शब्दयात्रा प्रकाशनले २०७४ मङ्सिर १२ गते आयोजना गर्ने समारोहमा तीनवटा पुस्तकलाई सार्वजनिक गर्ने भएको छ ।
ती पुस्तकहरूमा लक्ष्मीभक्त अधिकारीद्वारा लिखित तथा दुर्गाप्रसाद अधिकारीद्वारा सम्पादित ‘लक्ष्मीभक्तको कविता’, द्रोणप्रसाद श्रेष्ठ ‘मुन्डाघरे’ द्वारा लिखित ‘केही दृष्टि केहीदृष्टिकोण’ निबन्धसङ्ग्रह र श्रीधर प्याकु¥यालद्वारा लिखित ‘शैक्षिक शिरोभूषण’ लघुकाव्य,रहेका छन् । ती पुस्तकहरू शब्दयात्रा प्रकाशनबाट प्रकाशित भएका हुन् ।
यी कृतिसमेत शब्दयात्रा प्रकाशनद्वारा प्रकाशित कृतिको सङ्ख्या ९३ पुगेको छ ।
तीन पुस्तक सार्वजनिक गरिने
सम्मान कार्यक्रम मङ्सिर १२ गते
शब्दयात्रा प्रकाशनले हरेक वर्षको मङ्सिर महिनामा आयोजना गर्ने सम्मान समर्पण तथा पुस्तक सार्वजनिकीकरण कार्यक्रम यस वर्ष मङ्सिर १२ गते मङ्गलबार काठमाडौँ कमलादीस्थित नेपाल प्रज्ञाप्रतिष्ठानको सभाकक्षमा गर्ने भएको छ । कार्यक्रममा पूर्वप्रमुख निर्वाचन आयुक्त तथा पूर्वराजदूत सूर्यप्रसाद श्रेष्ठले प्रमुख आतिथ्य ग्रहण गर्नुहुनेछ ।
उक्त कार्यक्रममा विभिन्न सम्मानहरू समर्पण गरिनुका साथै विभिन्न पुस्तकहरू सार्वजनिक गरिनेछन् ।
मङ्सिर १२ गते प्रज्ञाप्रतिष्ठानमा
आगामी मङ्सिर १२ गते मङ्गलबार दिउँसो ठीक १ बजे काठमाडौँ कमलादीस्थित नेपाल प्रज्ञाप्रतिष्ठानमा पुगौं । त्यस दिन गीतकार किरण खरेल, गायिका नूपुर भट्टाचार्य, समालोचक डा. दयाराम श्रेष्ठ सम्भव, बालसाहित्यकार कल्पना प्रधान र अन्वेषक प्रा. चेतोनाथ गौतमलाई सम्मान गरिनेछ । उक्त कार्यक्रममा द्रोणप्रसाद श्रेष्ठ ‘मुन्डाघरे’, लक्ष्मीभक्त अधिकारी र श्रीधर प्याकु¥यालका गरी तीनवटा पुस्तकलाई सार्वजनिक गरी वितरण गरिनेछ ।
शब्दयात्राबाट पाँचजना सम्मानित हुने
शब्दयात्रा प्रकाशनले मङ्सिर महिनामा समर्पण गर्ने सम्मानहरूको निर्णय गरेको छ । त्यसअनुसार शब्दयात्रा कविता–काव्य सम्मानबाट कवि तथा गीतकार किरण खरेल (काभ्रे) लाई र शब्दयात्रा महिला–प्रतिभा सम्मानबाट गायिका नूपुर भट्टाचार्य (ललितपुर) लाई सम्मान गरिने भएको छ ।
यसै गरी शब्दयात्रा समालोचना सम्मानबाट समालोचक प्रा. डा. दयाराम श्रेष्ठ ‘सम्भव’ (धनकुटा) लाई, शब्दयात्रा बालसाहित्य सम्मानबाट बालसाहित्यकार कल्पना प्रधान (भोजपुर) लाई र शब्दयात्रा अनुसन्धान सम्मानबाट प्रा. चेतोनाथ गौतम (भोजपुर) लाई समर्पण गरिने भएको छ ।
गत २०७४ कार्तिक २७ गते सोमबार काठमाडौँमा बसेको सम्मानित व्यक्तित्व चयन समितिको बैठकले उहाँहरूलाई सम्मान गर्ने निर्णय गरेको हो । चयन समितिमा संयोजक रामगोपाल वरुण तथा सदस्यहरू श्याम अधिकारी, नवीना श्रेष्ठ, कृष्णहरि मैनाली र केशव अर्याल हुनुहुन्छ ।
गत वर्ष उल्लिखित सम्मानहरूबाट रमेश खकुरेल, लक्ष्मी गिरी, डा. गार्गी शर्मा, देवीप्रसाद वनवासी र डा. त्रिरत्न मानन्धर सम्मानित हुनुभएको थियो ।
यी सम्मानहरूको आर्थिक व्यवस्थापन कविप्रसाद प्याकु¥याल, द्रोणप्रसाद श्रेष्ठ, हरिगोपाल प्रधान, गोपाल पराजुली र राजेन्द्र विरहीले गर्नुभएको छ ।
हार्दिक बधाई
शब्दयात्रा प्रकाशनद्वारा संस्थापित ‘शब्दयात्रा समालोचना सम्मान’ बाट २०७३ सालमा सम्मानित प्रा. डा. गार्गी शर्मा चारुशीला पुरस्कार २०७४ बाट पुरस्कृत हुनुभएकोमा हार्दिक बधाई ज्ञापन गर्दछौँ ।
शब्दयात्रा प्रकाशन परिवार
बधाई तथा आभार
शब्दयात्रा प्रकाशनका अभिभावक, नेपालका शैक्षिक शिरोभूषण, काठमाडौँ विश्वविद्यालयका संस्थापक उपकुलपति प्रा. डा. सुरेशराज शर्मा ललितपुरको खुमलटारमा अवस्थित युलेन्स स्कुलबाट गत २०७४ कार्तिक २५ गते शनिबार सम्मानित हुनुभएको छ । शब्दयात्रा प्रकाशन उहाँलाई हार्दिक बधाई ज्ञापन गर्दछ ।
युलेन्स स्कुलले आईबीडीपी (इन्टरनेसनल ब्याक्कलरेट डिप्लोमा प्रोग्राम) कोर्स सञ्चालनका लागि निर्माण गरेको नयाँ भवनको नाम नै ‘प्रा. डा. सुरेशराज शर्मा भवन’ राखेको छ । शब्दयात्रा प्रकाशन यस निर्णयका लागि युलेन्स स्कुलप्रति हार्दिक आभार व्यक्त गर्दछ ।
शब्दयात्रा प्रकाशन परिवार
वक्ता जनकपुरमा श्रोता बनेपामा
शब्दयात्रा प्रकाशनद्वारा सञ्चालित नियमित साप्ताहिक कार्यक्रम ‘कर्मयोद्धासँग शब्दसंवाद’ को छत्तीसौँ शृङ््खलामा प्रमुख वक्ताका रूपमा निर्मला काफ्ले प्रस्तुत हुनुभयो । गत २०७४ कार्तिक २४ गते शुक्रबार विष्णुहरि तिमल्सिनाको सभापतित्वमा सम्पन्न उक्त कार्यक्रम शब्दयात्रा प्रकाशनको सभाकक्षमा भएको थियो, तर प्रमुख वक्ता भने जनकपुरमा हुनुहुन्थ्यो । जनकपुरबाटै उहाँले प्रवचन गर्नुभयो र बनेपाको सभाकक्षमा बसेका श्रोताहरूले सुन्नुभयो । कार्यक्रमका सञ्चालक पदमनाथ ढुङ्गानाले प्रमुख वक्ताको परिचय श्रोताहरूसँग गराउनुभएको थियो । ‘शब्दसंवाद’ ले गरेको यस प्रकारको यो पहिलो कार्यक्रम हो ।
कार्यक्रममा शब्दयात्रा प्रकाशनका महाप्रबन्धक शारदाप्रसाद शर्मा, दीक्षा घिमिरे, श्री शर्मा मूर्ख, फणीन्द्रराज अधिकारी, पूर्णबहादुर कर्माचार्य आदिको उपस्थिति रहेको थियो ।
शब्दयात्राबाट ‘लक्ष्मीभक्तको कविता’
शब्दयात्रा प्रकाशनबाट ‘लक्ष्मीभक्तको कविता’ नामक कृति प्रकाशित हुने भएको छ । लक्ष्मीभक्त अधिकारीद्वारा २००५ सालमा लेखिएको यो कृति पहिलोपटक प्रकाशन हुन लागेको हो ।
‘लक्ष्मीभक्तको कविता’ को सम्पादन कवि दुर्गाप्रसाद अधिकारीले गर्नुभएको हो । यसमा समीक्षक डा. नन्दीश अधिकारीले मन्तव्य लेख्नुभएको छ । गोपाल अधिकारीको आर्थिक सौजन्यबाट प्रकाशन हुन लागेको यस कृतिका कृतिकार लक्ष्मीभक्त अधिकारी कवि नन्दिकेश्वर अधिकारीका छोरा हुनुहुन्छ ।
स्मरणीय छ कवि नन्दिकेश्वर अधिकारीको नाउँमा शब्दयात्रा प्रकाशनले ‘शब्दयात्रा नन्दिकेश्वर अधिकारी शोध सम्मान’ को स्थापना गरेको छ ।
हार्दिक समवेदना
शब्दयात्रा प्रकाशन लेखक समाजका सदस्य उद्धवप्रसाद नेपालका पिता चक्रपाणि नेपाल (जन्म ः १८ वैशाख १९९२, देहावसान ः १८ कार्तिक २०७४) धामगमन गरी असंसारी हुनुभएकोमा गतात्माको मुक्तिका लागि प्रार्थना गर्दछौँ र शोकविह्वल संसारी पारिवारिक सहृदयीजनप्रति हार्दिक समवेदना व्यक्त गर्दछौँ ।
शब्दयात्रा प्रकाशन परिवार
हार्दिक समवेदना
शब्दयात्रा प्रकाशनद्वारा संस्थापित ‘शब्दयात्रा होमतोत्र शिक्षा सम्मान’ बाट २०७० सालमा सम्मानित शिक्षासेवी प्रा. डा. सीताराम अधिकारीकी ममतामयी माता नन्दकुमारी अधिकारी (जन्म ः १५ भाद्र १९७६, देहावसान ः १५ कार्तिक २०७४) देहमुक्त हुनुभएकोमा मुक्तात्माप्रति श्रद्धाभाव अर्पण गर्दै शोकविह्वल परिवारजनप्रति हृदयतः समवेदना व्यक्त गर्दछौँ ।