Shabdayatra Prakashan

शब्दयात्रा प्रकाशनले अस्ति शनिबार चैत २२ गते सम्मान समर्पण तथा पुस्तक सार्वजनिकीकरण समारोहको आयोजना गरेर विभिन्न विधाका ९ जनालाई सम्मान ग¥यो । मन्त्रिपरिषद्का पूर्व अध्यक्ष तथा पूर्व प्रधान न्यायाधीश खिलराज रेग्मीको प्रमुख आतिथ्य र नेपाल संस्कृत विश्वविद्यालयका पूर्व उपकुलपति प्रा. डा. कुलप्रसाद कोइरालाको विशेष आतिथ्यमा सम्पन्न उक्त कार्यक्रममा सिर्जना सम्मानद्वारा भरत जङ्गम, प्रशासनिक महिला प्रतिभा सम्मानद्वारा गीता केशरी, सामाजिक जागरण सम्मानद्वारा प्रा. डा. जगदीश वैद्य, शिक्षा सम्मानद्वारा प्रा. डा. टङ्कनाथ शर्मा र विज्ञान–प्रविधि सम्मानद्वारा प्रा. डा. रमेशकुमार मास्के सम्मानित हुनुभएको थियो । यसै गरी स्तम्भकार सम्मानद्वारा शरच्चन्द्र वस्ती, राष्ट्रझङ्कार सम्मानद्वारा तिलकप्रसाद लुइँटेल, शिक्षक सम्मानद्वारा प्रा. डा. नन्दीश अधिकारी र नन्दिकेश्वर अधिकारी शोध सम्मानद्वारा निर्मला श्रेष्ठलाई सम्मान गरिएको थियो । उक्त कार्यक्रममा ३६ हजार फिटमाथि हवाईजहाजमा उडेर आकाशबाटै आफ्नो गीतिअल्बम सार्वजनिक गराई विश्वरेकर्ड कायम गर्नुभएका हरिगोपाल प्रधानलाई विशेष सम्मान गरिएको थियो ।
शब्दयात्रा प्रकाशनका संस्थापक अध्यक्ष हरि मञ्जुश्रीले स्वागत तथा रश्मि हुमागाईंले सञ्चालन गर्नुभएको उक्त कार्यक्रममा उद्धवप्रसाद नेपालद्वारा लिखित तथा शब्दयात्रा प्रकाशनद्वारा प्रकाशित ‘आध्यात्मिक ज्ञानभण्डार’ नामक परिचयात्मक प्रबन्धसङ्ग्रहलाई प्रमुख अतिथि र विशेष अतिथि संयुक्त रूपमा सार्वजनिक गर्नुभएको थियो । पुस्तकमाथि शिक्षासेवी लोकेन्द्र ढकाल र कृतिकार स्वयंबाट मन्तव्य व्यक्त गरिएको थियो । कार्यक्रममा शिव बन्जाराबाट सम्मानपत्र वाचन, अमृत अधिकारी र पुण्यवती घलेबाट माला अर्पण, शारदाप्रसाद शर्मा र सकुल थापाबाट सामग्रीको व्यवस्थापन, पदम दाहालबाट विशेष अतिथि र प्रमुख अतिथिलाई उपहार समर्पण, ढुण्डिराज पोखरेलबाट विशेष सम्मानको प्रमाणपत्र वाचन गरिएको थियो ।

शब्दयात्रा प्रकाशनबाट २०७८ साल चैत १२ गते आयोजित सम्मान समर्पण तथा पुस्तक सार्वजनिकीकरण समारोहका सन्दर्भमा शब्दयात्रा प्रकाशन हार्दिक कृतज्ञता व्यक्त गर्दछ — (क) प्रमुख अतिथि मन्त्रिपरिषद्का पूर्व अध्यक्ष तथा पूर्व प्रधान न्यायाधीश खिलराज रेग्मीप्रति (ख) विशेष अतिथि नेपाल संस्कृत विश्वविद्यालयका पूर्व उपकुलपति प्रा. डा. कुलप्रसाद कोइरालाप्रति (ग) सभापतित्व गरिदिने विश्वरेकर्ड कायम गरेका गीतकार हरिगोपाल प्रधानप्रति (घ) सिर्जना सम्मान ग्रहण गरिदिने भरत जङ्गमप्रति (ङ) प्रशासनिक महिला प्रतिभा सम्मान ग्रहण गरिदिने गीता केशरीप्रति (च) सामाजिक जागरण सम्मान ग्रहण गरिदिने प्रा. डा. जगदीश वैद्यप्रति (छ) शिक्षा सम्मान ग्रहण गरिदिने प्रा. डा. टङ्कनाथ शर्माप्रति (ज) विज्ञान–प्रविधि सम्मान ग्रहण गरिदिने प्रा. डा. रमेशकुमार मास्केप्रति (झ) स्तम्भकार सम्मान ग्रहण गरिदिने शरच्चन्द्र वस्तीप्रति (ञ) राष्ट्रझङ्कार सम्मान ग्रहण गरिदिने तिलकप्रसाद लुइँटेलप्रति (ट) शिक्षक सम्मान ग्रहण गरिदिने प्रा. डा. नन्दीश अधिकारीप्रति (ठ) शोध सम्मान ग्रहण गरिदिने निर्मला श्रेष्ठप्रति (ड) टिप्पणीकार तथा चयन समितिका संयोजक लोकेन्द्र ढकालप्रति (ढ) चयन समितिका सदस्य दामोदर घिमिरेप्रति (ण) कृतिकार उद्धवप्रसाद नेपालप्रति (त) गीता केशरीको सम्मान ग्रहण गरिदिने चन्द्रबहादुर खड्काप्रति (थ) सम्मानका आर्थिक व्यवस्थापकहरू उर्मिला श्रेष्ठ भोजपुरे, कृष्णहरि मैनाली, गीता मञ्जुश्री अधिकारी, कल्याण लम्साल, निर्मलाकुमारी यगोल श्रेष्ठ, रमेश पौड्याल, आनन्दराज श्रेष्ठ र धनकुमारी श्रेष्ठप्रति (द) उर्मिला श्रेष्ठ भोजपुरेका तर्फबाट सम्मान गरिदिने नवीना श्रेष्ठप्रति (ध) हरिगोपाल प्रधानको सम्मानपत्र पढिदिने ढुण्डिराज पोखरेलप्रति (न) प्रमुख अतिथि र विशेष अतिथिलाई स्मृतिचिह्न समर्पण गरिदिने पदम दाहालप्रति (प) कार्यक्रम सञ्चालन गरिदिने रश्मि हुमागाईंप्रति (फ) जलपानको खर्च बहन गरिदिने प्रकाश नेपालप्रति (ब) विविध व्यवस्था मिलाइदिने सङ्गीता केसीप्रति (भ) रेडियो कार्यक्रमका लागि स्वराङ्कन गराई अभिवन्दनापत्र वाचन पनि गरिदिने शिव बन्जाराप्रति (म) कार्यक्रम दृश्याङ्कन गरिदिने प्रकृति प्याकुरेलप्रति (य) माला अर्पण गरिदिने अमृत अधिकारी र पुण्यवती घलेप्रति (र) सामग्रीहरूको व्यवस्थापन गरिदिने शारदाप्रसाद शर्मा र सकुल थापाप्रति (ल) उपस्थित अन्य महानुभावहरूप्रति (व) स्थान उपलब्ध गराइदिने नमोबुद्ध ब्यान्क्वेटप्रति ।

शब्दयात्रा प्रकाशनले यही चैत १२ गते शनिबार बनेपामा सम्मान समर्पण समारोहको आयोजना गर्ने भएको छ । मन्त्रिपरिषद्का पूर्व अध्यक्ष तथा पूर्व प्रधान न्यायाधीश खिलराज रेग्मीको प्रमुख आतिथ्यमा हुने उक्त कार्यक्रममा सिर्जना सम्मानबाट भक्तपुरका भरत जङ्गम, प्रशासनिक महिला प्रतिभा सम्मानबाट काठमाडौँकी गीता केशरी, सामाजिक जागरण सम्मानबाट ललितपुरका प्रा. डा. जगदीश वैद्य, शिक्षा सम्मानबाट कास्कीका प्रा. डा. टङ्कनाथ शर्मा, विज्ञान–प्रविधि सम्मानबाट मोरङका प्रा. डा. रमेशकुमार मास्के, स्तम्भकार सम्मानबाट सुनसरीका शरच्चन्द्र वस्ती, राष्ट्रझङ्कार सम्मानबाट तेह्रथुमका तिलकप्रसाद लुइँटेल, शिक्षक सम्मानबाट भोजपुरका प्रा. डा. नन्दीश अधिकारी र शोध सम्मानबाट काभ्रेपलान्चोककी निर्मला श्रेष्ठ सम्मानित हुनुहुनेछ । यी सम्मानहरूको आर्थिक व्यवस्थापन कल्याण लम्साल, उर्मिला श्रेष्ठ भोजपुरे, आनन्दराज श्रेष्ठ, रमेश पौड्याल, रामकृष्ण स्मृति प्रतिष्ठान, हरिगोपाल प्रधान, कृष्णहरि मैनाली, निर्मलाकुमारी यगोल र गीता अधिकारीले गर्नुभएको हो ।

शब्दयात्रा प्रकाशनलाई भक्तपुरका समाजसेवी नारायणप्रसाद वैद्य — सरस्वती वैद्य दम्पतीबाट सम्मानको अक्षयकोषका लागि १ लाख ११ हजार १ सय ११ रुपियाँ प्राप्त भएको छ । भक्तपुरका पुराना चिकित्सकका रूपमा प्रसिद्धि कमाएका आफ्ना हजुरबुबा कालु वैद्यको स्मृति तथा सम्मानमा आयुर्वेद विधाबाट योगदान गर्ने व्यक्ति तथा संस्थालाई शब्दयात्रा प्रकाशनबाट हरेक वर्ष सम्मानित गर्न उहाँहरूले यो रकम उपलब्ध गराउनुभएको हो । शब्दयात्रा प्रकाशनका अध्यक्ष हरि मञ्जुश्रीको आग्रह स्वीकार गरी अक्षयकोषको व्यवस्था गरिदिनुभएकोमा शब्दयात्रा प्रकाशनले समाजसेवी दम्पतीप्रति हार्दिक आभार व्यक्त गरेको छ ।

शब्दयात्रा प्रकाशन भक्तपुर सम्पर्क केन्द्र र प्राञ्जल नेपालको संयुक्त आयोजना तथा छन्द कविता मञ्चको संयोजनमा विद्युतीय माध्यमबाट फागु विशेष कविता वाचन कार्यक्रमको आयोजना गरियो । शब्दयात्रा प्रकाशनका संस्थापक अध्यक्ष हरि मञ्जुश्रीको प्रमुख आतिथ्य र भक्तपुर सम्पर्क केन्द्रका संयोजक डिल्लीराम गौतमको सभापतित्वमा जीवनाथ अधिकारीले सञ्चालन गर्नुभएको उक्त कार्यक्रममा डा. इन्दुल केसी, चन्द्रमान प्रधान, जीवनाथ अधिकारी, डिल्लीराम गौतम, दामोदर घिमिरे, पदम दाहाल, विरजा घमिरे, सहदीप पलान्चोके र सुनील सापकोटाले आ–आफ्ना कविताहरू वाचन गर्नुभएको थियो । वाचन गरिएका सबै कविताहरू फागुलाई विषयवस्तु बनाएर लेखिएका थिए ।