शब्दयात्रा प्रकाशनले विभिन्न विधाका आठजना राष्ट्रिय व्यक्तित्वमा २०८३ सालको पहिलो चरण अन्तर्गतको सम्मान समर्पण गरेको छ । प्रा. डा. प्रेमनारायण अर्यालमा ‘शब्दयात्रा होम–तोत्र शिक्षा सम्मान’ समर्पण गरियो । उहाँलाई कोष व्यवस्थापक शिक्षासेवी रमेश पौड्यालले टीका, माला, उपहार, किरीट र भेटी तथा शब्दयात्रा प्रकाशनका संस्थापक अध्यक्ष हरि मञ्जुश्रीले अभिवन्दनापत्र समर्पण गर्नुभयो । प्रा. डा. गजेन्द्र शर्मामा ‘शब्दयात्रा रामकृष्ण श्रेष्ठ विज्ञान–प्रविधि सम्मान’ समर्पण गरियो । उहाँलाई कोष व्यवस्थापक शिक्षासेवी निर्मला श्रेष्ठले टीका, माला, उपहार, किरीट र भेटी तथा प्रा. डा. प्रेमनारायण अर्यालले अभिवन्दनापत्र समर्पण गर्नुभयो । डा. मायादेवी शर्मालाई ‘शब्दयात्रा कालु वैद्य आयुर्वेद सम्मान’ समर्पण गरियो । शारीरिक अस्वस्थताका कारणले उहाँ कार्यक्रममा उपस्थित हुन नसक्नुभएकाले उहाँका तर्फबाट डा. छत्रपति दाहाललाई कोष व्यवस्थापक समाजसेवी नारायणप्रसाद वैद्यका तर्फबाट साहित्यकार लीलादेवी श्रेष्ठले टीका, माला, उपहार, किरीट र भेटी तथा प्रा. डा. गजेन्द्र शर्माले अभिवन्दनापत्र समर्पण गर्नुभयो । यसै गरी इन्दिरा दलीलाई ‘शब्दयात्रा हंसराज श्रेष्ठ सामाजिक जागरण सम्मान’ समर्पण गरियो । उहाँलाई कोष व्यवस्थापक व्यवसायी आनन्दराज श्रेष्ठले टीका, माला, उपहार, किरीट र भेटी तथा पूर्वसचिव चन्द्रबहादुर खड्काले अभिवन्दनापत्र समर्पण गर्नुभयो । डा. सरस्वती आचार्यमा ‘शब्दयात्रा अङ्गुरबाबा जोशी शिक्षक सम्मान’ समर्पण गरियो । उहाँलाई कोष व्यवस्थापक शिक्षासेवी निर्मलाकुमारी यगोलका तर्फबाट डा. इन्दुल केसीले टीका, माला, उपहार, किरीट र भेटी तथा इन्दिरा दलीले अभिवन्दनापत्र समर्पण गर्नुभयो । आर. सी. रिजाललाई ‘शब्दयात्रा बेलप्रसाद श्रेष्ठ दानशीलता सम्मान’ समर्पण गरियो । उहाँलाई कोष व्यवस्थापक समाजसेवी बेलप्रसाद श्रेष्ठका तर्फबाट पत्रकार प्रदीप केसीले टीका, माला, उपहार, किरीट र भेटी तथा डा. सरस्वती आचार्यले अभिवन्दनापत्र समर्पण गर्नुभयो । साथै हरि कोर्कालीमा ‘शब्दयात्रा कल्याण लम्साल सिर्जना सम्मान’ समर्पण गरियो । उहाँलाई कोष व्यवस्थापक कवि कल्याण लम्सालका तर्फबाट हास्यव्यङ्ग्यकार शारदाप्रसाद शर्माले टीका, माला, उपहार, किरीट र भेटी तथा आर. सी. रिजालले अभिवन्दनापत्र समर्पण गर्नुभयो । नगेन्द्रराज रेग्मीलाई ‘शब्दयात्रा नन्दिकेश्वर अधिकारी शोध सम्मान’ समर्पण गरियो । उहाँलाई कोष व्यवस्थापक साहित्यकार गीता अधिकारीले टीका, माला, उपहार, किरीट र भेटी तथा हरि कोर्कालीले अभिवन्दनापत्र समर्पण गर्नुभयो । सम्मानका क्रममा सम्मान्य व्यक्तित्वको परिचय हरि मञ्जुश्रीले गराउनुभएको थियो भने लोकेन्द्र ढकालले उहाँहरूको अभिवन्दनापत्र वाचन गर्नुभएको थियो । कार्यक्रम शब्दयात्रा प्रकाशनको सभाकक्षमा सम्पन्न भएको थियो ।

शब्दयात्रा प्रकाशनद्वारा आयोजित सम्मान समर्पण तथा पुस्तक एवं गानको सार्वजनिकीकरण कार्यक्रम यही २०८३ जेठ २३ गते शनिबार शब्दयात्रा प्रकाशनको सभाकक्षमा सम्पन्न भयो । कार्यक्रममा २०८३ सालमा समर्पण गर्नुपर्ने सम्मानमध्ये पहिलो चरणमा आठ विधाका सम्मान समर्पण गरियो भने एउटा महाकाव्य र दुइटा गानलाई सार्वजनिक गरिए । केदारनाथ तिमल्सिनाले सभापतित्व, कालिका त्रिपाठी पन्तले उद्घोषण, इ. रोशन मञ्जुश्री अधिकारीले स्वराङ्कन तथा छायाङ्कन गर्नुभएको उक्त कार्र्यक्रमको उद्घाटन प्रा. केदारनाथ श्रेष्ठले, कार्यक्रमबारे जानकारी हरि मञ्जुश्रीले, सामग्री व्यवस्थापन शारदाप्रसाद शर्मा र अमृत अधिकारीले, समापन नवराज दाहाल ‘उत्साही’ ले गर्नुभएको थियो । कार्यक्रममा विभिन्न महानुभावहरूले शब्दयात्रा प्रकाशन पुस्तकालयका लागि पुस्तकहरू उपहार दिनुभएको थियो । निनु चापागाईं, सुकन्या वाइबा, प्रा. डा. सावित्री श्रेष्ठ, डा. कुमारी लामा, रत्नकुमार श्रेष्ठ, ज्ञानमणि नेपाल कालोटोपी आदिसहित विभिन्न साहित्यकार, पत्रकार तथा शिक्षासेवीहरूको उपस्थिति थियो ।

शब्दयात्रा प्रकाशनले ‘दुई थुँगा फूल’ नामक कृतिमाथि विभिन्न महानुभावहरूले समीक्षा गर्नुभएको ‘शब्दसाधना प्रस्तुतीकरण कार्यक्रम’ सम्पन्न गरेको छ । यही जेठ २३ गते शब्दयात्रा प्रकाशनको सभाकक्षमा आयोजित उक्त कार्यक्रममा साहित्यकार प्रा. डा. सावित्री श्रेष्ठ, नियात्राकार रत्नकुमार श्रेष्ठ, कवि पदम दाहाल, आध्यात्मिक लेखक लोकेन्द्र ढकाल, कवयित्री कालिका त्रिपाठी पन्त र पत्रकार ज्ञानमणि नेपाल ‘कालोटोपी’ ले ‘दुई थुँगा फूल’ कृतिमाथि समीक्षात्मक मन्तव्य व्यक्त गर्नुभएको थियो । कार्यक्रमको प्रारम्भमा उक्त कृतिका सम्पादक इ. रोशन मञ्जुश्री अधिकारीले पुस्तक सम्पादन गर्दाको अनुभव बताउनुभयो भने कृतिनायक डा. इन्दुल केसीले आफू कृतिनायक बनेको कृतिका विषयमा परिचर्चा कार्यक्रमको आयोजना गरेकोमा शब्दयात्रा प्रकाशनप्रति र परिचर्चा कार्यक्रममा उपस्थित भई समीक्षात्मक मन्तव्य व्यक्त गरिदिने महानुभावहरूप्रति आभार व्यक्त गर्नुभयो । पत्रकार प्रदीप केसीले कार्यक्रमको समीक्षा गर्नुभएको उक्त कार्यक्रमको सञ्चालन आयोजक संस्थाका संस्थापक अध्यक्ष हरि मञ्जुश्रीले गर्नुभएको थियो । ‘दुई थुँगा फूल’ त्यही शीर्षकमा डा. सत्यमोहन जोशीले डा. इन्दुल केसीका विषयमा लेख्नुभएको कवितालाई विभिन्न तीस भाषामा अनुवाद गरेर इ. रोशन मञ्जुश्री अधिकारीको सम्पादनमा शब्दयात्रा प्रकाशनबाट प्रकाशन गरिएको कृति हो ।

आधा शताब्दीसम्म पत्रकारिता गरेका अग्रज पत्रकार तथा साहित्यकार बलदेव थापाद्वारा लिखित ‘काग–कोइली’ महाकाव्य हिजो जेठ २३ गते शनिबार शब्दयात्रा प्रकाशनको सभाकक्ष बनेपामा आयोजित समारोहमा सार्वजनिक गरियो । कृतिकारकी छोरी उषा थापा र बुहारी सृजना थापाले उक्त महाकाव्यलाई सार्वजनिक गर्नुभएको हो । ‘काग–कोइली’ बलदेव थापाको चौथो पुस्तक हो । यस महाकाव्यमा काग र कोइली मुख्य पात्र छन् । चरालाई महाकाव्यको पात्र बनाएर चराहरूको चिनारी र विशेषताको जानकारी दिने पहिलो महाकाव्य नै यही हो र बलदेव थापा महाकाव्यमा पात्रपात्राका रूपमा चराचुरुङ्गीलाई प्रवेश गराउने पहिलो नेपाली महाकाव्यकार बन्नुभएको छ । यो महाकाव्य ११ सर्गमा विभक्त छ र बोलीचालीको भाषाको संवादात्मक शैलीमा लेखिएको छ । यसमा साहित्यकार तथा साहित्यिक पत्रकार राधेश्याम लेकालीको मन्तव्य रहेको छ । शब्दयात्रा प्रकाशनद्वारा प्रकाशित यस पुस्तकको मूल्य ४ सय रुपियाँ राखिएको छ ।

हरि मञ्जुश्रीको लेखन र सङ्गीतमा वसन्त कुइकेलले गाउनुभएको नयाँ आध्यात्मिक गान ‘विष्णुप्रार्थना — कोही नरोउन्’ गानलाई अतिथिका रूपबाट रत्न पुस्तकालयका अध्यक्ष शशीविक्रम राणाले सार्वजनिक गर्नुभयो । शब्दयात्रा प्रकाशनको सभाकक्ष बनेपामा जेठ २३ गते शनिबार आयोजित कार्यक्रममा उक्त गान सार्वजनिक गरिएको हो । उक्त गानको म्युजिक भिडिओ हरि मञ्जुश्री या वसन्त कुइकेल टाइप गरी अक्षरधाम युट्युब च्यानलबाट सुन्न सकिन्छ । मच्छेश्वर सापकोटाको सुपरिवेक्षण र बालकृष्ण सेवाचार्यको बाद्यसंयोजन रहेको उक्त गानको म्युजिक भिडिओको सम्पादन सफ्टवेयर इन्जिनियर रोशन मञ्जुश्री अधिकारीले गर्नुभएको हो ।

शब्दयात्रा प्रकाशनले छात्रवृत्ति समर्पण तथा पुस्तक र गान सार्वजनिकीकरण समारोह सम्पन्न गरेको छ । कार्यक्रमका विषयमा हरि मञ्जुश्रीले जानकारी गराउनुभएको उक्त कार्यक्रममा दिव्यवती–कान्तुप्रसाद ढुङ्गाना र मनका श्रेष्ठका तस्बिरमा पुष्पार्पण गरिएको थियो । कार्यक्रमको उद्घाटन सञ्चालक समितिका सदस्य हरिगोपाल प्रधानले र समापन अतिथि डा. रूपनारायण श्रेष्ठले गर्नुभएको थियो । कार्यसम्पादन समितिका सदस्य कालिका त्रिपाठी पन्त कार्यक्रम सञ्चालक रहनुभएको उक्त कार्यक्रमको सभापतित्व कार्यवाहक अध्यक्ष कृष्णमणि कुइकेलले, विविध व्यवस्थापन कार्यालय व्यवस्थापक सङ्गीता केसीले, छायाङ्कन तथा स्वराङ्कन कार्यसम्पादन समितिका सदस्य अमृत अधिकारीले र रुद्राक्षमाला अर्पण आजीवन सदस्य सहदीप पलाञ्चोकेले गर्नुभएको थियो । समारोह यही २०८३ जेठ ९ गते आयोजना गरिएको थियो ।

शब्दयात्रा प्रकाशनले २०८३ सालको ‘शब्दयात्रा द्रोणपुष्प पत्रकारिता छात्रवृत्ति’ भक्तपुर जिल्लामा अवस्थित ख्वप कलेजमा स्नातक तह चौथो वर्षमा अध्ययनरत विपन्न तर जेहेन्दार छात्रा योगिना श्रेष्ठमा समर्पण गरेको छ । शब्दयात्रा प्रकाशनका संस्थापक अध्यक्ष हरि मञ्जुश्रीले योगिना श्रेष्ठलाई छात्रवृत्तिको रकम र प्रमाणपत्र समर्पण गर्नुभयो । उहाँले छात्रवृत्ति पाउनुपर्ने विद्यार्थी छनोट गरिदिएकोमा एबीसीडी खबर अनलाइन पत्रिकाका सम्पादक–प्रकाशक कृष्ण किसीमा आभारपत्र समर्पण पनि गर्नुभयो । यस छात्रवृत्तिको आर्थिक व्यवस्थापन आफ्नी धर्मपत्नी मनका श्रेष्ठको स्मृति र सम्मानमा लेखक तथा पूर्वप्रशासक द्रोणप्रसाद श्रेष्ठले गर्नुभएको हो ।

भोजपुरको देउरालीमा जन्मनुभएका उहाँ हाल काठमाडौँको पेप्सिकोलामा बस्नुहुन्छ । शारीरिक अस्वस्थताका कारणले उहाँ कार्यक्रममा उपस्थित हुन नसक्नुभएकाले उहाँका तर्फबाट हरि मञ्जुश्रीले छात्रवृत्ति र आभारपत्र समर्पण गर्नुभएको थियो । ‘शब्दयात्रा द्रोणपुष्प पत्रकारिता छात्रवृत्ति, २०८३’ प्राप्त गर्नुभएकोमा योगिना श्रेष्ठलाई बधाई छ । छात्रवृत्ति समर्पण समारोह यही २०८३ जेठ ९ गते शनिबार शब्दयात्रा प्रकाशनको सभाकक्षमा सम्पन्न भएको थियो ।