हाम्रा सहकर्मी तथा सहयोगी तपोधन उपाध्याय कुइँकेलका पिता गोवद्र्धन उपाध्याय कुइँकेल (जन्म ः १९९१ वैशाख १० गते आइतबार र देहावसान ः २०७४ माघ २४ गते बुधबार) को देहावसान भएकाले शोकसन्तप्त परिवारजनप्रति हार्दिक समवेदना गर्दछौं एवं गतात्माको मोक्षप्राप्तिका लागि भगवान्सँग प्रार्थना गर्दछौं ।

शब्दयात्रा प्रकाशन

शब्दयात्रा प्रकाशनका सहयोगी तथा शुभचिन्तक लक्ष्मीदेवी हुमागाई ‘हुमागाई समाज नेपाल’ बाट सम्मानित हुनुभएकोमा हार्दिक बधाई ज्ञापन गर्दछौँ ।

शब्दयात्रा प्रकाशन परिवार

शब्दयात्रा नारी स्रष्टा समाजका संयोजक पुण्यवती घले रक्तदाता सम्मान समितिबाट सम्मानित हुनुभएकोमा हार्दिक बधाई ज्ञापन गर्दछौँ ।

शब्दयात्रा प्रकाशन परिवार

शब्दयात्रा प्रकाशनको ९६ औँ प्रकाशनपुष्पका रूपमा प्रकाशित कृति ‘सङ्गम’ लाई अग्रज कवि तथा संस्कृतिविद् प्रा. तुलसी दिवस तथा साहित्यकार डा. जङ्गब चौहानले संयुक्त रूपमा सार्वजनिक गर्नुभयो । गत २०७४ साल माघ २७ गते शब्दयात्रा प्रकाशनको सभाकक्षमा आयोजित पुस्तक सार्वजनिकीकरण समारोहमा उक्त कृतिलाई सार्वजनिक गरिएको थियो । नेपाली साहित्यका ६४ जना कविका कविताहरूलाई कवि तथा अनुवादक हरीश अधिकारीले अङ्ग्रेजी भाषामा अनुवाद गर्नुभएको उक्त कृति हालको तीन पुस्ता सम्मिलित नेपाली कविका शक्तिशाली कविताहरूको अनुवादसहित विशेष पठनीय अनुवादकीय मन्तव्य भएकाले अत्यन्त महàवपूर्ण रहेको धारणा कार्यक्रमका सभापति प्रा. तुलसी दिवसले व्यक्त गर्नुभएको थियो ।
पुस्तकमाथि डा. जङ्गब चौहान र डा. हेमराज काफ्लेले टिप्पणी गर्नुभएको उक्त कार्यक्रममा अनुवादक हरीश अधिकारीले अनुवादकर्म र प्रकाशनका लागि भएका प्रयासहरूका बारेमा जानकारी गराउनुभएको थियो । शब्दयात्रा प्रकाशनका अध्यक्ष हरि मञ्जुश्रीले शब्दयात्रा प्रकाशनको अभियानका विषयमा जानकारी गराउँदै स्वागत भाषण गर्नुभएको र महाप्रबन्धक शारदाप्रसाद शर्माले सञ्चालन गर्नुभएको उक्त कार्यक्रममा गीता त्रिपाठी, छविरमण सिलवाल, अभय श्रेष्ठ, प्रोल्लास सिन्धुलीय, प्रगति राई, सन्ध्या जोशी आदि कवि–कवयित्रीहरूलगायत विष्णुहरि तिमल्सिना, छविलाल कुइँकेल, अनु थापा आदिको समुपस्थिति रहेको थियो ।
उक्त कार्यक्रममा काठमाडौँ विश्वविद्यालयका विद्यार्थीहरू र कोरियाली कवि ‘आकाश’ ले विभिन्न कविका कविताहरू वाचन गर्नुभएको थियो भने उपस्थित सम्पूर्ण कवि–कवयित्रीहरूलाई ‘शब्दयात्रा प्रकाशनको छ वर्ष’ पुस्तक प्रदान गरिएको थियो ।
काठमाडौँबाट आउनुभएका कवि–कवयित्रीहरूले शब्दयात्रा प्रकाशनले निर्माण गराएका सालिकहरू र सालिक स्थापनाका लागि भइरहेका कार्यहरूको अवलोकन गर्नुभएको थियो ।

शब्दयात्रा प्रकाशनको नियमित साप्ताहिक प्रवचन कार्यक्रम ‘कर्मयोद्धासँग शब्दसंवाद’ को अठचालीसौँ शृङ्खला गत २०७४ माघ २६ गते शुक्रबार शब्दयात्रा प्रकाशनको सभाकक्षमा सम्पन्न भयो । उक्त कार्यक्रमका प्रमुख वक्ताका रूपमा नेपालका प्रथम साहित्यिक हिमाल–आरोही तथा महानन्द सापकोटा स्मृति प्रतिष्ठानका अध्यक्ष साहित्यकार लक्ष्मण सापकोटा प्रस्तुत हुनुभएको थियो । रोसी वाङ्मय प्रतिष्ठानका अध्यक्ष कवि गोविन्दबहादुर थापाको सभापतित्वमा सम्पन्न उक्त कार्यक्रमको सञ्चालन पदमनाथ ढुङ्गानाले गर्नुभएको थियो ।
उक्त कार्यक्रममा शब्दयात्रा प्रकाशनका अध्यक्ष हरि मञ्जुश्री, सञ्चालक सदस्य श्यामकृष्ण लम्साल, महाप्रबन्धक शारदाप्रसाद शर्मा, कलाकार समाजका सल्लाहकार मच्छेश्वर सापकोटा, सहयोगी समाजका संयोजक रामप्रसाद अधिकारी, स्मारिका प्रकाशन समितिका संयोजक फणीन्द्रराज अधिकारी, शिक्षासेवी पूर्णबहादुर कर्माचार्य, व्यवस्थापनविद् श्री शर्मा मूर्ख तथा विष्णुहरि तिमल्सिना, छविलाल कुइँकेल, इन्द्रप्रसाद अधिकारी, मीना घोरासैनी, दुर्गा घिमिरे, धन शर्मा, अञ्जु थापा, पुरुषोत्तम हुमागाई, निर्मला ढुङ्गाना, अनु थापा आदिको सहभागिता रहेको थियो ।

शब्दयात्रा प्रकाशनबाट काभ्रेको बनेपामा स्थापना गरिने विभिन्न पाँचजना शीर्ष शब्दसाधकहरूको सालिकका लागि काभ्रे धुलिखेल श्रीखण्डपुरका शिक्षासेवी पूर्णबहादुर कर्माचार्यले ५ हजार १ सय रुपियाँ आर्थिक सहयोग गर्नुभएको छ ।

आर्थिक सहयोग गर्न आश्वासन दिने महानुभावहरू पनि धेरैजना हुनुहुन्छ । न्यूनतम ५ हजार १ सय रुपियाँ आर्थिक सहयोग गर्ने दाताहरूको नाउँ, ठेगाना र रकम सालिकसँगै राखिने शिलापत्रमा कुँदिने निर्णय गरिएको छ ।

‘नेपालभूमि साप्ताहिक’ का शुभचिन्तक साहित्यकार मनु ब्राजाकीको गत २०७४ माघ १९ गते बिहान पाटन अस्पतालमा निधन भएको छ । उहाँ लामो समयदेखि मस्तिष्काघातबाट पीडित हुनुहुन्थ्यो । १९९९ सालमा महात्तरीको औरहीमा जन्मनुभएका चेतमानसिंह भण्डारीले आफ्नो उपनाम मनु ब्राजाकी राख्नुभएको थियो । उहाँले केही रचनाहरू ‘नेपालभूमि साप्ताहिक’ लाई पनि प्रकाशनार्थ उपलब्ध गराउनुभएको थियो । साझा पुरस्कार, महाकवि देवकोटा पुरस्कार, मैनाली पुरस्कार, गङ्गालक्ष्मी पुरस्कार आदिबाट पुरस्कृत मनु ब्राजाकीका श्रीमती, एक छोरा र एक छोरी हुनुहुन्छ । ‘नेपालभूमि साप्ताहिक’ परिवार मनु ब्राजाकीका शोकसप्तप्त परिवारजनप्रति हार्दिक समवेदना व्यक्त गर्दै दिवङ्गत आत्माको चिरशान्तिका लागि भगवान्सँग कामना गर्दछ ।

नेपालभूमि साप्ताहिक

शब्दयात्रा प्रकाशन कलाकार समाजका सल्लाहकार अग्रज लोकगायक मच्छेश्वर सापकोटा गौरीशङ्कर सांस्कृतिक समूहबाट सम्मानित हुनुभएकोमा हार्दिक बधाई ज्ञापन गर्दछौँ ।

शब्दयात्रा प्रकाशन

शब्दयात्रा प्रकाशन विश्वसम्पर्क समाजका संयोजक प्रसिद्ध सङ्गीतकर्मी तथा साहित्यकार हिरण्य भोजपुरे लघुकथा समाज नेपालबाट गत २०७४ माघ १९ गते शुक्रबार ‘बाटुली खिलध्वज लघुकथा सम्मान’ बाट सम्मानित हुनुभएको छ । यो खुसियाली सबै मित्रहरूमा बाँड्दै सम्मानित हुनुभएकोमा उहाँ€प्रति यो संस्था हार्दिक बधाई ज्ञापन गर्दछ ।