शब्दयात्रा प्रकाशनले २०७८ सालको दोस्रो चरणको सम्मान समर्पण समारोहमा सम्मान समर्पण गर्नका लागि विभिन्न नौ विधाका राष्ट्रिय व्यक्तित्वहरूको नाउँ चयन गर्न आध्यात्मिक लेखक उद्धवप्रसाद भट्टराईको संयोजकत्वमा ऋषि निर्दोष र रामकृष्ण तिमिल्सिना सदस्य रहेको तीन सदस्यीय चयन समिति गठन गरेको छ ।
शब्दसञ्चारः पौष २०, २०७८
- Episode 83 – Shabda Sanchar 29:42
‘जनताका साथी (शशिधर तिमिल्सिना स्मृतिग्रन्थ)’ सार्वजनिक
शब्दयात्रा प्रकाशनले आफ्नो १ सय ६५ औँ प्रकाशनपुष्पका रूपमा प्रकाशित ‘जनताका साथी’ नामक शशिधर तिमिल्सिना स्मृतिग्रन्थलाई सार्वजनिक गराएको छ । शब्दयात्रा प्रकाशनका संस्थापक अध्यक्ष हरि मञ्जुश्रीले सम्पादन गर्नुभएको उक्त स्मृतिग्रन्थलाई प्रमुख अतिथिद्वय राष्ट्रिय समावेशी आयोगका माननीय अध्यक्ष डा. रामकृष्ण तिमल्सेना र पूर्वमन्त्री केशव बडाल तथा अतिथि शिक्षासेवी रामप्रसाद अधिकारीले संयुक्त रूपबाट सार्वजनिक गरिदिनुभएको थियो । ‘जनताका साथी’ नामक शशिधर तिमिल्सिना स्मृतिग्रन्थ हरि मञ्जुश्रीको १ सय ३२ औँ पुस्तक हो ।
‘जनताका साथी’ नामक शशिधर तिमिल्सिना स्मृतिग्रन्थमा शशिधर तिमिल्सिनाका बारेमा केशव बडाल, शिवबहादुर देउजा, रामहरि सुवेदी र टीपी शर्माका साथमा ऋषि ‘निर्दोष’, कमलप्रसाद तिमिल्सिना, कृष्णप्रसाद खनाल, खड्ग खरेल, गङ्गा लुइटेल, चन्द्रमणि तिमिल्सिना, नवराज तिमिल्सिना, नारायणप्रसाद तिमिल्सिना, भवानीशङ्कर तिमिल्सिना, शालिग्राम तिमिल्सिना, बद्री तिमिल्सिना, बद्रीप्रसाद ढुङ्गाना, भैरव केसी, यादव हुमागाई, रामकृष्ण तिमिल्सिना, विजयराज पौड्याल, विमला शर्मा अधिकारी र शम्भुप्रसाद तिमिल्सिनाका लेख, संस्मरण र कविताहरू सङ्कलित छन् । तीबाहेक शशिधर तिमिल्सिनाको पारिवारिक विवरण, शशिधर तिमिल्सिनासम्बन्धी पूर्वप्रकाशन, कागजात र तस्बिरहरू राखिएका छन् ।
स्मृतिग्रन्थ र शशिधर तिमिल्सिनाका विषयमा केशव बडाल, शिवबहादुर देउजा, प्रेमबहादुर तिमिल्सिना, विजयराज पौड्याल र बद्री तिमिल्सिनाले मन्तव्य व्यक्त गर्नुभएको उक्त समारोहको टिप्पणीसहित विसर्जन नमोबुद्ध नगरपालिकाका प्रमुख टीपी शर्मा तिमिल्सिनाले र प्रमुख अतिथिलाई शब्दयात्रा प्रकाशनका तर्फबाट उपहार समर्पण चन्द्रबहादुर खड्काले गर्नुभएको थियो । समारोहको सभापतित्व शब्दयात्रा प्रकाशनका संस्थापक अध्यक्ष हरि मञ्जुश्रीले, सञ्चालन शब्दयात्रा प्रकाशन काभ्रेपलान्चोक सम्पर्क केन्द्रका संयोजक साधुराम गिरी र शिक्षासेवी बद्री तिमिल्सिनाले, स्वस्तिवाचन तपोधन कुइकेलले, मञ्चस्थ महानुभावहरूलाई गलबन्दी अर्पण अमृत अधिकारी र प्रकृति प्याकुरेलले एवं अन्य व्यवस्थापन सङ्गीता केसी र दीपक तिमिल्सिनाले गर्नुभएको थियो । उपस्थित सम्पूर्ण महानुभावहरूलाई स्मृतिग्रन्थ निःशुल्क वितरण गरिएको थियो ।
समारोहमा धुलिखेल नगरपालिकाका उपमेयर विमला शर्मा, गीतिभास्कर मच्छेश्वर सापकोटा, केदारनाथ तिमिल्सिना, डा. इन्दुल केसी, शिव बन्जारा, शकुन्तला बन्जारा, पदम दाहाल, सुनील सापकोटा, चूडाप्रसाद चौलागाई, पूर्णबहादुर कार्की आदिलगायत राजनीतिकर्मी, शिक्षासेवी, समाजसेवी, पत्रकार आदिको बाक्लो उपस्थिति थियो । कार्यक्रमलाई सफ्टवेयर इन्जिनियर रोशन मञ्जुश्री अधिकारीले लाइभ प्रसारण गराउनुभएको थियो ।
शब्दयात्रा पुस्तकालयलाई पुस्तक उपहार
पूर्वमन्त्री, राजनीतिज्ञ, सहकारीविज्ञ तथा लेखक केशव बडालले शब्दयात्रा प्रकाशन पुस्तकालयका लागि आफूले लेखेका केही पुस्तकहरू उपहारस्वरूप प्रदान गर्नुभएको छ । ती पुस्तकहरू पुस्तकालयका तर्फबाट शब्दयात्रा प्रकाशनका संस्थापक अध्यक्ष हरि मञ्जुश्रीले ग्रहण गर्नुभएको छ । आफ्ना प्रकाशनहरू पुस्तकालयको प्रयोजनका निम्ति उपलब्ध गराउनुभएकोमा पूर्वमन्त्री केशव बडालप्रति शब्दयात्रा प्रकाशनले हार्दिक आभार व्यक्त गरेको छ ।
यसै गरी व्यवस्थापनविज्ञ तथा लेखक चन्द्रमान प्रधानले पनि डा. इन्दुल केसीमार्फत शब्दयात्रा प्रकाशन पुस्तकालयका लागि आफ्नो पुस्तक उपहारस्वरूप उपलब्ध गराउनुभएको छ । यसका लागि उहाँप्रति पनि शब्दयात्रा प्रकाशनले हार्दिक आभार व्यक्त गरेको छ ।
विकलाङ्ग छात्रवृत्तिका लागि सिफारिस आह्वान
शब्दयात्रा प्रकाशनले यसै वर्षदेखि शारीरिक रूपमा विकलाङ्ग र आर्थिक रूपमा कमजोर रहेका जेहेन्दार एकजना विद्यार्थीलाई ‘भूप–मुक्ति विकलाङ्ग छात्रवृत्ति’ प्रदान गर्ने भएको हुँदा उपयुक्त छात्रा या छात्रको नाउँ सिफारिस गरिदिन आह्वान गरिएको छ ।
पत्रकारिता छात्रवृत्तिका लागि सिफारिस आह्वान
काभ्रेपलान्चोक जिल्लामा जन्मेर आफ्नै जिल्लामा ११ अथवा १२ कक्षामा पत्रकारिता मूल विषय लिई अध्ययन गर्ने गरिब तथा जेहेन्दार एक छात्रालाई शब्दयात्रा प्रकाशनले हरेक वर्ष ‘शब्दयात्रा द्रोणपुष्प पत्रकारिता छात्रवृत्ति’ प्रदान गर्दै आएको हुनाले २०७८ सालको छात्रवृत्ति प्रदान गर्नका लागि उपयुक्त छात्राको नाम सिफारिस गरिदिन आह्वान गरिएको छ ।
चयन समिति गठन
शब्दयात्रा प्रकाशनले २०७८ सालको दोस्रो चरणको सम्मान कार्यक्रमका लागि तीन सदस्यीय चयन समिति बनाएको छ । समितिका संयोजक उद्धवप्रसाद भट्टराई तथा सदस्यहरू ऋषि निर्दोष र रामकृष्ण तिमिल्सिना हुनुहुन्छ ।
प्रकृति प्याकुरेल र चन्द्रबहादुर खड्का आजीवन सदस्य
शब्दयात्रा प्रकाशनले प्रकृति प्याकुरेललाई आजीवन सदस्यता प्रदान गरेको छ । उहाँ सहकारीकर्मी तथा व्यवस्थापन विषयकी छात्रा हुनुहुन्छ । शब्दयात्रा प्रकाशनको आजीवन सदस्यता ग्रहण गर्नुभएकोमा प्रकृति प्याकुरेललाई हार्दिक बधाई छ ।
यसै गरी समाजसेवी, पूर्वप्रशासक तथा साहित्यकार चन्द्रबहादुर खड्काले पनि शब्दयात्रा प्रकाशनको आजीवन सदस्यता ग्रहण गर्नुभएको छ । उहाँ सुभाष स्मृति प्रतिष्ठानका संस्थापक अध्यक्ष पनि हुनुहुन्छ । उहाँका ‘रोएको मन’ (गीतसङ्ग्रह) र ‘बटुलबाटुल’ (लेखसङ्ग्रह) नामक दुई कृति प्रकाशित छन् । शब्दयात्रा प्रकाशनको आजीवन सदस्य बन्नुभएकोमा उहाँलाई पनि हार्दिक बधाई छ ।
सम्मानका लागि नाम आह्वान
शब्दयात्रा प्रकाशनले २०७८ सालको दोस्रो चरणको सम्मान कार्यक्रममा सम्मान गर्न राष्ट्रिय स्तरमा सुपरिचित बालसाहित्यकार, अनुसन्धाता, आमसञ्चारकर्मी, आध्यात्मिक पत्रिका वा प्रवाचक, साहित्यिक पत्रिका, समालोचक, फोटो पत्रकार, महिला प्रतिभा र कवि वा काव्यकारको नाउँ र योगदानको विवरण यही २०७८ सालको पुस महिनाभित्र आइपुग्ने गरी पठाइदिन इच्छुक सबैमा अनुरोध गरेको छ । सम्मान गरिने व्यक्ति वा संस्थाको निर्णय सिफारिस प्राप्त भएका व्यक्ति वा संस्थामध्येबाट मात्रै चयन समितिले गर्नेछ ।
शब्दयात्रा प्रकाशनबाट जन्मदिवस मनाइयो
शब्दयात्रा प्रकाशन काभ्रेपलान्चोक सम्पर्क केन्द्रले समाजसेवी चन्द्रबहादुर खड्काको जन्मदिवस सार्वजनिक रूपमा मनाएको छ । काभ्रेपलान्चोक सम्पर्क केन्द्र बनेपाको कार्यालयमा उपस्थित हुनुभएका शिव बन्जारा, सहदीप पलान्चोके, पुण्यवती घले, सङ्गीता केसी, पूर्णबहादुर कार्की, केशव थापा, प्रदीप खड्का, कुमाले मिजार आदिसहित शब्दयात्रा प्रकाशन र सुभाष स्मृति प्रतिष्ठानका सदस्यहरूको समुपस्थितिमा दीप, कलश, गणेश र अष्टचिरञ्जीवीको पूरा गरी शङ्ख–घण्टको ध्वनिका साथ उहाँको जन्मदिवस मनाइएको हो । पूजा सामग्रीको व्यवस्थापन शकुन्तला बन्जाराले गर्नुभएको थियो । त्यस बखत शब्दयात्रा प्रकाशन काभ्रेपलान्चोक सम्पर्क केन्द्रका तर्फबाट उहाँलाई कवितात्मक उपहारपत्र समर्पण गरिएको थियो । उपहारपत्रमा शब्दयात्रा प्रकाशनका संस्थापक अध्यक्ष हरि मञ्जुश्री र काभ्रेपलान्चोक सम्पर्क केन्द्रका संयोजक साधुराम गिरीले हस्ताक्षर गर्नुभएको छ । कवितामा लेखिएको छ —
महामना महाकर्मी सबैका पात्र–आदर ।
कीर्तिशाली राष्ट्रसेवी खड्का चन्द्रबहादुर !
राष्ट्रसौरभ फैलाई बन्नुभो राष्ट्रगौरव ।
सुकीर्ति फैलियोस् सारा नेपाल राष्ट्रमा अब ।।
फुर्तिलो–हँसिलो बन्दै विद्या–बुद्धि सिकाउनोस् ।
राष्ट्रलाई दिने जे–जे इच्छा छ त्यो पु¥याउनोस् ।।
दिनोस् दिनोस् दिनोस् धेरै दिनोस् धेरै दिनोस् दिनोस् ।
भलो मात्र सधैँ गर्नोस्, निरोगी भै सुखी हुनोस् ।।
सारा मानवले हिँड्नैपर्ने सुमार्ग खन्नुहोस् ।
सबै नवीन पुस्ताका निम्ति आदर्श बन्नुहोस् ।।
नपरोस् कहिल्यै पीर, मनमा नित्य शान्ति होस् ।
दीर्घजीवी हुनोस्, हाम्रो यो कामना सबै पुगोस् ।।