Shabdayatra Prakashan | Banepa – Akshyardham

पाठकका आँखामा हरि मञ्जुश्री सार्वजनिक

admin

-

December 7, 2024

रश्मि हुमागाईं र इ. रोशन अधिकारीद्वारा सम्पादित पुस्तिका ‘पाठकका आँखामा हरि मञ्जुश्री’ सार्वजनिक गरिएको छ । शब्दयात्रा प्रकाशनको सभाकक्षमा हिजो मङ्सिर २१ गते आयोजित कार्यक्रममा लेखिका गीता अधिकारी, गायिका सरस्वती सापकोटा र शिक्षिका सीता नेपालले संयुक्त रूपमा उक्त पुस्तिका सार्वजनिक गर्नुभएको हो । पुस्तिकाको पहिलो खण्डमा हरि मञ्जुश्रीका विषयमा १२३ जना पाठकले सामाजिक सन्जालमा व्यक्त गरेका सङ्क्षिप्त विचारहरू र दोस्रो खण्डमा हरि मञ्जुश्रीको व्यक्तिगत विवरण राखिएको छ । पुस्तिकाका सम्पादक इ. रोशन अधिकारीले पुस्तिका सम्पादन गर्नुको औचित्यका बारेमा स्पष्ट पार्नुभएको थियो ।

राष्ट्रभक्ति गान सार्वजनिक

admin

-

December 7, 2024

0

गायक इ. रोशन मञ्जुश्री अधिकारी र गायिका अम्बिका थापा खड्काले आफूले गाएको राष्ट्रभक्ति गान संयुक्त रूपमा आज सार्वजनिक गर्नुभयो । हरि मञ्जुश्रीको शब्द र सङ्गीत रहेको उक्त गानको बोल ‘म जन्मिएँ जहाँ त्यहीँ बसेर मर्न पाइयोस्’ रहेको छ । नेपाल संस्कृत विश्वविद्यालयका पूर्वउपकुलपति प्रा. डा. कुलप्रसाद कोइरालाको प्रमुख आतिथ्यमा शब्दयात्रा प्रकाशनमा आयोजित कार्यक्रममा उक्त गानलाई सार्वजनिक गरिएको हो । गानको शब्द, सङ्गीत र स्वरका बारेमा गीतिभास्कर मच्छेश्वर सापकोटाले टिप्पणी गर्नुभएको थियो ।

२४२. नेपालको विविध पृष्ठभूमि र योगदानमा षडानन्द (अनुसन्धानात्मक ग्रन्थ)

publications

admin

-

0

२४२. नेपालको विविध पृष्ठभूमि र योगदानमा षडानन्द (अनुसन्धानात्मक ग्रन्थ)

यो ग्रन्थ नौ खण्डमा विभक्त छ । यस ग्रन्थमा आवाल ब्रह्मचारी षडानन्द अधिकारीले नेपालका लागि गर्नुभएको योगदानका बारेमा विस्तृत रूपमा नवीन तथ्य र व्याख्यासहित विश्लेषण गरिएको छ । षडानन्दका बारेमा विभिन्न कोणबाट समग्र अध्ययन गरिएकाले यो ग्रन्थ उनका बारेमा जानकारी दिने आधिकारिक ग्रन्थ बनेको छ । विश्वका विभिन्न सिद्धान्त र प्रयोगसँग षडानन्दको सिद्धान्त र प्रयोगको तुलनात्त्मक अध्ययन गरिएकाले यस ग्रन्थले षडानन्दको स्थान पनि निर्धारण गरिदिएको छ ।

२४१. पाठकका आँखामा हरि मञ्जुश्री

publications

admin

-

0

रश्मि हुमागाईं र इ. रोशन अधिकारीद्वारा सम्पादित यो पुस्तिका हरि मञ्जुश्रीमाथि पाठकीय प्रतिक्रियाको सङ्कलन हो । हरि मञ्जुश्रीले हरेक दिन पाठकको मस्तिष्कलाई तरङ्गित बनाउने खालका केही न केही सामग्री फेसबुकमा राख्ने गरेकोमा ती सामग्रीहरू पढेर विभिन्न व्यक्तिहरूले दिएका प्रतिक्रियामध्ये व्यक्तिमाथि केन्द्रित प्रतिक्रियाहरूलाई एकै ठाउँमा जम्मा पारेर तिनै प्रतिक्रियाहरूको यो सङ्ग्रह पाठकसमक्ष प्रस्तुत गरिएको हो । प्रतिक्रियाको अन्त्यमा उहाँको सङ्क्षिप्त विवरण पनि प्रस्तुत गरिएको छ ।

२४०. दुई थुँगा फूल (कवितासङ्ग्रह)

publications

admin

-

0

इ. रोशन मञ्जुश्री अधिकारीद्वारा सम्पादित यो पुस्तक चार प्रकारको कीर्तिमान राख्ने पुस्तक बनेको छ । पहिलो — ३१ भाषाका कवितामा प्रस्तुत हुने विषय बन्ने डा. इन्दुल केसीको कीर्तिमान, दोस्रो — आफ्नो कविता ३० भाषामा अनुवाद भएको डा. सत्यमोहन जोशीको कीर्तिमान, तेस्रो — ३१ भाषाको एउटै पुस्तकको सम्पादन गर्ने इ. रोशन मञ्जुश्री अधिकारीको कीर्तिमान, चौथो — ३१ भाषाको पुस्तक प्रकाशन गर्ने शब्दयात्रा प्रकाशनको कीर्तिमान ।

शब्दयात्रा द्रोणपुष्प पत्रकारिता छात्रवृत्ति अनिशा खत्रीलाई

admin

-

November 22, 2024

0

शब्दयात्रा द्रोणपुष्प पत्रकारिता छात्रवृत्ति अनिशा खत्रीलाई

शब्दयात्रा प्रकाशनले हरेक वर्ष १३ जना विद्यार्थीलाई नियमित रूपमा छात्रवृत्ति समर्पण गर्ने गरेको छ । त्यसमध्ये एउटा छात्रवृत्ति ‘शब्दयात्रा द्रोणपुष्प पत्रकारिता छात्रवृत्ति’ पनि हो । काभ्रेपलान्चोक जिल्लामा महिला पत्रकारको सङ्ख्या बढोस् भन्ने उद्देश्यले यसै जिल्लामा पत्रकारिता विषय पढ्ने यसै जिल्लाका गरिब तथा जेहेन्दार छात्रामध्ये एउटी छात्राका लागि शब्दयात्रा प्रकाशनले यस छात्रवृत्तिको व्यवस्था गरेको हो । यस वर्ष २०८१ सालमा यो छात्रवृत्ति काभ्रे बहुमुखी क्याम्पसमा पत्रकारिता विषय लिई स्नातक तह चौथो वर्षमा अध्ययनरत छात्रा अनिशा खत्रीलाई समर्पण गरिने भएको छ । काभ्रे बहुमुखी क्याम्पसको सिफारिसका आधारमा उहाँलाई यो छात्रवृत्ति प्रदान गर्न लागिएको हो । छात्रवृत्तिको रकम र प्रमाणपत्र यही मङ्सिर महिनामा समर्पण गरिनेछ । यसअघि यो छात्रवृत्ति पाँचवटी छात्रा (रन्जिता उप्रेती, सुजाता तिमल्सिना, रोमिला लुम्बा थापा, सुम्निमा मगर र विपासना शाक्य) ले पाइसकेका छन् । यस छात्रवृत्तिका लागि भोजपुरको देउरालीमा जन्मेर हाल पेप्सिकोला काठमाडौँमा बसोवास गरिरहनुभएका लेखक तथा पूर्वप्रशासक द्रोणप्रसाद श्रेष्ठले आफ्नी अर्धाङ्गिनी मनका श्रेष्ठको स्मृति र सम्मानस्वरूप शब्दयात्रा प्रकाशनमा अक्षयकोषको व्यवस्था गरिदिनुभएको छ । छात्रवृत्ति प्राप्त गर्न लाग्नुभएकोमा अनिशा खत्रीलाई शब्दयात्रा प्रकाशन अग्रिम बधाई ज्ञापन गर्दछ ।

राधा विष्ट प्रह्लाद केसी काभ्रेपलान्चोक अनुसन्धान विद्वतवृत्ति रश्मि हुमागाईलाई

admin

-

November 19, 2024

0

शब्दयात्रा प्रकाशनले २०८१ सालको ‘शब्दयात्रा राधा विष्ट प्रह्लाद केसी काभ्रेपलान्चोक अनुसन्धान विद्वतवृत्ति’ रश्मि हुमागाईलाई प्रदान गर्ने भएको छ । उहाँले विभिन्न विधामा सक्रिय रही योगदान गरेका काभ्रेपलान्चोक जिल्लाका प्रतिभाहरूको जीवनी अङ्ग्रेजी भाषामा तयार पार्नुहुनेछ र त्यो पुस्तक शब्दयात्रा प्रकाशनबाट प्रकाशन गरिनेछ । शब्दयात्रा प्रकाशनद्वारा प्रदीप केसी बन्जाराको संयोजकत्वमा गठित कालिका त्रिपाठी पन्त र सहदीप पलान्चोके सदस्य रहेको चयन समितिको निर्णयका आधारमा उहाँलाई छात्रवृत्ति प्रदान गर्न लागिएको हो । छात्रवृत्तिको रकम र प्रमाणपत्र यही मङ्सिर महिनामा समर्पण गरिनेछ । आफ्नी दिदी राधा विष्ट केसी र भिनाजु प्रह्लाद केसी (दुवै दिवङ्गत) को स्मृति र सम्मानमा काभ्रेपलान्चोकको बनेपामा घर भई हाल अमेरिकाको न्युयोर्कमा बसोवास गर्नुभएका विदुर विष्टले शब्दयात्रा प्रकाशनमा खडा गर्नुभएको अक्षयकोषको ब्याजबाट यो विद्वतवृत्ति हरेक वर्ष शब्दयात्रा प्रकाशनले प्रदान गर्ने गरेको छ । विद्वतवृत्ति प्राप्त गर्न लाग्न्ुभएकोमा रश्मि हुमागाईप्रति शब्दयात्रा प्रकाशन परिवार हार्दिक बधाई ज्ञापन गर्दछ ।

विकलाङ्ग छात्रवृत्ति रोशनी खत्रीलाई

admin

-

November 17, 2024

0

शब्दयात्रा प्रकाशनले हरेक वर्ष १३ जना विद्यार्थीलाई नियमित रूपमा छात्रवृत्ति समर्पण गर्ने गरेको छ । त्यसमध्ये एउटा छात्रवृत्ति ‘शब्दयात्रा भूप–मुक्ति विकलाङ्ग छात्रवृत्ति’ पनि हो । शारीरिक रूपमा विकलाङ्ग छात्रछात्राहरू शैक्षिक, बौद्धिक र मनोवैज्ञानिक रूपमा सबल बन्न सकून् भन्ने उद्देश्यले यस छात्रवृत्तिको व्यवस्था गरिएको हो । यस वर्ष २०८१ सालमा यो छात्रवृत्ति भक्तपुरको आदर्श निकेतन माध्यमिक विद्यालयमा कक्षा ४ मा अध्ययन गरिरहेकी १४ वर्षकी विकलाङ्ग छात्रा रोशनी खत्रीलाई समर्पण गरिने भएको छ । शब्दयात्रा प्रकाशनद्वारा प्रदीप केसी बन्जाराको संयोजकत्वमा गठित कालिका त्रिपाठी पन्त र सहदीप पलान्चोके सदस्य रहेको चयन समितिको निर्णयका आधारमा उहाँलाई छात्रवृत्ति प्रदान गर्न लागिएको हो । छात्रवृत्तिको रकम र प्रमाणपत्र यही मङ्सिर महिनामा समर्पण गरिनेछ । यसअघि यो छात्रवृत्ति चारजना छात्रछात्राले पाइसकेका छन् । यस छात्रवृत्तिका लागि भोजपुरको दिङ्लामा जन्मेर हाल शङ्खमूल काठमाडौँमा बसोवास गरिरहनुभएका लेखक तथा सहप्राध्यापक डा. रूपनारायण श्रेष्ठले आफ्ना मातापिता भूपलक्ष्मी श्रेष्ठ र मुक्तिबहादुर श्रेष्ठको स्मृति र सम्मानस्वरूप शब्दयात्रा प्रकाशनमा अक्षयकोषको व्यवस्था गरिदिनुभएको छ । छात्रवृत्ति प्राप्त गर्न लाग्नुभएकोमा रोशनी खत्रीलाई शब्दयात्रा प्रकाशन अग्रिम बधाई ज्ञापन गर्दछ ।

प्रा. केदारनाथ–लीला श्रेष्ठ भोजपुर अनुसन्धान विद्वतवृत्ति अमृत अधिकारीलाई

admin

-

November 16, 2024

0

शब्दयात्रा प्रकाशनले २०८१ सालको ‘शब्दयात्रा प्रा. केदारनाथ–लीला श्रेष्ठ भोजपुर अनुसन्धान विद्वतवृत्ति’ अमृत अधिकारीलाई प्रदान गर्ने भएको छ । यसअघिका दुई वर्षमा भोजपुर अनुसन्धान विद्वतवृत्ति अन्तर्गत प्राप्त भएका अनुसन्धान प्रतिवेदनहरूलाई समायोजन गरी उहाँले एउटै पुस्तकका रूपमा मुद्रण गर्न योग्य बनाइदिनुहुनेछ । भोजपुरका शिक्षासेवी प्रा. केदारनाथ श्रेष्ठ र उहाँकी अर्धाङ्गिनी साहित्यकार लीला श्रेष्ठले शब्दयात्रा प्रकाशनमा खडा गर्नुभएको अक्षयकोषको ब्याजबाट यो विद्वतवृत्ति हरेक वर्ष शब्दयात्रा प्रकाशनले प्रदान गर्ने गरेको छ । विद्वतवृत्ति प्राप्त गर्न लाग्नुभएकोमा अमृत अधिकारीप्रति शब्दयात्रा प्रकाशन परिवार हार्दिक बधाई ज्ञापन गर्दछ ।

सुभाष खड्का अनुसन्धान विद्वतवृत्ति पुण्यवती घलेलाई

admin

-

November 15, 2024

0

शब्दयात्रा प्रकाशनले २०८१ सालको ‘शब्दयात्रा सुभाष खड्का अनुसन्धान विद्वतवृत्ति’ पुण्यवती घलेलाई प्रदान गर्ने भएको छ । उहाँले ‘सुभाष खड्काको जीवनी, व्यक्तित्व र योगदान’ शीर्षकमा शोधपत्र तयार पार्नुहुनेछ र त्यो शोधपत्र पुस्तकका रूपमा प्रकाशन गरिनेछ । काभ्रेपलान्चोक जिल्लाको सामाजिक संस्था सुभाष स्मृति प्रतिष्ठानले सुभाष खड्काको स्मृति र सम्मानमा शब्दयात्रा प्रकाशनमा खडा गरेको अक्षयकोषको ब्याजबाट यो विद्वतवृत्ति हरेक वर्ष शब्दयात्रा प्रकाशनले प्रदान गर्ने गरेको छ । विद्वतवृत्ति प्राप्त गर्न लाग्नुभएकोमा शब्दयात्रा प्रकाशन पुण्यवती घलेलाई हार्दिक बधाई ज्ञापन गर्दछ ।