शब्दयात्रा प्रकाशनले लघु अनुसन्धान परियोजना अन्तर्गत हरेक वर्ष पाँचजना अनुसन्धातालाई अनुसन्धान विद्वत्वृत्ति समर्पण गर्ने गरेको छ । त्यसै क्रममा दामोदर घिमिरेमा २०८२ सालको ‘शब्दयात्रा राधा विष्ट प्रह्लाद केसी काभ्रेपलाञ्चोक अनुसन्धान विद्वत्वृत्ति’ समर्पण गरिएको थियो । त्यही विद्वत्वृत्ति अन्तर्गत दामोदर घिमिरेले ‘नीलकण्ठेश्वर धाम र कृष्णमणि कुइकेल’ नामक प्रस्तुत पुस्तिका तयार पार्नुभएको हो । यस पुस्तिकाबाट नीलकण्ठेश्वर धामको निर्माण कसरी भयो, यस कार्यमा को–को संलग्न हुनुहुन्थ्यो, कसकसले कस्तोकस्तो सहयोग गर्नुभयो, धामको परिसरमा केके संरचनाहरू निर्मित छन्, कृष्णमणि कुइकेलको भौतिक चिनारी के हो, उहाँका विचारहरू कस्ता छन् आदि जानकारी लिन सकिन्छ ।