Shabdayatra Prakashan

शब्दयात्रा प्रकाशनका गतिविधिहरूमा सहयोग गर्नका लागि भक्तपुर जिल्लामा बसोवास गर्ने शब्दयात्रा प्रकाशनका आजीवन सदस्य तथा शुभेच्छुकहरूले शब्दयात्रा प्रकाशनको भक्तपुर सम्पर्क केन्द्र बनाउनुभएको छ ।
उक्त केन्द्रमा डिल्लीराम गौतम, डा। इन्दुल केसी, पदम दाहाल, सुनील सापकोटा, प्रजापति तिमिल्सिना, जीवनाथ अधिकारी र बुद्धिबहादुर घो श्रेष्ठ रहनुभएको छ ।

शब्दयात्रा प्रकाशनले २०७७ सालको पहिलो चरणमा सम्मान गर्ने ९ विधाका सम्मानहरूमध्ये बाँकी रहेका ४ विधामा सम्मान गर्ने व्यक्तित्वहरूको चयन गरेको छ । अघिल्लो साता ५ विधामा सम्मान समर्पण गर्ने व्यक्तित्वहरूको घोषणा गरिएको थियो ।
यसपटक चयन गरिएका ४ विधाका सम्मानहरूमा काशीनाथ–मायादेवी राष्ट्रझङ्कार सम्मानबाट मूर्तिकार ठाकुरप्रसाद मैनाली (काभ्रे), होम–तोत्र शिक्षा सम्मानबाट शिक्षाविद् डा. मनप्रसाद वाग्ले (काठमाडौँ), हंसराज श्रेष्ठ सामाजिक जागरण सम्मानबाट सामाजिक अभियन्ता डा. योगेन्द्रभक्त मल्ल (काठमाडौँ) र अङ्गुरबाबा जोशी शिक्षक सम्मानबाट एसोसिएट प्रोफेसर सुश्री एक्कुमाया पुन (गुल्मी) सम्मानित हुन लाग्नुभएको छ ।
यी सम्मानहरूको आर्थिक व्यवस्थापन कृष्णहरि मैनाली, रमेश पौड्याल, आनन्दराज श्रेष्ठ र निर्मलाकुमारी यगोल श्रेष्ठले गर्नुभएको हो ।