आँसुको दह

आँसुको दह’ विभिन्न छन्दमा लेखिएका ५३ वटा कविताहरूको सङ्ग्रह हो । कवि पदम दाहालको कविभावना ललितपूर्ण शिल्पका साथ काव्यिक यात्रा गर्न यस सङ्ग्रहमा प्रस्तुत भएको छ । जीवन र जगत्का विविध रङहरू कवितामा सर्लक्क उत्रेका छन् । यस सङ्ग्रहका कविताहरूले भावुकता, आत्मिक जागरण, संवेदना, मानवीय कर्तव्यबोध, आस्था र निष्ठालाई आधार बनाएर आफ्ना हरेक पाठकलाई उनीहरूको जीवन सुन्दर बनाउने दिशातर्फ अग्रसर बनाउन उत्प्रेरित गराउनेछन् ।