शब्दयात्रा प्रकाशनले २०८० सालको हास्यव्यङ्ग्य सम्मान भक्तपुर जिल्लामा जन्मनुभएका राष्ट्रिय प्रतिभा हास्यव्यङ्ग्यकार चट्याङ मास्टर (कृष्णमुुरारि गौतम) मा समर्पण गर्ने भएको छ । हास्यव्यङ्ग्य विधासँग सम्बन्धित उहाँका ‘चट्याङगीता’ का विभिन्न भागहरू प्रकाशित छन् । सम्मान ग्रहण गर्न स्वीकृति दिनुभएकोमा हास्यव्यङ्ग्यकार चट्याङ मास्टरप्रति शब्दयात्रा प्रकाशन हार्दिक आभार व्यक्त गर्दछ । यस सम्मानको कोष व्यवस्थापन काभ्रेपलान्चोकका प्रतिभा हास्यव्यङ्ग्यकार शारदाप्रसाद शर्माले आफ्ना शिक्षासेवी पिता पं. रुद्रलाल शर्मा धितालको स्मृतिमा गर्नुभएको हो । सम्मान यही चैत महिनामा समर्पण गरिनेछ ।