काव्यकार सावित्री जङ्गम थापाले आफ्ना पति समाजसेवी तथा राजनीतिकर्मी भोलामानसिंह थापाको देहावसान भएपछि प्रस्तुत स्मृतिकाव्य ‘उनैको सम्झनामा’ लेख्नुभएको हो । यस काव्यमा मङ्गलाचरणबाहेक ७ चरण छन् । यस काव्यमा मङ्गलाचरणमा १०, पहिलो चरणमा ३१, दोस्रो चरणमा ३४, तेस्रो चरणमा ४७, चौथो चरणमा ४४, पाँचौँ चरणमा ३७, छैटौँ चरणमा ३९ र सातौँ चरणमा ३७ गरी जम्मा २७९ श्लोक छन् । दिवङ्गत पतिको स्मृतिमा पत्नीबाट लेखिएको स्मृतिकाव्यका रूपमा नेपाली साहित्यमा यो काव्य पनि अब अभिलेखबद्ध हुने भएको छ ।