विक्रम सम्वत् २०७८ सालको बडादसैँका अवसरमा सम्पूर्ण अक्षरप्रेमी, शब्दयात्री, वाङ्मयसेवीहरूमा हार्दिकतापूर्वक मङ्गलमय शुभकामना व्यक्त गर्दछौँ । हामीले गरेको कुनै पनि कामबाट नेपालको झण्डामा दाग नलागोस्, यसले झुक्नु नपरोस् । बरू यसलाई अझै गौरवशाली बनाउन हामीलाई शक्ति प्राप्त भइरहोस् । शब्दयात्रा प्रकाशनमार्फत नेपाली जातिको हरेक पक्षबाट समुत्थान गर्नमा योगदान गर्न सकियोस् । आफूभित्र रहेका नकारात्मक सोचहरूलाई फाल्ने प्रेरणा प्राप्त होस् । विश्वको जुनसुकै ठाउँमा रहे पनि नेपाली चिनारी बोकेका हरेक व्यक्तिलाई दसैंको अवसरमा शब्दयात्रा प्रकाशन परिवारका तर्फबाट हार्दिक शुभकामना !

शब्दयात्रा प्रकाशन परिवार

शब्दयात्रा प्रकाशनका संस्थापक अध्यक्ष हरि मञ्जुश्रीले सनातन वैदिक विवेचना कार्यक्रमको सन्तगाथा शृङ्खलामा पश्चिम नेपालका प्रसिद्ध सन्त मखनचोर बाबाका विषयमा प्रवचन गर्नुभएको छ । पृथ्वीनारायण शाहका समकालीन मानिएका मखनचोर बाबाको जन्मस्थल सल्यान जिल्लामा रहेको र उनले अष्टसिद्धि प्राप्त गरेकाले विभिन्न चामत्कारिक कार्यहरू गरेका कुराहरू पढ्न पाइन्छ ।

गुल्मीका लेखक शिव गौतमले बुटवलबाट काभ्रेपलान्चोक आई बनेपामा रहेको शब्दसाधक तीर्थको अवलोकन गर्नुभएको छ । उहाँले शब्दयात्रा स्तम्भ, शब्दयात्रा शारदा मन्दिर र शब्दयात्रा प्रकाशन पुस्तकालयको पनि अवलोकन गर्नुभएको थियो । उहाँलाई शब्दयात्रा प्रकाशन काभ्रेपलान्चोक सम्पर्क केन्द्रका संयोजक साधुराम गिरीले स्वागत गर्नुभएको थियो । लेखक शिव गौतमले शब्दयात्रा प्रकाशनका संस्थापक अध्यक्ष हरि मञ्जुश्रीसँग सिर्जनशील लेखन र पुस्तकको सम्पादनसँग सम्बन्धित वार्तालाप गर्नुभएको थियो ।

बडादसैँ २०७८ को अवसर पारी शब्दयात्रा प्रकाशनले यही २०७८ साल असोज १९ गते शुभकामना आदानप्रदान तथा पुस्तक सार्वजनिकीकरण कार्यक्रमको आयोजना ग¥यो । शब्दयात्रा प्रकाशनको सभाकक्षमा आयोजित उक्त कार्यक्रममा शब्दयात्रा प्रकाशनद्वारा प्रकाशित दुई पुस्तकलाई सार्वजनिक गरियो । ‘कर्मयोद्धासँग शब्दसंवाद’ कार्यक्रमको १ सय १६ औँ शृङ्खलाका रूपमा आयोजित उक्त कार्यक्रममा कालिकोटका नगेन्द्रप्रसाद आचार्य ‘विरामरश्मि’ द्वारा लिखित लघुकाव्य ‘कुमारी सिन्दुर’ लाई शिक्षासेवी रामप्रसाद अधिकारीले र काभ्रेपलान्चोकका हर्षनारायण कर्माचार्यको लेखसङ्ग्रह ‘संस्मरण र आत्मवृत्तान्त’ लाई लेखक डा. इन्दुल केसीले सार्वजनिक गर्नुभयो । शब्दसारथि हरि मञ्जुश्री सभापति, गीतिभास्कर मच्छेश्वर सापकोटा अतिथि, कवि पदम दाहाल सञ्चालक र लेखक प्रकाशबहादुर कायस्थ पुस्तकका टिप्पणीकार रहनुभएको उक्त कार्यक्रममा शिक्षासेवी माधवप्रसाद आचार्यले कार्यक्रमको उद्घाटन, लेखक साधुराम गिरीले स्वागत मन्तव्य, कवि शारदाप्रसाद शर्माले नगेन्द्रप्रसाद आचार्य ‘विरामरश्मि’ को र लेखिका निर्मला श्रेष्ठले हर्षनारायण कर्माचार्यको परिचयात्मक जानकारी प्रस्तुत गर्नुभएको थियो । कार्यक्रममा अमृत अधिकारी र सहदीप पलान्चोकेले रुद्राक्षको माला र कवयित्री पुण्यवती घलेले उपहार समर्पण गर्नुभएको थियो भने सङ्गीता केसी र दीपक तिमल्सिनाले सामग्रीको व्यवस्थापन गर्नुभएको थियो । प्रकृति प्याकुरेलले फेसबुक लाइभ गराउनुभएको उक्त कार्यक्रममा शिक्षासेवी चूडाप्रसाद चौलागाई, लेखक शिव गौतम, पत्रकार प्रदीप केसी, कवि केदारनाथ तिमल्सिना, शकुन्तला बन्जारा, रामचन्द्र थापा, दीपकराम भण्डारी, पुरुषोत्तम हुमागाई आदिको उपस्थिति थियो । यी दुई पुस्तकसहित शब्दयात्रा प्रकाशनद्वारा प्रकाशित पुस्तकको सङ्ख्या १ सय ५८ पुगेको छ ।