अग्रज पत्रकार हरिहर विरही (सिन्धुली) मा ‘शब्दयात्रा देवीप्रसाद सापकोटा आमसञ्चार सम्मान, २०८२’ समर्पण गरियो । उहाँको निवास काठमाडौँ बानेश्वरमै पुगेर उहाँमा सम्मान समर्पण गरिएको हो । त्यस बेला शब्दयात्रा प्रकाशनका आजीवन सदस्य सकुल थापाले रुद्राक्षमाला र उपहार, संस्थापक अध्यक्ष हरि मञ्जुश्रीले किरीट एवं नेपाल संस्कृत विश्वविद्यालयका पूर्वउपकुलपति प्रा. डा. कुलप्रसाद कोइरालाले अभिवन्दनापत्र समर्पण गर्नुभएको थियो । यो सम्मान उहाँमा समर्पण गर्नुपर्ने समयमा उहाँ विदेशमा हुनुहुन्थ्यो । त्यसैले उहाँ समारोहमा समुपस्थित हुन सक्नुभएको थिएन । प्रथम लोकतान्त्रिक पत्रकार देवीप्रसाद सापकोटाको नाउँमा संस्थापित यस सम्मानको कोष व्यवस्थापन उहाँका पनाति सुनिल सापकोटा (मोरङ) ले गर्नुभएको हो । सम्मान ग्रहण गरिदिनुभएकोमा अग्रज पत्रकार हरिहर विरहीप्रति शब्दयात्रा प्रकाशन परिवार हार्दिक आभार व्यक्त गर्दछ ।
हरिहर विरहीमा आमसञ्चार सम्मान समर्पण
