा सो संस्थाले जनाएको छ ।
विश्व हिन्दू महासङ्घका केन्द्रीय उपाध्यक्ष एवं बागमती प्रदेश प्रमुख, केन्द्रीय सचिव, बागमती प्रदेश सहसचिव र काभ्रे जिल्ला कार्यसमितिका सहसचिवले गत मङ्सिर २६ गते शुक्रबार उहाँकै निवासमा पुगी उहाँलाई सम्मानपत्र र दोसल्ला समर्पण गरी सम्मान गर्नुभएको थियो ।

सम्मानका लागि नाम सिफारिस पठाउन अनुरोध

admin

-

December 23, 2020

0

शब्दयात्रा प्रकाशनले हरेक वर्ष १८ विधामा राष्ट्रिय व्यक्तित्वहरूलाई सम्मान समर्पण गर्दै आएकोमा २०७७ सालका लागि दोस्रो चरणका ९ विधामा सम्मानहरू समर्पण गर्न निम्नलिखित विधाका लागि उपयुक्त व्यक्ति वा संस्थाको नाउँ र योगदानको विवरण आगामी २०७७ साल पुस २० गतेभित्र शब्दयात्रा प्रकाशनको इमेल [email protected] मा पठाइदिन इच्छुक सबैमा अनुरोध छ । प्राप्त भएका सिफारिसमध्येबाट नै तीन सदस्यीय चयन समितिले हरेक विधामा सम्मान गरिने व्यक्ति वा संस्थाको चयन गर्नेछ ।
दोस्रो चरणमा समर्पण गरिने सम्मानहरू —

(१) शब्दयात्रा सुब्बा देवीप्रसाद सापकोटा आमसञ्चार सम्मान (आमसञ्चार विधामा योगदान गर्ने विशिष्ट व्यक्ति वा संस्थालाई समर्पण गरिने । गत वर्ष ध्रुवहरि अधिकारी सम्मानित),
(२) शब्दयात्रा सुब्बा कृष्णलाल अधिकारी साहित्यिक पत्रिका सम्मान (नेपालबाट प्रकाशित साहित्यिक पत्रिकाहरूमध्ये चयन भएको पत्रिकालाई समर्पण गरिने । गत वर्ष नवप्रज्ञापन सम्मानित),
(३) शब्दयात्रा बालागुरु षडानन्द अधिकारी आध्यात्मिक पत्रकारिता सम्मान (आध्यात्मिक पत्रकारिताका माध्यमबाट विशिष्ट योगदान गर्ने पत्रिका, सञ्चार–माध्यम, कार्यक्रम सञ्चालक, प्रवक्ता एवं प्रवाचकहरूलाई समर्पण गरिने । गत वर्ष भक्तिदर्शन टेलिभिजन सम्मानित),
(४) शब्दयात्रा रत्नदेवी प्रधान फोटो पत्रकारिता सम्मान (फोटो पत्रकारिता क्षेत्रमा विशिष्ट योगदान गर्ने महानुभावलाई समर्पण गरिने । गत वर्ष राजेन्द्र चित्रकार सम्मानित),
(५) शब्दयात्रा मेलवादेवी गुरुङ महिला प्रतिभा सम्मान (प्रतिभावान् महिलाहरूमध्येबाट चयन भएका महिलालाई समर्पण गरिने । गत वर्ष रागिनी उपाध्याय सम्मानित),
(६) शब्दयात्रा विष्णुमाया–टीकाप्रसाद बालसाहित्य सम्मान (उत्कृष्ट बालसाहित्य सर्जकलाई समर्पण गरिने । गत वर्ष प्रा. रामकुमार पाँडे सम्मानित),
(७) शब्दयात्रा गोपाल प्रधान समालोचना सम्मान (समालोचनाका क्षेत्रमा विशिष्ट योगदान गर्ने समालोचकलाई समर्पण गरिने । गत वर्ष प्रा. राजेन्द्र सुवेदी सम्मानित),
(८) शब्दयात्रा वसन्त शर्मा कविता–काव्य सम्मान (कविता–काव्य विधामा उल्लेख्य योगदान गरेका सर्जकलाई समर्पण गरिने । गत वर्ष प्रा. डा. रमेशचन्द्र अधिकारी सम्मानित),
(९) शब्दयात्रा जयदेव अधिकारी अनुसन्धान सम्मान (अनुसन्धानका क्षेत्रमा विशिष्ट योगदान गर्ने अनुसन्धातालाई समर्पण गरिने । गत वर्ष डिल्लीराम मिश्र श्रमजीवी सम्मानित) ।

शब्दयात्रा प्रकाशन
अक्षरधाम, नीलकण्ठेश्वर, बनेपा — ६, काभ्रे
दूरभाषाङ्क — ०११–४१५२१५

शब्दसञ्चारः पौष ०७, २०७७

Playlist

admin

-

December 22, 2020

0

Episode 37 – Shabda Sanchar 26:38

शब्दसञ्चारः मंसिर ३०, २०७७

Playlist

admin

-

December 15, 2020

0

Episode 36 – Shabda Sanchar 28:02

शब्दसञ्चारः मंसिर २३, २०७७

Playlist

admin

-

December 8, 2020

0

Episode 35 – Shabda Sanchar 25:30

शब्दसञ्चारः मंसिर १६, २०७७

Playlist

admin

-

December 1, 2020

0

Episode 34 – Shabda Sanchar 30:33

पहिलो बाछिटासङ्ग्रह ‘त्रिरत्न’ सार्वजनिक

Activities

admin

-

November 29, 2020

0

‘त्रिरत्न’ नाउँबाट नेपाली साहित्यको पहिलो बाछिटासङ्ग्रहका रूपमा शब्दयात्रा प्रकाशनद्वारा प्रकाशित पुस्तकलाई सार्वजनिक गरिएको छ । शब्दयात्रा प्रकाशनको आयोजनामा गत २०७७ साल मङ्सिर १३ गते शनिबार भएको विशेष कार्यक्रममा उक्त पुस्तकलाई सार्वजनिक गरिएको हो । ‘त्रिरत्न’ शब्दयात्रा प्रकाशित १ सय ४८ औँ पुस्तक हो ।
विष्णु भट्टराई विभु, केशव बैरागी माइँलो र अम्बिका धितालद्वारा लिखित बाछिटा विधाका कविताहरूको सङ्ग्रह ‘त्रिरत्न’ मा १ हजार १ बाछिटाहरू सङ्कलित छन् ।
बनेपामा अवस्थित शब्दयात्रा प्रकाशनको सभाकक्षमा सम्पन्न उक्त कार्यक्रममा प्रमुख अतिथिका रूपबाट नेपाल संस्कृत विश्वविद्यालयका पूर्वउपकुलपति तथा समालोचक प्रा. डा. कुलप्रसाद कोइरालाले ‘त्रिरत्न’ लाई सार्वजनिक गर्नुभएको हो । कार्यक्रमका अतिथि ग्रन्थसम्पादक जीवनचन्द्र कोइराला र कवयित्री भारती न्यौपाने दाहाल हुनुहुन्थ्यो । गीता अधिकारी, सङ्गीता केसी र सहदीप पलान्चोकेले अन्य भूमिका निर्वाह गर्नुभएको थियो ।
शब्दयात्रा प्रकाशनका संस्थापक अध्यक्ष हरि मञ्जुश्रीको सभापतित्वमा सम्पन्न उक्त कार्यक्रममा पुस्तकका सम्पादक उपप्राध्यापक शेषनाथ पौडेलले बाछिटा विधा र पहिलो बाछिटासङ्ग्रहका रूपमा प्रकाशित ‘त्रिरत्न’ कवितासङ्ग्रहका बारेमा बोल्नुभएको थियो भने कृतिकारद्वय विष्णु भट्टराई विभु र अम्बिका धितालले मन्तव्यसहित केही बाछिटाहरू वाचन गर्नुभएको थियो । अर्का सर्जक केशव बैरागी माइँलो अमेरिकामा हुनुभएकाले उपस्थित हुन सक्नुभएको थिएन ।
पुण्यवती घलेद्वारा सञ्चालित उक्त कार्यक्रममा पं. रमेश अधिकारीले स्वस्तिवाचन, महाप्रबन्धक शारदाप्रसाद शर्माले स्वागत मन्तव्य र कार्यक्रमको मूल्याङ्कनसहित सभाविसर्जन लेखिका निर्मला श्रेष्ठले गर्नुभएको थियो । कार्यक्रमको प्रत्यक्ष प्रसारण पनि गरिएको थियो र त्यसको प्रबन्ध सफ्टवेयर इन्जिनियर रोशन मञ्जुश्री अधिकारीले मिलाउनुभएको थियो ।

शब्दयात्रा पुस्तकालयलाई दराज प्रदान

Activities

admin

-

November 29, 2020

0

शब्दयात्रा प्रकाशनद्वारा सञ्चालित शब्दयात्रा प्रकाशन पुस्तकालयका लागि सामुदायिक सेवा केन्द्र र रोटरी क्लब अफ धुलिखेलले गत २०७७ साल मङ्सिर १३ गते शनिबार पुस्तक राख्नका लागि काठका एक–एक थान दराज शब्दयात्रा प्रकाशनलाई सहयोगस्वरूप प्रदान गरेका छन् ।
सामुदायिक सेवा केन्द्रका तर्फबाट अध्यक्ष अशोक श्रेष्ठले र रोटरी क्लब अफ धुलिखेलका तर्फबाट अध्यक्ष सुशील ब्यान्जू र मनीष यगोलले हस्तान्तरण गर्नुभएका ती दराजहरू शब्दयात्रा प्रकाशनका अध्यक्ष हरि मञ्जुश्रीले ग्रहण गर्नुभएको थियो ।

पुस्तकालयलाई पुस्तक उपहार

Activities

admin

-

November 29, 2020

0

शब्दयात्रा प्रकाशन पुस्तकालयका लागि कुलचन्द्र कोइराला स्मृति प्रतिष्ठानले आफ्नो प्रकाशनका केही पुस्तकहरू उपहारस्वरूप प्रदान गरेको छ ।
प्रतिष्ठानका कोषाध्यक्ष जीवनचन्द्र कोइरालाले गत २०७७ साल मङ्सिर १३ गते शनिबार पुस्तकहरू हस्तान्तरण गर्नुभएको थियो भने पुस्तकालयका तर्फबाट पं. रमेश अधिकारीले ती पुस्तकहरू ग्रहण गर्नुभएको थियो ।
यसै गरी कवि सोमकाजी शाक्यले पनि शब्दयात्रा प्रकाशन पुस्तकालयका लागि केही पुस्तक–पत्रिकाहरू प्रदान गर्नुभएको छ ।