संस्कृत भाषामा लेखिएको पतञ्जलि योगदर्शनलाई दिवाकर जङ्गमले सरल नेपाली भाषामा शब्दार्थसहित भावानुवाद गर्नुभएको ‘योगदर्शन’ नामक प्रस्तुत पुस्तक योगविषयक प्रामाणिक पुस्तक हो । शास्त्रसम्मत र विज्ञानसम्मत रूपबाट सम्पूर्ण मानवको चौतर्फी हितका लागि योगसाधना गर्न यसको विज्ञान र दर्शनलाई बुझ्नुपर्ने हुन्छ । त्यसैका लागि यो पुस्तक प्रकाशन गरिएको हो । यस पुस्तकले योगसाधना गर्दा नवयोगाभ्यासीहरूलाई योगदर्शनका सूत्रहरू बुझ्न सघाउनेछ र योगानुरागीहरूको योग–ध्यान–साधनामा थोरै पनि सहयोग गर्नेछ ।