Shabdayatra Prakashan

शब्दयात्रा प्रकाशनबाट २०७७ सालको दुवै चरणमा सम्मानित हुनका लागि स्वीकृति दिनुभएकोमा तुलसी दिवस (धनकुटा), यादव खरेल (काभ्रेपलान्चोक), ठाकुरप्रसाद मैनाली (काभ्रेपलान्चोक), डा. जगमान गुरुङ (कास्की), डा. मनप्रसाद वाग्ले (काठमाडौँ), दधिराज सुवेदी (भोजपुर), हिरण्यकुमारी पाठक (काठमाडौँ), देवीप्रसाद चापागाईं (धादिङ), डा. अरुणा उप्रेती (काठमाडौँ), डा. योगी विकासानन्द (काठमाडौँ), डा. योगेन्द्रभक्त मल्ल श्रेष्ठ (काठमाडौँ), प्रमोद प्रधान (मोरङ), जीवनचन्द्र कोइराला (रौतहट), एक्कुमाया पुन (गुल्मी), पदम दाहाल (सङ्खुवासभा), प्रजापति तिमिल्सिना (कास्की), नवमाधुरी साहित्यिक पत्रिका (पर्वत) र प्रकाश मास्के (ललितपुर) प्रति हार्दिक आभार व्यक्त गर्दछौँ ।

शब्दयात्रा प्रकाशन परिवार

शब्दयात्रा प्रकाशनबाट संस्थापित ‘शब्दयात्रा विज्ञान–प्रविधि सम्मान’ बाट २०७० सालमा सम्मानित हुनुभएका अग्रज इन्जिनियर शङ्करनाथ रिमाल एक लाख रुपियाँ राशिको नइ कीर्तिनिधि पुरस्कारबाट पुरस्कृत हुनुभएकोमा हर्षित बन्दै शब्दयात्रा प्रकाशन परिवार उहाँलाई हार्दिक बधाई ज्ञापन गर्दछ ।

शब्दयात्रा प्रकाशन परिवार

शब्दयात्रा प्रकाशनबाट संस्थापित ‘शब्दयात्रा समालोचना सम्मान’ बाट २०७५ सालमा सम्मानित हुनुभएका अग्रज समालोचक प्रा. डा. वासुदेव त्रिपाठी एक लाख रुपियाँ राशिको नइ ईश्वर बराल पुरस्कारबाट पुरस्कृत हुनुभएकोमा हर्षित बन्दै शब्दयात्रा प्रकाशन परिवार उहाँलाई हार्दिक बधाई ज्ञापन गर्दछ ।

शब्दयात्रा प्रकाशन परिवार

शब्दयात्रा प्रकाशनबाट संस्थापित ‘शब्दयात्रा रामकृष्ण श्रेष्ठ विज्ञान–प्रविधि सम्मान’ बाट २०७६ सालमा सम्मानित हुनुभएका व्यक्तित्व प्रा. डा. भोला थापा काठमाडौँ विश्वविद्यालयको उपकुलपति पदमा नियुक्त हुनुभएकोमा हर्षित बन्दै शब्दयात्रा प्रकाशन परिवार उहाँलाई हार्दिक बधाई ज्ञापन गर्दछ ।

शब्दयात्रा प्रकाशन परिवार

शब्दयात्रा प्रकाशनले स्थापना गरेको अक्षरसेवी सहयोग कोषलाई १० हजार २ सय ५० रुपियाँ आर्थिक सहयोग प्राप्त भएको छ । विराटनगरमा रहेको पूर्वाञ्चल अनाथाश्रमकी संस्थापिका तथा सञ्चालिका श्रीमती सीता पोखरेलले उक्त रकम सहयोगस्वरूप उपलब्ध गराउनुभएको हो । शब्दयात्रा प्रकाशनले उहाँप्रति हार्दिक आभार व्यक्त गरेको छ ।
विभिन्न प्रकारका विपत्तिमा परेका साहित्यकार, पत्रकार तथा कलाकारहरूलाई आर्थिक सहयोग गर्न स्थापना गरिएको उक्त कोषबाट विभिन्न व्यक्तिहरूले आर्थिक सहयोग लिइसक्नुभएको छ ।

माता सरस्वतीका पुत्रीहरूमध्येकी प्रतिभाशाली एक सुपुत्री काठमाडौँ बानेश्वरनिवासी प्रसिद्ध साहित्यकार हिरण्यकुमारी पाठकले शब्दयात्रा प्रकाशनद्वारा बनेपामा संस्थापित शब्दयात्रा शारदा मन्दिरका लागि १० हजार रुपियाँ अर्पण गर्नुभएको छ ।
यसै गरी माता सरस्वतीकी प्रतिभाशाली अर्की सुपुत्री ललितपुर सानेपानिवासी प्रसिद्ध साहित्यकार नवीना श्रेष्ठले पनि शब्दयात्रा शारदा मन्दिरका लागि ५ हजार रुपियाँ अर्पण गर्नुभएको छ ।
उहाँहरूको यो उदार सहयोगप्रति हार्दिक आभार प्रकट गर्दै शब्दयात्रा प्रकाशन परिवार उहाँहरूमाथि माता सरस्वतीको कृपादृष्टि सदैव प्राप्त भइरहोस् भन्ने प्रार्थना गर्दछ ।

शब्दयात्रा प्रकाशनको कार्यक्रम ‘कर्मयोद्धासँग शब्दसंवाद’ को १ सय १३ औँ शृङ्खला यही २०७७ साल माघ २ गते शुक्रबार सम्पन्न भयो । संस्थापक अध्यक्ष हरि मञ्जुश्रीको सभापतित्व र आध्यात्मिक प्रवाचक बाबा विश्वनाथको प्रमुख आतिथ्य तथा सहप्राध्यापक रूपनारायण श्रेष्ठको विशेष आतिथ्यमा सम्पन्न उक्त कार्यक्रममा बाबा विश्वनाथबाट आध्यात्मिक प्रवचन तथा भजन–कीर्तन गरिएको थियो । कार्यक्रमको सञ्चालन पण्डित रमेश अधिकारीले गर्नुभएको थियो भने व्यवस्थापन सङ्गीता केसीबाट भएको थियो ।
प्रवचन कार्यक्रममा शब्दयात्रा प्रकाशनका सदस्य र स्थानीय भक्तजन उपस्थित हुनुहुन्थ्यो भने पनौतीबाट एक दर्जन भक्तजनको आगमन भएको थियो ।