शब्दयात्रा प्रकाशनले स्थापना गरेको अक्षरसेवी सहयोग कोषलाई १० हजार २ सय ५० रुपियाँ आर्थिक सहयोग प्राप्त भएको छ । विराटनगरमा रहेको पूर्वाञ्चल अनाथाश्रमकी संस्थापिका तथा सञ्चालिका श्रीमती सीता पोखरेलले उक्त रकम सहयोगस्वरूप उपलब्ध गराउनुभएको हो । शब्दयात्रा प्रकाशनले उहाँप्रति हार्दिक आभार व्यक्त गरेको छ ।
विभिन्न प्रकारका विपत्तिमा परेका साहित्यकार, पत्रकार तथा कलाकारहरूलाई आर्थिक सहयोग गर्न स्थापना गरिएको उक्त कोषबाट विभिन्न व्यक्तिहरूले आर्थिक सहयोग लिइसक्नुभएको छ ।
