भरत जङ्गमको व्यक्तित्व, कृतित्व र योगदानलाई केन्द्र बनाई उहाँको हीरक महोत्सवमा हरि मञ्जुश्रीको सम्पादनमा भरत जङ्गमको दोस्रो अभिनन्दनग्रन्थका रूपमा ‘नवीन दर्शनका दार्शनिक’ प्रकाशन गरिएको थियो । त्यस ग्रन्थभित्र प्रकाशित ६५ वटा लेख–संस्मरणका आधारमा चूडाप्रसाद चौलागाईंले तिनै लेखहरूमा भएका विषयभित्र रहेर लेख्नुभएको प्रस्तुत पुस्तक ‘नेपालका चूडामणि भरत जङ्गम’ नेपाली वाङ्मयले प्राप्त गरेको अर्को प्राप्ति हो । यसअघि यस्तै प्रकृतिका दुई पुस्तक पदम दाहाल र प्रजापति तिमिल्सिनाबाट आइसकेका छन् । यस पुस्तकले उहाँहरूकै समीक्षात्मक र अनुभूतिजन्य पदपथ पछ्याएको छ, तर पौराणिक पात्र र घटनासँग वर्तमानलाई समायोजन गराइएको हुँदा यसले केही मौलिक आकार पनि ग्रहण गरेको छ । त्यसैले यस पुस्तकको छुट्टै महत्त्व छ ।
२८९. नेपालका चूडामणि भरत जङ्गम
