कवि तथा बालसाहित्यकार हरि कोर्कालीको ‘सुनका दाना’ नामक बालकवितासङ्ग्रहमा ५६ वटा कविता छन् । हरेक कवितामा सुन्दर चित्रहरू पनि राखिएका छन् । कविताको भाव अनुसारका चित्रहरूले पाठकलाई कवितातिर अझ आकर्षित गराउनेछन् । कविताहरू श्रवणीय छन्, मनोरञ्जक छन् र ज्ञानवर्धक छन् । विद्यालयमा अध्ययन गर्ने ६–७ कक्षासम्मका विद्यार्थीका लागि कामलाग्दा छन् । सङ्गीतबद्ध गर्ने हो भने बालश्रोताका लागि कर्णप्रिय हुने खालका छन् । कविताहरू एकपटक पढेपछि दोहो¥याएर पढ्न मन लाग्ने र अरूलाई पनि पढ्न लगाउने खालका छन् । बालपाठकलाई त यस पुस्तकले यस्ता खालका बालसाहित्यिक पुस्तकहरू पढ्नमा रुचि नै जगाइदिनेछ ।
