शब्दयात्रा प्रकाशनले २०८१ सालको ‘शब्दयात्रा भीमप्रसाद–पद्मकला सुवेदी भाषासेवा सम्मान’ भाषासेवी प्रा. शङ्करराज पाठक (काठमाडौँ) मा समर्पण गर्ने भएको छ । शब्दयात्रा प्रकाशनद्वारा गठित सम्मान्य व्यक्तित्व चयन समितिको बैठकले उहाँलाई सम्मान गर्ने निर्णय गरेको हो । प्रा. शङ्करराज पाठक त्रिभुवन विश्वविद्यालयका पूर्वउपकुलपति हुनुहुन्छ । उहाँद्वारा सम्पादित र २०६३ सालमा प्रथम संस्करणका रूपमा प्रकाशित ‘अङ्ग्रेजी–नेपाली वृहत् शब्दकोश’ नेपाली वाङ्मयको महत्त्वपूर्ण शब्दकोश मानिन्छ । उहाँजस्ता साधकमा सम्मान समर्पण गर्न पाउनु शब्दयात्रा प्रकाशनको सौभाग्य हो । यस सम्मानको कोष व्यवस्थापन भीमप्रसाद–पद्मकला स्मृतिकोषका तर्फबाट प्रा. लालानाथ सुवेदी (भोजपुर) ले गर्नुभएको हो । सम्मान यही चैत महिनामा समर्पण गरिनेछ । सम्मान ग्रहण गर्न स्वीकृति प्रदान गर्नुभएकोमा प्रा. शङ्करराज पाठकप्रति शब्दयात्रा प्रकाशन परिवार हार्दिक आभार प्रकट गर्दछ ।

शब्दयात्रा प्रकाशनले २०८१ सालको ‘शब्दयात्रा वसन्त शर्मा कविता–काव्य सम्मान’ महाकाव्यकार माधव वियोगी (कास्की) मा समर्पण गर्ने भएको छ । शब्दयात्रा प्रकाशनद्वारा गठित सम्मान्य व्यक्तित्व चयन समितिको बैठकले उहाँलाई सम्मान गर्ने निर्णय गरेको हो । उहाँका ९ वटा महाकाव्य र ८ वटा खण्डकाव्यसहित ४१ वटा कृति प्रकाशित छन् । उहाँले छन्द बचाऊँ र महाकाव्यलेखन अभियान चलाउनुभएको छ । उहाँजस्ता साधकमा सम्मान समर्पण गर्न पाउनु शब्दयात्रा प्रकाशनको सौभाग्य हो । यस सम्मानको कोष व्यवस्थापन कवि कविप्रसाद प्याकुरेल (काभ्रेपलाञ्चोक) ले गर्नुभएको हो । सम्मान आगामी चैत महिनामा समर्पण गरिनेछ । सम्मान ग्रहण गर्न स्वीकृति प्रदान गर्नुभएकोमा माधव वियोगीप्रति शब्दयात्रा प्रकाशन परिवार हार्दिक आभार प्रकट गर्दछ ।

शब्दयात्रा प्रकाशनले २०८१ सालको ‘शब्दयात्रा देवीप्रसाद सापकोटा आमसञ्चार सम्मान’ अग्रज पत्रकार आदित्यमान श्रेष्ठ (गुल्मी) मा समर्पण गर्ने भएको छ । शब्दयात्रा प्रकाशनद्वारा गठित सम्मान्य व्यक्तित्व चयन समितिको बैठकले उहाँलाई सम्मान गर्ने निर्णय गरेको हो । नेपाली र अङ्ग्रेजी भाषामा कलम चलाउने खरो राजनीतिक विश्लेषकका रूपमा सुपरिचित उहाँले नेपाली पत्रकारिताको क्षेत्रमा लामो समयसम्म आबद्ध रहेर विशिष्ट योगदान दिनुभएको छ । उहाँले नेपालको वस्तुस्थितिलाई अन्तर्राष्ट्रिय जगतसम्म लैजान विदेशी सञ्चार माध्यमको समेत उपयोग गर्नुभएको छ । उहाँजस्ता साधकमा सम्मान समर्पण गर्न पाउनु शब्दयात्रा प्रकाशनको सौभाग्य हो । यस सम्मानको कोष व्यवस्थापन लेखक सुनील सापकोटा (मोरङ) ले गर्नुभएको हो । सम्मान आगामी चैत महिनामा समर्पण गरिनेछ । सम्मान ग्रहण गर्न स्वीकृति प्रदान गर्नुभएकोमा आदित्यमान श्रेष्ठप्रति शब्दयात्रा प्रकाशन परिवार हार्दिक आभार प्रकट गर्दछ ।

शब्दयात्रा प्रकाशनले २०८१ सालको ‘शब्दयात्रा हरिगोपाल प्रधान समालोचना सम्मान’ समालोचक प्रा. डा. उषा ठाकुर (काठमाडौँ) मा समर्पण गर्ने भएको छ । शब्दयात्रा प्रकाशनद्वारा गठित सम्मान्य व्यक्तित्व चयन समितिको बैठकले उहाँलाई सम्मान गर्ने निर्णय गरेको हो । लामो समयसम्म प्राध्यापन गर्ने क्रममा उहाँले नेपाली र हिन्दी दुवै भाषामा आधा दर्जन समालोचनात्मक कृतिहरू नेपाली वाङ्मयमा प्रस्तुत गर्नुभएको छ । उहाँजस्ती साधिकामा सम्मान समर्पण गर्न पाउनु शब्दयात्रा प्रकाशनको सौभाग्य हो । यस सम्मानको कोष व्यवस्थापन पत्रकार हरिगोपाल प्रधान (काठमाडौँ) ले गर्नुभएको हो । सम्मान आगामी चैत महिनामा समर्पण गरिनेछ । सम्मान ग्रहण गर्न स्वीकृति प्रदान गर्नुभएकोमा प्रा. डा. उषा ठाकुरप्रति शब्दयात्रा प्रकाशन परिवार हार्दिक आभार प्रकट गर्दछ ।

शब्दयात्रा प्रकाशनले २०८१ सालको ‘शब्दयात्रा जयदेव अधिकारी अनुसन्धान सम्मान’ अनुसन्धाता डा. दुर्गाबहादुर घर्ती (सुर्खेत) मा समर्पण गर्ने भएको छ । शब्दयात्रा प्रकाशनद्वारा गठित सम्मान्य व्यक्तित्व चयन समितिको बैठकले उहाँलाई सम्मान समर्पण गर्ने निर्णय गरेको हो । अनुसन्धान पद्धतिको प्रयोग गरेर लेखिएका उहाँका अनुसन्धानात्मक कृतिहरू पौने दर्जन सङ्ख्यामा प्रकाशित छन् । उहाँजस्ता साधकमा सम्मान समर्पण गर्न पाउनु शब्दयात्रा प्रकाशनको सौभाग्य हो । यस सम्मानको कोष व्यवस्थापन शिक्षासेवी राजेन्द्र विरही (मोरङ) ले गर्नुभएको हो । सम्मान आगामी चैत महिनामा समर्पण गरिनेछ । सम्मान ग्रहण गर्न स्वीकृति प्रदान गर्नुभएकोमा डा. दुर्गाबहादुर घर्तीप्रति शब्दयात्रा प्रकाशन परिवार हार्दिक आभार प्रकट गर्दछ ।

शब्दयात्रा प्रकाशनले २०८१ सालको ‘शब्दयात्रा काशीनाथ–मायादेवी राष्ट्रझङ्कार सम्मान’ विदुषी डा. कान्ता भट्टराई (खोटाङ) मा समर्पण गर्ने भएको छ । शब्दयात्रा प्रकाशनद्वारा गठित सम्मान्य व्यक्तित्व चयन समितिको बैठकले उहाँलाई सम्मान गर्ने निर्णय गरेको हो । उहाँ आध्यात्मिक क्षेत्रकी विदुषी तथा प्रवाचिका हुनुहुन्छ । नेपाली समाजमा नैतिक चेतना, मानवीय कर्तव्यबोध र आध्यात्मिकताको जागरण गराउने खालका विभिन्न लेखहरू लेखी उहाँले प्रकाशन गराउनुभएको छ । उहाँजस्ती साधिकामा सम्मान समर्पण गर्न पाउनु शब्दयात्रा प्रकाशनको सौभाग्य हो । यस सम्मानको कोष व्यवस्थापन आध्यात्मिक लेखक कृष्णहरि मैनाली (काभ्रेपलाञ्चोक) ले गर्नुभएको हो । सम्मान आगामी चैत महिनामा समर्पण गरिनेछ । सम्मान ग्रहण गर्न स्वीकृति प्रदान गर्नुभएकोमा डा. कान्ता भट्टराईप्रति शब्दयात्रा प्रकाशन परिवार हार्दिक आभार प्रकट गर्दछ ।

शब्दयात्रा प्रकाशनले २०८१ सालको ‘शब्दयात्रा रुद्रलाल शर्मा हास्यव्यङ्ग्य सम्मान’ हास्यव्यङ्ग्यकार नरनाथ लुइटेल (भोजपुर) मा समर्पण गर्ने भएको छ । शब्दयात्रा प्रकाशनद्वारा गठित सम्मान्य व्यक्तित्व चयन समितिको बैठकले उहाँलाई सम्मान गर्ने निर्णय गरेको हो । उहाँ ‘सिस्नुपानी नेपाल’ नामक संस्थाका संस्थापकमध्येका एक तथा हास्यव्यङ्ग्य पत्रिका ‘फित्कौली डटकम’ का सञ्चालक–सम्पादक हुनुहुन्छ । उहाँले हास्यव्यङ्ग्य विधाका विभिन्न कृतिहरूको लेखन तथा नेपालको हास्यव्यङ्ग्य साहित्यसम्बन्धी अनुसन्धान गर्नुभएको छ । उहाँजस्ता साधकमा सम्मान समर्पण गर्न पाउनु शब्दयात्रा प्रकाशनको सौभाग्य हो । यस सम्मानको कोष व्यवस्थापन हास्यव्यङ्ग्यकार शारदाप्रसाद शर्मा (काभ्रेपलाञ्चोक) ले गर्नुभएको हो । सम्मान आगामी चैत महिनामा समर्पण गरिनेछ । सम्मान ग्रहण गर्न स्वीकृति प्रदान गर्नुभएकोमा नरनाथ लुइटेलप्रति शब्दयात्रा प्रकाशन परिवार हार्दिक आभार प्रकट गर्दछ ।