१५६. गोमाको फूलबारी (प्रेरक जीवनकथा)

समाजमा कुनै विशिष्टताप्राप्त मानिसको जीवनी लेख्ने चलन छ । कुनै पनि व्यक्तिको जीवन भोगाइमा आएका उतारचढाव, सुखदुःखका अनुभूति, समाजमा व्यक्तिले गर्न सकेका ससाना सेवाकार्य पनि अरूका लागि प्रेरणास्रोत बन्न सक्छन् । समाज अगाडि बढ्न विगतमा कसै न कसैको कार्यको अनुसरण, त्यसबाट प्रेरणा र हौसला लिइन्छ । अरूलाई हौसला दिलाउने पुस्तक लेख्ता दोस्रो पुस्तामा ज्ञानको हस्तान्तरण गर्ने र साहित्यको सेवा तथा विकासका लागि पनि योगदान हुने सोचेर लोकेन्द्र ढकालले गोमा घिमिरेको यो जीवनी लेख्नुभएको हो ।