‘सम्पादक्यौली’ मा द्रोणप्रसाद श्रेष्ठले लेख्नुभएका ‘सम्पादकीय’, ‘लेखकीय’ र ‘भूमिका’ हरू तथा उहाँका पुस्तकमा अरूबाट लेखिएका ‘मन्तव्य’ र ‘प्रकाशकीय’ हरू समावेश गरिएका छन् । उहाँले यो पुस्तक आफ्नी धर्मपत्नी मनका श्रेष्ठमा समर्पण गर्नुभएको छ । यसअघि पनि उहाँले आफ्नी धर्मपत्नीमा आफ्नो पुस्तक समर्पण गर्नुभएको थियो । उहाँले आफ्नी धर्मपत्नीको स्मृतिमा शब्दयात्रा प्रकाशनमा महिला प्रतिभा सम्मानका लागि सम्मानकोषको र पत्रकारिता विषय पढ्ने छात्राका लागि छात्रवृत्तिकोषको स्थापना गर्नुभएको छ, शब्दयात्रा प्रकाशनले स्थापना गरेका वाङ्मयसेवीको सालिकका लागि र शब्दवाटिकाका लागि पनि आर्थिक सहयोग गर्नुभएको छ । उहाँको अर्धाङ्गिनीप्रेमको यो विशिष्ट उदाहरण हो ।