प्रकाश उज्ज्वल बनेपां च्वयादीगु थ्व सफू ‘जीवन घःचा’ सामाजिक विषयवस्तुयात कयातःगु बाखं मुना खः । थ्व बाखं मुनाय् निम्न–मध्यम बर्गीय परिवारयागु गामय्या जनजीवन व मनोभावना ब्वयातःगु दु । गामं बुलुहुँ विकसित जुया शहरया आकार व संस्कार बुलेत्यंगु नेवाः बस्ती थ्व बाखं मुनाय् बाखँतय्गु लिधंसा खने दु । वहे लिधंसादुनय् थि थि सोचया पात्रपिनि थःथःगु भूमिकायात कया बाखँ न्ह्यब्वयातःगु व बाखँयात सन्देशमूलक दयेकेगु स्वगु दु । फुक्कं हे बाखंनय् समाजया मनोविज्ञान र संस्कृति ब्वयातःगु, हानं व मनोविज्ञानयात परिष्कार व संस्कृतियात ईलंमाःथें बाँलाक दयेका समाजयात धिसिलाकेगु व बल्लाःके फैेगु खँ न्ह्यब्वया तःगु दु । थ्व हे थ्व बाखं मुना दुुनय् तयाःतःगुु झिंखुपू बाखंनं बियेत कूूतः यागु मूः खँ खः ।
२८३. जीवन घःचा
