समीक्षक स्वयम्भू शाक्यको चौथो पुस्तक ‘हरि मञ्जुश्रीको वाङ्मययात्रा’ शब्दयात्रा प्रकाशनका संस्थापक अध्यक्ष भाषासेवी, लेखक, ग्रन्थसम्पादक तथा सङ्गीतकर्मी हरि मञ्जुश्रीको व्यक्तित्व र कृतित्वलाई आधार बनाएर लेखिएको पुस्तक हो । हरि मञ्जुश्रीको जीवनपथ, कवितापथ, कथापथ र निबन्धपथको चर्चा गरेर सङ्गीतपथको चर्चा गर्दै उपसंहारका रूपमा निष्कर्ष पनि प्रस्तुत गरिएको र अन्तिममा हरि मञ्जुश्रीको समग्र व्यक्तिवृत्तसमेत समावेश गरिएको यस पुस्तकले हरि मञ्जुश्रीको बहुआयामिक योगदानका बारेमा पाठकलाई जानकारी दिनेछ । हरि मञ्जुश्रीको जीवनका आरोह–अवरोह, साहित्यिक यात्रा, संस्थागत यात्रा र साङ्गीतिक यात्राका बारेमा पाठकलाई विस्तृत रूपमा जानकारी दिन यसले सहयोग गर्नेछ । साहित्यिक, साङ्गीतिक र संस्थागत यात्राका मूल–मूल विशेषताहरू के–के हुन् भन्ने कुरा पनि यस पुस्तकले स्पष्ट पारिदिएको छ । सारांशमा भन्नुपर्दा यो पुस्तक हरि मञ्जुश्रीमाथिको समग्र मूल्याङ्कन हो ।
२८४. हरि मञ्जुश्रीको वाङ्मययात्रा
